My Blog`s BD

اليوم
My Blog`s 2nd BirthDay
:)

Am in Love

With this Game :)
Sent from my BlackBerry® smartphone from Wataniya Telecom

هاذي اللي اقصدها :)

يشبهها صح ؟

جيسيكا سيمبسون :P

*الضغط على الصورة للتكبير :>

تشبيه عالسريع :)

الويك اند اللي طاف

مابقى فلم ما شفته من مجموعة افلامي المنسيه

ومن بين هالافلام فلم (Dorian Gray)

كان منه نسخه اولى مثلها josh duhamel

بس كان مليق

وما انكر النسخه المجدده هم مليقه ههههههههه بس مو هاذي السالفه

باختصار اهيا قصة واحد حب انه يحتفظ بشبابه

وعنده لوحه مرسومه له (بورتريه)

وكان يبي يحتفظ بشكله مثل ما اهوا باللوحه

فا باع روحه للشيطان

بحيث كل ما يكبر .. يخطيء .. ينجرح ..

ما تبين فيه هالاشياء تبين باللوحه ..

المهم .. طول الفلم وانا اختي من تمر جدامي بالصدفه

ازعجها بجملة وحده : " شوووفيييييه مو يشبهها؟؟؟؟!! "

واهيا تقول " اي اي خلاص اي يشبهها "

لول

انا الحين بسألكم .. ما تذكركم ملامحه بوحده مشهوره؟

اهيا تكون النسخه الذكوريه منه :P

انتو معاي في هالشي؟

لووول

My Blog`s BD

اليوم

My Blog`s FirsT BirThDaY

:)

تاجــــي :)

اسمك واسم مدونتك؟

فشــــه

fishah-q8.blogspot.com

احب الالوان؟ الايام؟ الارقام؟

احب اللون الابيض والرمادي

احب يوم الخميس ومثل رورو احب اي يوم عطله :)

احب رقم 5

برجك وتاريخ ميلادك؟

برج الثـــــور (موتضحكون) :P

شهر ابريل وبس :P

ماهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

مميزاتي: عفوية

عيوبي: مووديه .. بسرعه اتنرفز ويبين علي

الصفه اللي اتمناها: اني اكون متسامحه اكثر

مكانك المفضل؟

اي مكان فيه طبيعه وهدوء

+

غرفتي

هوايتك المفضله؟

حاليــــــــا

القراءة توني هابه فيها :)

ما المقوله اللى تؤمن بها؟

ما طار طير وارتفع إلا كما طار وقع

P:

اجمل هديه قدمت لك من مين؟

امي الحمدالله طلعت من العنايه المركزة

وهاذي هديه من رب العالمين :)

اسعد يوم فى حياتك؟ واتعس يوم فى حياتك؟

الصراحه

ماذكر متي صج استانست من قلب :(

اتعس يوم : احتفظ فيه لنفسي

موقف طريف لا ينسى من ذاكرتك؟

اهوا الموقف اللي صج ما انساه

مره بالجامعه تزحلقت بالدري وطاحوا كتبي

جان واحد قعد يلملم الكتب ويقول لي اسم الله عليج

بس مارفعت راسي عشان موكل ماشوف ويهه اذكر طيحتي

لول

معاك ثلاث وردات لمين تهديهم ؟

1- لعائلتي

2- حقي :)

3- للغاليين قراء مدونتي :)

معاك ثلاث رصاصات على من تطلقهم؟

لكل عقليه متخلفة ردتنا الى الخلف

وماحفظت واهملت عجلة التطور والتنمية بالديره

رايك فى الحب؟ ولمن تقول اجمل كلمه حب؟

بكل بساطه احساس حلو والاحلى انه الواحد يعيشه حتى لو مره في حياته

حتى في مقطع في اغنيه استانس عليها

لما تقول "LOVE 2 LIVE"

:)

اممممم

اقولكم بعدين لما اعيش هالحب :)

هل من السهل ان تمثل الحب لشخص يحبك لعدم جرح مشاعره؟

لا صعبه

ومو حلوه بالنسبه لي وللشخص اللي خايفه على مشاعره

اهم شي مبدأ الصراحه بكل شي :)

المراه فى نظر الرجل ।........ أكمل ؟

قلب حنون

الرجل فى نظر المراه.........أكمل؟

السند والطمأنينة

ماهو اسعد خبر سمعته هذا العام؟ وماهو اتعس خبر؟

اسعد خبر : اختي الحمدالله توظفت بعد طول انتظار :)

اتعس خبر : امممم اهوا في اشياء تعيسه بس ماقدر اصنفها واختار واحد منها توب ون :<

لمن تهدى التاج؟

اهديه لاخواني : اجتماعي - نمووول - ريماس

ولخواتــي : MyBooksandMe - Fantaseyah - سلـــــة ميـــــــوه

:)

واشكـــــر رورو + bhr.qadsaweya

اللي اهدونــــــــي التـــــاج وتوجوني ملكــــــــــة :**

ما هازا يا هازا ؟ :P

اليوم وانا طالعه شفت هالشكل الجميل :P

سؤال اليوم

وين هالدائره الحلوه يا شطار يا حلوين؟

:)

الجائزة : صحن لقيمات وجيس قرقيعان

:)

==========================

تحديــــــــــث

الحـــل : هالدائرة الله يسلمكم

يم مركز دسمان لابحاث وعلاج امراض السكر

مقابل سوق شرق

واللي يشوفها رجاءا يقولي

ليش حاطينها لوووول

ومشكورين وايد على المشاركه

:))

راح فيها المريض

راح فيها المريض

الصراحه كسر خاطري :P

الله لا يبلانا

HoW CuTe :)

شكله حده كيـــــــــــوت

ما ودكم يصير عندكم مثله؟ :)

اخيرا :P

اخيرا شريت جهاز المشي

عقب حنه طويييييله لول

نتلاحق على باقي اللياقة

بس مادري شفيني من امشي ربع ساعه .. جبدي تلوووع خخخخخخ

عموما شكلها هبه مثل هبة القاري .. الحين قمت اعلق عليه الفوط هههههههههه

وعلى طاري جهاز المشي

اهديكم هالفيديو اللطيف p:

looooooool :P

دعوة للتساؤل ...

ماتحوشكم حاله انه تصير فوق راسكم علامه استفهام فسفوريه تدووووور

انا وايد تحوشني خخخخ

من بين هالتساؤلات اللي طرت علي p: :

* مادري اذا انتوا مثلي او لأ .. دوار الجوازات .. لما تدشونه .. ايحوشكم احولال؟

فجأه شحلونا بطريج سيييييييييده .. تتفاجئون بصبه لووول

انا عن نفسي ماااحبيته .. ماني شايفه له اي داعي .. اول كان احسن .. ماتغير فيه شي الا عنصر الاحولال !

احساس اني فار تجارب حاطينه في متاهه .. وتعالي دوري الجبن p:

*********************************************************

* الحين لما احد بيسير عليكم .. يرن جرس الانتركم .. " منو " ؟ .. يردون " أنا " نرد نسأل " منو عند الباب ؟ "

هم يردون " أنا أنا " !!!

يعني الحين عرفنا انت منو عشان تكررها !

**************************************************

* بالافلام الغنائية .. وخصوصا الهنديه .. حبيب مع حبيبته .. فوق جبل .. طبعا مطر p: ... فجأأأأأأأأأأأه الحبيب قام غني وهذيج ترقص .. والا ناس رازين الفيس يرقصون ويغنون معاهم .. اييييييييه من وين الموسيقى وهالناس طلعوا !! لا وحافظين الحركات مرتبين شغلهم :<

**************************************************

* الحين البيبي المولود ناقص .. نحسب له عيد ميلاده من ولادته .. والا من تاريخ طلعته من الشيشه ( الحضانه ) ؟

**************************************************

* الحين كاتبين ان طول المتقدمين للشرطه .. اقل طول 155 سم .. مو جنه هناك علامة استفهام ؟

**************************************************

* ذاك اليوم كنت بال Highway .. معاي اختي .. بتجاوز وحده طول الوقت ماشيه مادري شلون لاهي بطيئه ولا دايسه .. لما ييت بتجاوزها .. الحلوه دااااست .. بطت جبدي .. صج صج احتريت .. اختي تقول شفتيها عاندت؟ قلت اي الحيييييييييييييييين اعاندها بس خل احط موسيقى ريلاكس لووووووووووووووووووووووووووووول

هذا بس موقف مو تساؤل p:

كم شخص بالصورة ......؟؟؟

كم شخص بالصورة ......؟؟؟ ( لو سمحتوا ضغطو على الصوره) :>

ترا انا لقيت 10 .. انا ذكية اسم الله علي :) ههههههه

كم وجه تستطيع ان ترى في هذه الصورة:
اذا تستطيع رؤيه: من 0 الى 5 وجوه ::فأنت كسول

اذا تستطيع رؤيه: من 6 الى 7 وجوه ::فأنت شخص طبيعي

اذا تستطيع رؤيه: من 8الى 9 وجوه ::فأنت شخص اكثر من طبيعي

اذا تستطيع رؤيه: من 10 الى 11 وجوه ::فأنت شخص ذكي

اذا تستطيع رؤيه: من 12 الى 13 وجوه ::فأنت عبقري

يلا خلونا نشوف الاذكياء :)

Three wishes

لو واحد فينا لقى المصباح السحري

شنو ال3 امنيات اللي راح تتمنونها ؟ :)

لو ..

توا اختي هونت عن طلعتها لانها انصدمت بوجود زهيوي يم سيارتها


ذكرتني بموقف هم صارلي ايام الجامعه


طوفت محاضره بسبة زهيوي لووول حكرني بالحمام ونطرته لما وخر عن الباب p:


المهم .. لييييش احنا البنات نخاف من الزهيويه؟


ادري ان شكلهم حده اع ومقرف


بس يا ترا ( لو ) كان لونه وردي .. او ملون على قوس قزح


جان هم نخاف منه؟


لووووول تفكير وحده مانامت وقامت تقط خيط وخيط p:

بالمستشفى ..

امي صارلها فتره الحين نايمه بالمستشفى

الحمدالله انا حاسه انها شوي شوي تصير احسن

بس اهي حيل متشائمه ونفسيتها تعبانه وكله توسوس وتييب طاري انا ماحبه

وانها تشوف يدتي الله يرحمها ( اهني انا اللي اوسوس لما اسمع هالحجي ) واخاااااااف

ماعندي غير اني اطمنها وقول لها يمه شالحجي .. الله يهداج .. الله اذا ابتلى الواحد بمرض ترا يحبه وكله انشالله بميزان حسناتج وهذا اجر انشالله .. الخ

الله كريم .. الله يشافيها .. ويقومها بالسلامه ويردلها عافيتها يااااااااااااااااااااااااارب

ماطول .. عموما .. انا لما اسهر عندها .. والارهاق .. اقعد اشوف شخصيات جدامي لول

مثلا

امس جدام الجامه .. البورتره ( يعني البورتر بس حرمه ) خخخخ كانت وااااااااااايد متنحه وفيها ابتسامه ذكرتني بويه هالقطوه لول

ونعمان .. قصته قصه .. امي هم نامت بالمستشفى شهر 12 اللي طاف .. كان في سستر نسميها نعمان لول .. نفس طولها وصوتها .. طبعا يت التسميه من اختي .. فا الحين من نسمع صوتها نقول ايف نعمان يت نعمان راحت :)

وفي بورتره اسمها ( رحيله ) ولما نبــي نسولــف عنها نسميـــها (Leaving) هههه

وفي سستر نسميــها (Banana)

p:

واي جو المستشفيات ماحبه .. استغفر الله .. الله يبعدنا ويبعدكم عنه :(