كريمه لذيذه

صباح الخير

وانا احوس بمركز سلطان لقيت هالكريمه

عاد جربتها مع باستا بالمشروم والبصل الابيض

طلعت صج صج لذييييييييذه 

يعت من الصبح خخخ

صورتها لكم اليوم قبل لا اروح الدوام 

وقعدت ادور ادور ادور سويج سيارتي

جان استوعب اني ناسيته بالثلاجه لما صورتها لووول

عادي عادي هاذي سوالف الصبح :P

 

 

مولتن كيك

هلوو

هاذي وصفة مولتن كيك شفتها وانا احوس في يوتيوب

حدها سهله ولذيذه

سيرت على رفيجتي

وسويناها بس حسافه كان ناقصنا 

ايس كريم فانيليا 

:)

المقادير 

كيس من قطع هيرشي جوكلت شيبس

طحين  ربع كوب

اربع بيضات

زبدة غير مملحه 50ج

نص كوب سكر

فانيليا

الطريقه

 نذوب قطع الجوكلت بحمام مائي - 

وبماعون الخلط : نخلط الزبده والسكر والفانيليا والبيض (يفضل وحده ورا الثانيه) والطحين خلط يدوي 

نضيف عليهم قطع الجوكلت المذابه ونستمر بالخلط-

راح يكون عندنا خليط قوامه ثقيل -

نجهز قوالب المولتن كيك وندهنهم بزبدة وبعدين نضع الخليط -

بالفرن تقريبا 20 دقيقه بالضبط خلصت -

:)

 بالعافيه

:)

حلو الرمــــــان

هاذي الوصفة خذيتها من منتدى كويتيات

اممممم اهيا نايس بس شويه شيرة حبتين من الفيمتو

الطبقة الاولى : نقطع كيك سرالي مربعات صغار

الطبقة الثانية: بالخلاط

علبة قيمر كي دي دي / يفضل تكون باردة

كيس دريم ويب

كيس كريم كراميل البودرة

ثلاث حبات جبن كيري

نص علبة حليب سائل

نحط الخليط فوق الطبقة الاولى

وبعدين بالفريزر نص ساعه الى ساعه الى ان يجمد

الطبقة الثالثة 

نص كوب فيمتو

ملعقة طعام نشا

ربع كوب ماء

تخلط هالمقادير جيدا على النار الى ان يجمد الخليط

الطبقة الاخيره : حبات رمان

وبالعافيه :)

ريوق مكدونالدز

مكدونالدز منزلين ريوق يديد حلووم.
مادري إذا جربتوها . بس الصوره تعبر. كانت محترقه :(
والطعم عاااادي جدا جدا.
بس اليوع كافر p:
Sent from my BlackBerry® smartphone from Wataniya Telecom

Tea

حق اللي يحبون طعم الفانيليا هذا تقريبا ألذ جاي بطعم الفانيليا ذقته ولو ان طعم ماي الورد أهوا الغالب بس نايس.
تلقونه بمركـــز سلطــان
:)
Sent from my BlackBerry® smartphone from Wataniya Telecom

صينية التوست بالشاورما

هلوو شلونكم

هالوصفه لقيتها بالنت لما كنت ادور وصفه حق شاورما الدياي اللي متوهقه فيه بالفريزر

بس زدت عليها اشياء وزدت عليها الاوريغانوو حبيبي اللي بكل شي رازته

:p 

 

   المقادير

1كريمة

1قيمر

1ملعقة كبيرة مايونيز

1ملعقة كبيرة جبن قلاص

جبن شرايح

1كيس توست

شاورما دياي امريكانا

فلفل بارد - ذرة - بصل - مشروم

الطريقة

1) نخلط الكريمة والمايونيز وجبن القلاص والقيمر في وعاء

2) نحمس البصل + الفلفل البارد + الشاورما والذرة والمشروم + نضيف البهارات  وشوية فلفل اسود ومكعب ماجي

3) بصينية البايركس : نصف التوست بدون ازالة الاطراف وبعدين الشاورما وبعدها طبقة من التوست

4) نصب خلطة الكريمة ونصف جبن الشرايح فوقها وطبعا حبيبي الاوريغانو نتفه :)

5) بالفرن تقريبا 40 دقيقة الى ان تتحمر :>

وبالعافية

:>

بسبوسة

هلووو

هاذي وصفة بسبوسه خذيتها من قروب اختي حبيبتي بنت الديرة

وصارلي فتره اسويها لانها حدها لذيذه واهم شي سهله

:)

بالخلاط :

3/1 كوب زيت

2 بيض

1 قيمر kdd

شوية فانيليا

في ماعون ثاني نخلط :

1 كوب سميد عادي

1 كوب حليب نيدو بودره ( انا استعملت حليب التموين)

1 كوب سكر

1 ملعقه صغيره بيكينج باودر

- نحط المقادير اللي بالخلاط على النواشف اللي بالماعون ونخلطهم يدوي حتى يتجانس الخليط

- وعقب بصحن بايركس او صحن الكيك المستطيل وبالفرن

جربــوها صدقوني لذيذه .. وبالعافيـــــــــه

:)

كب كيك بالدجاج

هلوووو

هاذي الله يسلمكم وصفه كانت واصلتني بالايميل

شكلها كان سهل ويشوق قلت اجربها

وصج طلعت نايس :>

اول خطوه تغلفون فنجان قهوه بنايلون لدواعي النظافه ههههههههه

(هالخطوه من عندي) :Pp

2) تقطعون التوست بالفنجان وتحطونه بقوالب الكب كيك

3) فوق التوست : حميسة شاورما دجاج +فلفل اخضر+بصل وطبعا البهارات والملح

وفوق رشة شبنت .. بالايميل حاطين بقدونس

بس انا فضلت الشبنت .. احب ريحته :)

4) الخلطه البيضا :

3 ملاعق كبيره جبن كرافت + 2 ملعقه كبيره مايونيز + 1 قيمر كي دي دي

5) بالفرن بس من فوق لما يتحمر .. وبس :)

ان شاءالله تعجبكم .. بالعافيــــــــــــــــــة :>

Aero Hot ChOCoLaTe

أثناء جولة سياحية في ربوع جمعية كيفان

طحنا على هوت جوكلت

على ككاو آرو

اهوا شويه ثقيل ويشبع

وحلاته نص ونص ماله داعي تضيفون شكر

بصورة عامة طعمه نايس

:)

=========================

شفت حبيبي ايام المراهقه

حاطين صورته على بودر

يعني اللي يحطه يقلب شاروخان :Pp

مراسلتكم فشه من جمعية كيفان

:>

طبق اليوم :)

بقولكم عن وصفه من كتاب (افكاري في اطباقي)

سهله بس شويه دسمه

مرتين سويتها عشا .. طبعا بس انا واختي نحبها .. بيتنا ما يحبون هالسوالف :<

المقادير :
- كوب بصل
-كوب فلفل اخضر بارد
-مشروم
-ذرة
-مكعب ماجي خضار
-بهارات - فلفل اسود شويه- ثوم (كيفكم انا ماحطيت) :>
(هالمقادير تسوونها حميسه) :)

مقادير الصلصة : (بالخلاط) :
- 1 كريمه
-1 قيمر
-3 ملاعق جبن كرافت
-نص كوب جبن موزاريلا
- ملعقة - ملعقتين كتشاب
-ملعقه اوريغانو

* تحطون شويه بأرضية البايركس صلصة :>

* تفرشون طبقة وحده من عجينة السمبوسه بالارضيه

* وبعدين تحطون الحميسه

*وبعدين تغطونها بطبقة من العجينة

( اهوا بالكتاب مذكور نسوي العجينه رولات بس انا مالي خلق على طول فرشت الطبقه لول )



*تصبون الصلصه وترشون جبن موزاريلا واوريغانو على السطح




*وبعدين بالفرن تقريبا نص ساعه .. ومن فوق شويه بس تتحمر نتفه :)
(ترا انا فاشله بالشرح) :>

وبالعافيه :)


=================

جايونه هذا بعد اهداء لج من سنتر بوينت :)

لقيت فيل على مبخر الشمعه بس استحيت اصوره كان يمي وايد ناس لول :>

تناتيف 3

هلووو شلونكم

:)

نعود اليكم من جديد عقب غيبه شبه طويله

بسبب امي كانت تعبانه شويه بالمستشفى وانشغلت معاها

بسولف لكم عن روايه اخيرا خلصتها

رواية ( الاحتراق البطيء) بس النسخه العربيه

في بداية جم صفحة كانت تتكلم على لسان العم الغني .. واللي تبتدي الاحداث بعد وفاته

حيث انه اورث (كيت) حفيدة اخوه اغلب ثروته

لانه يحس انها تشبهه من بد خواتها (عندها اختين اصغر منها)

من ناحية نظرتها التجاريه .. تحب الشغل وعندها تجاره وشركه خاصه

مختصه بصنع الشموع وكريمات الجسم

ومعاناة كيت بسبب هالورث من كذا محاولة اغتيال

اممممممم

برايي الشخصي

روايه عاديه .. وماتشوق وايد .. ولا استفدت منها شي

:<

==============================

قبل العيد رحت مع اختي حق ديسكفري

وتغدينا في chocolate & macaroon

طلبنا سلطة الجرجير

وحقي عصير ليمون بالنعناع .. واختي عصير ليمون .. وبيج ماوث

عباره عن فرايز ونقانق ومايونيز وكتشاب لذيذ بس دسم

وميني جيز بورجرز .. مجكنمين :>

وبالاخير خذينا كولكشن من الماكارون .. عجبني اللي على دايجستيف :)

============================


رحت كليرز جان اشوف شغلتين ذكروني في اختنا وزميلتنا : جاي الضحى

:)

============================

مر علي كتاب

اعتقد اسمه

(موسوعة التمور)

لفت نظري انه فيه نوع من التمر اسمه بلوق

هههههههههه

============================

بقولكم سر بس لا تقولون حق احد

:)

بطبيعة الحال لازم نسمي ناس قريبين منا باسامي (نيك نيمز) محد يعرفها الا مجموعه صغيره

وهالمره بقولكم شنو نسمي مسئولنا بالدوام

نسميه ( كوب )

:)

مادري شلون طلعت التسميه .. بس تعودنا عليها

عاد ابوي لما درا بهالنيك نيم .. واشكثر غثيت بيتنا بسوالفي عنه .. دزلي مسج وانا بالدوام

كاتب فيه :

يا شين كوب بين الاكواب معيوب..ماينشرى بالسوق والكل مله

ماينعرف ان كان عدل او مقلوب..يخفف دمه واهو على القلب عله

ماندري رايح او اهو جاي دبدوب..من البلاوي اللي بكرشه تتله

:)

حلو الطبقات الثلاث :)

توني سويت هالحلو .. وايــــــــــــــــــــــــــــــــــــد لذيــــــــــــــــــــذ وسهــــــل

شفته في ايميل قبل جم اسبوع .. طلع صج يمي يمي :>

المقاديـــــــــــر :
- بسكوت دايجستيف الصغير
- حليب صغير ( بس حق تغميس البسكوت )
- 1 ظرف دريم ويب
-10 جبن كيري
-3 ملاعق طعام سكر ناعم
-2 قيمر كبير \ 1 صغير حق التوفي
- 6 ككاو مارس

الطريقـــــــــــــة :

1) نغمس البسكوت في الحليب شويه .. ونكسره في الصحون الصغيره مثل الصوره .

2) نصب عليه شوية توفي ( انا ماعندي جاهز .. سويت التوفي استكانة ونص سكر + 1قيمر الصغير)

3) بالخلاط : 1 دريم ويب + 10 جبن كيري + السكر البودر + 1 قيمر .. وبعدين نخليه الطبقه الثانيه فوق البسكوت والتوفي .
4) الطبقة الأخيرة : نذوب 6 ككاو مارس + 1 قيمر بحمام مائي .

5) اخر شي نزينه بككاو فليك مبشور او يوز او اي شي تحبونه وبعدين بالثلاجه :)

وبالعافيه

:)

حلو الاوريو :)

تجاوزت الساعه منتصف الليل ( ترا الاسلوب قوي خخخ )

وحاشتني حاله من الارق الغثيث .. مادري شفيني هالايام .. وايد افكار شاغلتني

بس بعدين افضفض مو الحين :<

المهممممممممم قلت خل اسوي سوييييت واحد للبيت والثاني حق الدوام باجر

بدال قعدتي هاذي وهم رفيجتي تبي تذوقه :>

المقادير :

2 قيمر KDD

2 كريما

4 اظرف دريم ويب

2 كيكة سارالي

30 بسكوتة اوريو

(هالمقادير حق قالبين )

كل المقادير بالخلاط بس الاوريو نحط بس 15 بسكوتة كامله مع كريمتها

نقصص الكيك شرايح

نحط طبقه من خلطة الكريمه فوق الكيك .. وال 15 ارويو الثانيين نشيل منهم الكريمه ونطحنهم .. ونرش بودرة الاوريو اخر شي :)

وبسسسسسسسسسسسسسسسس ... امبيه حدي ماعرف اشرح لووول

لاتعيبون على شكلها النهائي .. ترا نايس والله :>