My BD :)

HaPpY BiRthDaY 2 Me

:)

لذاك المكان ..عدت

شعور غريب تملكني

احساس يراودني .. بصراحه .. لا اعرف له وصف

اعرف هذا المكان ..اعرف تفاصيله جيدا .. ليس جديدا علي

لكني اشعر بأني ادخل في متاهاته لاول مره

تحيط بي هاله من السكون وابتعد 

شيئا فشيئا .. اتسلل لا اراديا لذلك المكان بالتحديد

لتلك الزاوية

لتلك الارفف .. ارى خيال طفل كان يلهو هناك

اخطو خطوات صغيرة

وقبل ان اصل .. احسست بيد تمسك بيدي

تسحبني بهدوء بعيدا عن تلك البقعة الباردة

انظر لصاحبها .. اناظر عينيه

لا أرى غيره .. لا شيء آخر يهمني

يبادرني بسؤال " نرد البيت" ؟

ابتسم بخجل " اي يلله " 

اخرج من المكان الذي لم تعد برودته تشغلني بقلب دافيء

الحمدالله اقولها وانا انظر الى السماء

قلبي واثق بأن الله استجاب لدعوات أم على فراش المرض

كانت امنيتها ودي اشوفج في بيت زوجج ويرتاح قلبي

وها انا انظر الى السماء مجددا .. علها تراني وتطمئن علي 

علها تجد الراحة أخيـــــرا

BreaK

هلوو جميعا

ادري زودتها شويه بالغيبه

بس ان شاءالله ارد لكم بقوة بعد البريك

اشوفكم على خير 

:)

My Blog`s BD

اليوم
My Blog`s 2nd BirthDay
:)

شكـــرا ...

عدت اليكم لأقول :

شكــــــرا لكم أحبتي

لكل من ساندنــي

بـ رد في مدونتي

ايميل

مسج

لكل من وقف معي وآزرنــي

باتصال هاتفي

او حضور

ودعاء في ظهر الغيب

شكرا لطيبكم الذي غمرني

ولا أراكم الله مكروه بعزيز

الله لا يحرمني من وجودكم

غربـــة الروح

تطري علي مواقف .. فلاشات ولمحات مو مرتبه زمنيا

وتحضرني كلمات الفيصل لما يقول " في غير الزمان في نفس المكان مرتني الذكرى وانا واقف في نفس المكان .. "

يطري علي لما امي بمرضها وتعبها وملازمة للسرير مافيها حيل

كانوا لما يقعدونها ويحطون ورا ظهرها مخده

كنت المها فجأة بدون مقدمات

تقول لي " شفيج خرعتيني ! "

اقول لها " قاعدة اعطيج قوة .. يمه ما تبين قوة ؟ "

ترد علي " امبله ابي "

والمها حيـــــــــــــــل

وبداخلي شعور اني صج اعطيها قوة خفية .. تصبرها على اللي اهيا فيه

تطري على ضحكتها .. من مرضت حبيبتي وزاد تعبها ما شفتها تضحك

احب اشوف رقم موبايلها بتلفوني وانا بالدوام تصبح علي وتطمن اني وصلت

في بالي حركة ايدها .. مشيتها .. صراخها لما تزفنا ونطفرها .. تحلطمي عليها لما اضيعها في مكان زحمه ..

صورتها في بالي لما القاها الصبح مع ريوقها وابرتها مالت السكر تدور غطاها البرتقالي طايح منها ما تشوفه تحت الصحن ..

سوالفي .. فرحي .. حزني .. سفراتي .. طلعاتي كله معاها

دايما اقول لها انتي رفيقة الدرب

ملازمتها ولاصقه فيها حتى وانا صغيره مو هادتهم بروحهم انام معاهم بالدار

وتطري علي سوالف وسوالف وانا ويــــــن ؟؟ واقفه بينهم في عزاج !

واقفة بينهم وتذبحني غربة الروح .. غريبة بروحي معاهم ..

تذبحني فكرة اني برد البيت و ما القاج

في اذوني يهمسون " عظم الله اجرج " ومره ارد ومرات اسكت ما ارد مو مصدقه

شلون ابصبر على وحشة الدنيا من غيرج

شلون يمر يومي من غير حسج

اطلع واروح وانا ادري اني برد اسولف لج

كل زاويه بالبيت تنطق بوجودج

الحمدالله على كل حال .. ارتاحت عند رب العالمين

هذا حال الدنيا اللهم لا اعتراض

ربي يرحمج ويغفر لج

يالله مثواج الجنة يا يمه

انا لله وانا اليه راجعون

التــــاج

قوانين التاج السلطاني :

اذكر اسم من طلب منك حل الواجب

الغالية

سلة ميوه

مشكوره حبيبتي على هالواجب من زمان ماصار عندي هوم وورك

:)

و

fatto

مشكورة حبوبه :*

و

العزيزة

مي

مشكوره :*

تحدث عن ستة اسرار لا يكشفها من يقابلك اول مره

1- شكلي هاديه وايد وايد ومايوحي اني جبريت وبسرعه اعصب

ومره زفيت بورتر جدام بنات الدوام ماصدقوا ان هاذي انا لول

2- ان لي فصلاتي وقطاتي .. يعني راعية نكته على قولتهم

واللي يشوفني يقول عني هاديه جدا ومؤدبه خخخخخخخ

3- لما اتحجا بالتلفون .. احب اقط اذوني واسمع الاصوات المحيطه اللي حوالين اللي اكلمهم لول

مو بلاغة شف بس اهتمام زاااااايد عن اللزوم

يعني اللي اكلمها ادري انها تشرب شي لازم اسألها قاعده تشربين شنو؟ هههههه.. احب اكون بالصوره بكل شي لول

4- حياويه واستحي وااااااااااااايد .. وبنفس الوقت جريئة .. قمة بالتناقض ادري

5- اللي يشوفني اول مره دايما يقول عني شايفه روحي ونفيسه .. وانا العكس تماما

وهالانطباع وايد حاشني بالدوام :)

6- احب اخلط بالاكل .. ماعرف اكل شي بروحه

يعني مع العيش لاااازم كتشاب .. لاتعيبون بس صج احبه مع الكتشاب

وعلى طاري الاكل

انا عنيده بالمطبخ وراسي يابس

يعني اذا ما ضبط معاي الشي

اعيده اكثر من مره بنفس الحزه لما اسويه صح
وارتاح نفسيا :>

اهدي هالواجب حق :

4/5

هوبتي

المباركية

Being One

اجتماعي

خاتون

IMG00553-20100530-2104.jpg

خالفونـــــــــــا :(



Sent from my BlackBerry® smartphone from Wataniya Telecom

محتاجـــه أفضفــض

لمحت طفـــل يلعب بين الرفــــوف

يركـــض ولا همه احــد

ضحكتــــه البريئــة وهو شايل لعبتـــه

يوريهـــا أمــــه ويرد يكمل ركضتــــه

يمر يمي واخطف لحظه لمست فيها شعره

سبحان من صور هالبراءة والجمـــال

الله يخليه لأهله ويحفظـــه

وبالصدفة سمعت نفس الطفل يناديه ابــوه

رفعت راسي وليتني ما رفعتـــه

شفته وتوقف بي الزمن لحظــــه

رد في قلبي ذاك الحنين واحلى شعور

صورة كليتي وقاعات الدراسه والممرات

شوقي لذيج الأيام

نفس العيون ماتغيرت

نفس الملامح ما كبرت

تذكرت أيام التخرج

تذكرتـــــه

تذكرت الاعجاب البريء اللي ماكنت ادري عنــه

تذكرت صديقتي تقولي بفترة عقب التخرج " تذكرين فلان؟ "

وانا بابتسامه ارد " اي اذكــره"

"كان مكلمني عنج يبيج .. عقب التخرج بيتقدم لج"

" قال لي آخذ رايج واقولج"

"وليش ما قلتيلي .. شاللي ردج؟ "

" اللي ردني اني انا كنت ابيه ! "

مر هالحوار في خيالي وانا المحه يلاعب ولده

ماتحملت الوقفه .. ضاق بي المكــــان

طلعت وغصة في قلبي كبــرت

ماتحسفت على شي مضى لكـــــن ..

غيمــــــة هدوء سكنتني

مع شويــــة ضبـــاب ...

يـوم ميــــلادي

يمرنــي كـــل عـــــام يــــوم ميـــلادي

يوم اعرفــه ويوم انســى مواعيده

يمرني وانتبـه للغايب البـادي

واهوجس بحال غيـري مـن مواليــده

أرتاع وارتــاح لـه يفرق وهـــو عادي

ينقص من العمــر عــام في ضحى عيــده

HaPpy BiRthDaY 2 Me

;)

===========

شكر خاص لاختي الغاليه

(بنت الديره)

:>

My Blog`s BD

اليوم

My Blog`s FirsT BirThDaY

:)

بتحلطـــم

اليوم ما داومت

وتحسفت آخذها عرضي

على طاري العرضي

ترا يا جماعه ما تكفينا ال 4 ايام بالسنه

:(

حلاته 6 انا راضيه :P

دشيت مصافط المستوصف والا زحممممممممممممممه

خذيت رقم والا رقمي 126 والدور واصل 82 :<

جك بوووم والا تصير نجره وهوشه

بين وحده تتحلطم على ان الدور ما يمشي والطبيبه نفسها مو شي وبتشتكي عليها

جااااان يطفون شاشة الارقام

قلت " امبيه انا مصبحه في ويه منو اليوم ؟ :( شالحظ )

المهم صارت لويه

وانا كانت نازله علي غيمه من الهدوء قاعده بالزاويه العب جيمز (حدي فاضيه)

عقب ساعه ونص يالله يه دوري وافتكيت

طرالي شي .. لو نسوي طبياتنا بروحنا ندز طلب طبيه بسايت المستوصف .. كل واحد عنده فايل ويدش بالرقم المدني والباسوورد .. والدكتوره تدز الرد واحنا بس نسوي برنت ونصدقها .. مو صح خووووش اقتراح :)))

====================

عندي مخالفات تفيد ان حضرتي طايفه الاشاره الحمرا

مع اني ولا مره طفتها ( امممممممم يمكن بس مره ماجذب انا هههههههه )

بس اللي انا متأكده اني اطوفها واهيا صفره .. وماشوف فلاش

فهل صج ان قاموا يصورونا حتى واحنا طايفين الصفرا ؟

اغلب مخالفاتي بتقاطع خالد عبدالعزيز .. وينه هالتقاطع؟؟!!

====================

تلاحظون ان الباصات قيادتهم قياده رعناء؟؟

اكثر ناس اشوفهم دايسين و يبتونون ومستهترين

جنه الحين وراهم شي مهم

واذا طليتوا .. بتشوفون بس راس والا راسين قاعدين

على شنو هالدفاشه والعيله ؟؟

=================

ارد واقول نفس اول

سيارات تعليم القياده المفروض عقب ال 8 يعلمون المتدربين

لان وايد مسوين زحمه بسبب قيادتهم البطيئه

شنو ذنب ناس مستعيلين على دواماتهم واللي جدامهم سياره تعليم سرعتها صفر وبالنص :(

يبطون جبدي

تذكرت اول

لما كنت اتدرب

مدربتي قالت لي فشه اخر يوم بوديج تتمشين على شارع البحر عشان تستانسين

قلت لها لا مشكوره مابي .. حق الشماته يا سعد :Pp

===================

تعرفون عطر اسمه "حجر" ؟

موجود بس بدبي .. توني هابه فيه

لا واسميه صخربالغلط لووول

ترا نايس .. تعرفونه؟ @@

================

بقولكم سالفه قبل لا اروح اشوف فلم the Box

اول يا حلوها امي كنت اتمشا معاها بالليل عقب العشا بالفريج بين البيوت

كان عندي سلحفاة حاطينها بالحديقه .. بس دمها ثقيل :P

مره من المرات

امي تنطرني ابدل عشان اتمشا معاها

واحنا بنمشي شفت بيدها جيس مال الجمعيه

قلت لها "يمه شنو هالجيس؟"

قالت "هاذي سلحفاتج بنغويها "

لووووووووووول

قلت" ليش يمه؟!"

قالت "يقولون اتييب الفقر "

المهم .. خليناها يم باب بيت مانعرفه

خخخخخ

================

تصبحون على خير :)

خرعتــــــــــــــي الصبــــــــح !

اليوم صارلي موقف ما مريت فيه ولا في هالشعور البايخ من زمــــــــــــــــــــــــــــــــان

فزيت وقلبي ناقزني

اطالع الساعه والا 8 الا ربع الصبح

واقول " امبيييييييييييييييييييه مارنت الساعه حق الدوام!!!! شسوي!!!"

وافكر آخذها طبيه والا ادز مسج اني باخذ استئذان .. الخ

وشكلي بالضبط نفس الصوره لووول

وانا متنحه ياني ذكاء .. اقول امس كان شنو؟ تذكرت ان اليمعه

اهني حسيت (بذكائي) ورديت نمت لوووول

مريتوا في هالشي و هالخرعه نفسي؟

:Pp

My Sis`s BiRthDaY :)

قبل جم يوم كان عيد ميلاد اختي

رحنا تعشينا وبعدين

قلنا خل نفصل شويه ونروح نلعب

بصالة الالعاب اللي يم جمعية بيان

:)

اول ما دشينا صرفنا فيش

وشفنا هالحلوه مجابلتنا ههههههههه

اختي تحب اي لعبة فيها مطرقه ههههههه

وهاذي بعد :)



هاذي لعبة تفلعون فيها العتاويه :)


واخر شي ربحنا هالتراجي الكشخه من الكوبونات :Pp


وبعدين رحنا الخباز شرينا كيكه

وهاذا راس صاحبة العيد الميلاد :))



========================

بهدي التاج بما اني ليلحين ملكه يديده وقبل لا يخلص هالشهر

حق اختي الغاليه

..pen seldom

:)

=======================

توا طلبت عشا من شرمبي
ذكرني بهالصوره
واي ياحلووووو الربيان والله جلم قلبه :)
حده كيوت صح :>

HaVe a NiCe WeeKEnD

:)

تاجــــي :)

اسمك واسم مدونتك؟

فشــــه

fishah-q8.blogspot.com

احب الالوان؟ الايام؟ الارقام؟

احب اللون الابيض والرمادي

احب يوم الخميس ومثل رورو احب اي يوم عطله :)

احب رقم 5

برجك وتاريخ ميلادك؟

برج الثـــــور (موتضحكون) :P

شهر ابريل وبس :P

ماهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

مميزاتي: عفوية

عيوبي: مووديه .. بسرعه اتنرفز ويبين علي

الصفه اللي اتمناها: اني اكون متسامحه اكثر

مكانك المفضل؟

اي مكان فيه طبيعه وهدوء

+

غرفتي

هوايتك المفضله؟

حاليــــــــا

القراءة توني هابه فيها :)

ما المقوله اللى تؤمن بها؟

ما طار طير وارتفع إلا كما طار وقع

P:

اجمل هديه قدمت لك من مين؟

امي الحمدالله طلعت من العنايه المركزة

وهاذي هديه من رب العالمين :)

اسعد يوم فى حياتك؟ واتعس يوم فى حياتك؟

الصراحه

ماذكر متي صج استانست من قلب :(

اتعس يوم : احتفظ فيه لنفسي

موقف طريف لا ينسى من ذاكرتك؟

اهوا الموقف اللي صج ما انساه

مره بالجامعه تزحلقت بالدري وطاحوا كتبي

جان واحد قعد يلملم الكتب ويقول لي اسم الله عليج

بس مارفعت راسي عشان موكل ماشوف ويهه اذكر طيحتي

لول

معاك ثلاث وردات لمين تهديهم ؟

1- لعائلتي

2- حقي :)

3- للغاليين قراء مدونتي :)

معاك ثلاث رصاصات على من تطلقهم؟

لكل عقليه متخلفة ردتنا الى الخلف

وماحفظت واهملت عجلة التطور والتنمية بالديره

رايك فى الحب؟ ولمن تقول اجمل كلمه حب؟

بكل بساطه احساس حلو والاحلى انه الواحد يعيشه حتى لو مره في حياته

حتى في مقطع في اغنيه استانس عليها

لما تقول "LOVE 2 LIVE"

:)

اممممم

اقولكم بعدين لما اعيش هالحب :)

هل من السهل ان تمثل الحب لشخص يحبك لعدم جرح مشاعره؟

لا صعبه

ومو حلوه بالنسبه لي وللشخص اللي خايفه على مشاعره

اهم شي مبدأ الصراحه بكل شي :)

المراه فى نظر الرجل ।........ أكمل ؟

قلب حنون

الرجل فى نظر المراه.........أكمل؟

السند والطمأنينة

ماهو اسعد خبر سمعته هذا العام؟ وماهو اتعس خبر؟

اسعد خبر : اختي الحمدالله توظفت بعد طول انتظار :)

اتعس خبر : امممم اهوا في اشياء تعيسه بس ماقدر اصنفها واختار واحد منها توب ون :<

لمن تهدى التاج؟

اهديه لاخواني : اجتماعي - نمووول - ريماس

ولخواتــي : MyBooksandMe - Fantaseyah - سلـــــة ميـــــــوه

:)

واشكـــــر رورو + bhr.qadsaweya

اللي اهدونــــــــي التـــــاج وتوجوني ملكــــــــــة :**

انا .. والخادمة

صارلي فترة ادق على مكاتب الخدم ادور مسترجعه

او مثل ما يقولون ( على كفالة المكتب ) تعددت التسميات والمعنى واحد

المهم

ابي يديده حاااالا لان اللي طالبينها طولت وليلحين ما يت .. وصار الضغط كله على خادمه وحده

امس حظي حلو .. دقيت على مكتب .. ردت على السكرتيره قلت لها ابي مسترجعه قالت اي عندنا كفالة المكتب

سيلانيه تشتغل بالسعوديه عمرها 36 والثانيه كانت في لبنان عمرها 27

قلت ابي اللي كانت بالسعوديه ( انا فضلتها كبيره حق الماما احسن )

قالت المندوب اييبها .. والتجربه.. وبلا بلا بلا

قلت اوكي

الساعه 1 الظهر .. طقوا الباب .. والا ساندي (خدامتنا) تناديني تقولي هذا المكتب

رحت لبست عباية امي وشعري كبة عوية لوول ونعال البيت على ويه ارنب خخخخ ( ادري ادري اناقة مو طبيعية)

شفت المندوب .. يمه وحده لابسه تنوره جينز طويله وتي شيرت احمر

قلت له هاذي اللي بالسعوديه؟ قال لي يس

المهم قلت لهم تفضلوا داخل

قبل لا تدخل جدامي .. توها بأول الدرج مال دخلة البيت

جااااااااااااااااان استوعب شي

مسكتها من كوعها لووول

اطالعها من فووق ليه تحت اتمقل فيها

ياني شعور وانا اطالعها

انـــــــــــــــــــــــــــــــــــــي صرت

( ماري منيب )

لووووول

لما تبي تخطب وحده .. تتمقل فيها .. الصراحه لو عندي يوزه جان هم عطيتها تكسرها اشوف ضروسها خخخخخ

المهم جان اسأله هاذي جم عمرها ؟ قال مدام هاذي 22.. (22!!) (ياللهول هاذي اصغر مني) خخخ

ومن نفس مسكة الكوع فريتها ليما عادلت باب السكه لووول

قلت له : لا ماما انا يبي وحده ثانيه .. انا يقووول حق سونيتا ابي خدامه 36

خلاصة السالفة .. تهقون صج بصير ماري منيب ؟ لووووول

استراحة قصيرة

السلام عليكم

بس حبيت اقول اني راح آخذ استراحة قصيرة

لظروف خارجة عن ارادتي

امي تعبانة شويه

و راجعة لكم ان شاء الله لما تطلع من المستشفى بالسلامة

دعواتكـــــــم

تحلطم قبل النوم :(

اكرههههههههههههههه مستشفى مبارك وزحمته وعفيسته ومصافطه وارصفته الرفيعه اللي الواحد لازم يتسلقهم عشان يعبر وممراته الضيجه وكل شي :(

اكره اني انطر الدور واخر شي مالت الارقام خربانه

اكره اشوف الزحمه .. واحد مريض وخمسه معاه بس يايين معاه وناسه

اكره الكافتيريا مالتهم والدونت اليابس مالهم ( طالعه عرض)

توني يايه مع ابوي منه .. ودينا خدامتنا ريلها منكسره

استغفر الله .. امي توها طالعه من المستشفى قلنا نفتك من هالمستشفى البائس

الحين يه دور خدامتنا

الظاهر استغفرالله انا كل يومين لازم اطق كرت بطوفة هالمستشفى :(

واي واشوف اشكال والوان عجيبه من الناس .. مابي اعلق استغفرالله .. بروحي مو نااااااقصه

اهي اهــــي ابي ابجي :(

بروح انام :(

تصبحــــون على خيـــــر :(

بالمستشفى ..

امي صارلها فتره الحين نايمه بالمستشفى

الحمدالله انا حاسه انها شوي شوي تصير احسن

بس اهي حيل متشائمه ونفسيتها تعبانه وكله توسوس وتييب طاري انا ماحبه

وانها تشوف يدتي الله يرحمها ( اهني انا اللي اوسوس لما اسمع هالحجي ) واخاااااااف

ماعندي غير اني اطمنها وقول لها يمه شالحجي .. الله يهداج .. الله اذا ابتلى الواحد بمرض ترا يحبه وكله انشالله بميزان حسناتج وهذا اجر انشالله .. الخ

الله كريم .. الله يشافيها .. ويقومها بالسلامه ويردلها عافيتها يااااااااااااااااااااااااارب

ماطول .. عموما .. انا لما اسهر عندها .. والارهاق .. اقعد اشوف شخصيات جدامي لول

مثلا

امس جدام الجامه .. البورتره ( يعني البورتر بس حرمه ) خخخخ كانت وااااااااااايد متنحه وفيها ابتسامه ذكرتني بويه هالقطوه لول

ونعمان .. قصته قصه .. امي هم نامت بالمستشفى شهر 12 اللي طاف .. كان في سستر نسميها نعمان لول .. نفس طولها وصوتها .. طبعا يت التسميه من اختي .. فا الحين من نسمع صوتها نقول ايف نعمان يت نعمان راحت :)

وفي بورتره اسمها ( رحيله ) ولما نبــي نسولــف عنها نسميـــها (Leaving) هههه

وفي سستر نسميــها (Banana)

p:

واي جو المستشفيات ماحبه .. استغفر الله .. الله يبعدنا ويبعدكم عنه :(

فضفضة

دايما الواحد لا نقل من كذا مكان بدوامه طلعوا فيه العيب

وان اهوا الغلطان

ليش ما يقولون والله مكانه كان غلط مثلا

ليش مايكون مسئوله من النوعيه اللي الواحد ما يتحملها بالمره

ليش ماتكون المجموعه اللي معاه اهيا الغلط . وان مهما حاول يشغل نفسه بالشغل ماكو فايده ..

ليش مايفكرون انه الدوام عمر .. سنين من عمرهم تروح واهم قاعدين .. مو يوم والا يومين .. ليش الواحد يقضيها بالحسد وتزلق الوايرات والحش والقيل والقال

مو غلط الواحد يدور لين يلقى المكان اللي يريحه

صج ان مافي احد مرتاح ( شعندها رويشد ) p;

وحتى لو ارتحنا والله عوضنا بمكان .. لابد فيه (شي) يضايقنا

بس .. حبيت افضفض :(