الخميس، يوليو 01، 2010

تشبيه عالسريع :)

الويك اند اللي طاف
مابقى فلم ما شفته من مجموعة افلامي المنسيه
ومن بين هالافلام فلم (Dorian Gray)
كان منه نسخه اولى مثلها josh duhamel
بس كان مليق
وما انكر النسخه المجدده هم مليقه ههههههههه بس مو هاذي السالفه
باختصار اهيا قصة واحد حب انه يحتفظ بشبابه
وعنده لوحه مرسومه له (بورتريه)
وكان يبي يحتفظ بشكله مثل ما اهوا باللوحه
فا باع روحه للشيطان
بحيث كل ما يكبر .. يخطيء .. ينجرح ..
ما تبين فيه هالاشياء تبين باللوحه ..
المهم .. طول الفلم وانا اختي من تمر جدامي بالصدفه
ازعجها بجملة وحده : " شوووفيييييه مو يشبهها؟؟؟؟!! "
واهيا تقول " اي اي خلاص اي يشبهها "
لول
انا الحين بسألكم .. ما تذكركم ملامحه بوحده مشهوره؟
اهيا تكون النسخه الذكوريه منه :P
انتو معاي في هالشي؟
لووول


هناك 34 تعليقًا:

رورو الشخبوطه يقول...

ويه مو غريب علي بس يذكرني بمنو مااذكر :\

غششيني :p

ومرسوو..

ميمة السبيت يقول...

** الحين الصورة هذي صورة واحد وحدة شنو مومبينه الملامح

شوفي فلم دير جون انا احب الافلام الرومانسية

*Being One يقول...

انا اول ما شفت الصوره بدون لا اقرا الحجي قام اقول هذا يشبه منو !!
مادري ما وصلت للجواب يشبه منو ؟؟

قلم ومسّاحة يقول...

لوول اول ما شفت الصورة على طول قلت يشابه (سماح أنور) الممثلة المصرية وهذي صورها:

http://www.elcinema.com/photo/photolist/3583980/60050081380008119.jpg

captain khalid يقول...

امممم.. يذكرني بحد بس مااعرف اسمها

غير معرف يقول...

ممثله لبنانيه اسمها نور! :O


http://productnews.link.net/general/Entertainment/05-10-2008/Nour_L.jpg

شاي الضحى يقول...

ما اشوفه يشبه احد

Crazy Girl in aGood Way يقول...

انا اشوفه يشبه نجلاء فتحي بس بعد تمعن عدل.... انتي شنو تشوفين ؟؟

خاتون يقول...

ما ادري منو ؟؟؟
بس أكيد يشبه نفسه كاااااااااااااك

..pen seldom يقول...

والله أنا أشوفه يشبه الممثلة السورية
نادين تحسين بيك ..

من أول ما شفته , حسيته يشبها ^^

..

عاد أنتِ منو تقصدين .. ما ندري ..!

تحياتي لكِ ..

Hopeless Sight يقول...

ساعدينا عاد.. منو الممثلة ؟
أحس صعبتيها وايد :p

fatto يقول...

عيزت وانه اتمقل فيه .. مادري من يشبه .. مايشبه احد !!!

Crazy Girl in aGood Way يقول...

امبيييييه قصدي ميرفت امين لوووووول

جبريت يقول...

والله بيني وبينج علاقتي بالتلفزيون صار لها الحين مقطوعه من 4 سنوات بالتمام والكمال وزيدي فوقهم يوم الي اعرفه بالتلفزيون بس الاخبار والمباريات اذا لي خلقهم اتابعهم

واذا مغير الموجه العب بلي ستيشن مع عيال اختي واخليهم يفوزون علي يعني انا الخال الحنين لوول

aL-NooR . يقول...

منو طلعت @@



waiting
:)
***************

خاتون يقول...

منو منو منو منو
بعد هم منو منو منو منو ؟؟؟
تبين أكتب بعد ترى عادي لي الصبح هههههههههههههههه

Fishah يقول...

رورو

لاا الغش ممنوع هههههههههه

Fishah يقول...

ميمة

ساعات احتر من هالنوعيه من الافلام لووول
فيني نقص عاطفي خخخخخخخخ

عندي وايد افلام .. يبيلي اضيفه معاهم :>

Fishah يقول...

Being One

بس نصيحه لا تشوفين الفلم .. ماله معنى بالمره :<

Fishah يقول...

قلم ومساحه

انا مووو مقتنعه انه يشبهها :<

بس يمكن شويه منها :)

Fishah يقول...

captain khalid

هااا تذكرت والا ليلحين؟؟ :)

Fishah يقول...

غير معرف

انزين الحين اشوفها .. شكرا على المرور :>

Fishah يقول...

شاي الضحى

اممممممممم مادري .. انا اشوف الشبه ههههههههه

:)

Fishah يقول...

Crazy Girl in aGood Way

امممممممم لا ماشوفه نجلاء .. كلش مو صوب العرب اللي اقصدها :>

Fishah يقول...

خاتون

هههههههههههههههههه اي اكيد :P

Fishah يقول...

..pen seldom

فيها اللي بحنجها بعد؟ علامة الجمال على قولتهم :>

اممممممممم لا ماشوفه يشبهها ;/

Fishah يقول...

Hopeless Sight

حلاتها مسويه مسابقة وحاطه جوائز هههههههههههههههه

عشان تشدوووون حيلكم :P

Fishah يقول...

fatto

انتي يمكن لو شايفه لقطات من الفلم جاان شفتيه بجميع الاوضاع وقلتي اييي والله يشبهها ! :>

Fishah يقول...

Crazy Girl in aGood Way

هههههههههههههههه اي انا اقول مو نجلاء فتحي :)

اتصدقين اي فيها منه .. نفس تبطيلة الحلج هههههههه

Fishah يقول...

جبريت

هلا بالخال الحنين :)

معقوله هالكثر مقاطع التلفزيون؟؟

انزين شلون؟ حتى في رمضان ما تطالع شي ؟ @@

انا ماااااقدر اقاااطعه :)

Fishah يقول...

aL-NooR

راح تشوفين منو :*

Fishah يقول...

خاتون


ههههههههههههه ياااا حلو سوالفج يا بنيه :**

:)

GodFather يقول...

hi.....hi
fishah
بصرحة فشة تعقدت لاني شفت البوستين
الف يمن والف شمال وابي اعرف ششقصدين في الشبه احترت جنج مسويه فينا مقلب وين الشبه بس تدرين بعطيج نكتة على بوستج
هندي أرسل رسالة فاضيه لاهله في الهند ليش؟ زعلان ما يكلمهم ها ها
ههههههه

Fishah يقول...

GodFather

امممممم معقوله ما تشوف فيه شي منها؟ @@

ههههههههه حلوه النكته .. اعجبتني الفكره .. شكلي بدز مسجات فاضيه على اللي زعلانه عليهم لول

:)