الثلاثاء، يناير 12، 2010

بتحلطـــم

اليوم ما داومت
وتحسفت آخذها عرضي
على طاري العرضي
ترا يا جماعه ما تكفينا ال 4 ايام بالسنه
:(
حلاته 6 انا راضيه :P
دشيت مصافط المستوصف والا زحممممممممممممممه
خذيت رقم والا رقمي 126 والدور واصل 82 :<
جك بوووم والا تصير نجره وهوشه
بين وحده تتحلطم على ان الدور ما يمشي والطبيبه نفسها مو شي وبتشتكي عليها
جااااان يطفون شاشة الارقام
قلت " امبيه انا مصبحه في ويه منو اليوم ؟ :( شالحظ )
المهم صارت لويه
وانا كانت نازله علي غيمه من الهدوء قاعده بالزاويه العب جيمز (حدي فاضيه)
عقب ساعه ونص يالله يه دوري وافتكيت
طرالي شي .. لو نسوي طبياتنا بروحنا ندز طلب طبيه بسايت المستوصف .. كل واحد عنده فايل ويدش بالرقم المدني والباسوورد .. والدكتوره تدز الرد واحنا بس نسوي برنت ونصدقها .. مو صح خووووش اقتراح :)))
====================
عندي مخالفات تفيد ان حضرتي طايفه الاشاره الحمرا
مع اني ولا مره طفتها ( امممممممم يمكن بس مره ماجذب انا هههههههه )
بس اللي انا متأكده اني اطوفها واهيا صفره .. وماشوف فلاش
فهل صج ان قاموا يصورونا حتى واحنا طايفين الصفرا ؟
اغلب مخالفاتي بتقاطع خالد عبدالعزيز .. وينه هالتقاطع؟؟!!
====================
تلاحظون ان الباصات قيادتهم قياده رعناء؟؟
اكثر ناس اشوفهم دايسين و يبتونون ومستهترين
جنه الحين وراهم شي مهم
واذا طليتوا .. بتشوفون بس راس والا راسين قاعدين
على شنو هالدفاشه والعيله ؟؟
=================
ارد واقول نفس اول
سيارات تعليم القياده المفروض عقب ال 8 يعلمون المتدربين
لان وايد مسوين زحمه بسبب قيادتهم البطيئه
شنو ذنب ناس مستعيلين على دواماتهم واللي جدامهم سياره تعليم سرعتها صفر وبالنص :(
يبطون جبدي
تذكرت اول
لما كنت اتدرب
مدربتي قالت لي فشه اخر يوم بوديج تتمشين على شارع البحر عشان تستانسين
قلت لها لا مشكوره مابي .. حق الشماته يا سعد :Pp
===================
تعرفون عطر اسمه "حجر" ؟
موجود بس بدبي .. توني هابه فيه
لا واسميه صخربالغلط لووول
ترا نايس .. تعرفونه؟ @@
================
بقولكم سالفه قبل لا اروح اشوف فلم the Box
اول يا حلوها امي كنت اتمشا معاها بالليل عقب العشا بالفريج بين البيوت
كان عندي سلحفاة حاطينها بالحديقه .. بس دمها ثقيل :P
مره من المرات
امي تنطرني ابدل عشان اتمشا معاها
واحنا بنمشي شفت بيدها جيس مال الجمعيه
قلت لها "يمه شنو هالجيس؟"
قالت "هاذي سلحفاتج بنغويها "
لووووووووووول
قلت" ليش يمه؟!"
قالت "يقولون اتييب الفقر "
المهم .. خليناها يم باب بيت مانعرفه
خخخخخ
================
تصبحون على خير :)

هناك 22 تعليقًا:

شاي الضحى يقول...

صج السلحفاة تييب الفقر؟

لوووول

عندي سلحوفه احبها مابي اقطها بجيس جمعيه :(

رورو الشخبوطه يقول...

السلام..

احنا مستوصفنا من سبقلبق ماكو ارقام ولا في كمبيوتر خخخ بالعصر الحجري عايشين..

وايصح شوي العرضي ..

وصج ندوام والمرضي قبل لا نتقاعد انا اليوم كنت بغيب بساشوه داومت ..

الصفرا يخالفون عاد جم مره اخلي سايقنا يطوفها خخخ ..

وصح الباصات قمة الدفاشه وشدعوه 90000 باص بمثل الشارع وكلهم فاضين ..

ماعرفه العطر بس بالعافيه عليج يارب..

صج السلحفاة تيب الفقر عاد كان عندي 2 ويبتهم بحزة الامتحانات ب4 جامعه وصج زفت خخخ ..

ومشكوره..

رزنامـــــة يقول...

وااااااااو يا كثر حلطمتك لوووول
بس كلها خفيفة على القلب وممتعة :)
3333
شارع خالد بن عبدالعزيز اعتقد ما بين جنوب السرة و بيان
3333
الباصات حدث ولاحرج يحاول يلحق على المحطة الثانية حتى يجمع اكبر قدر من الركاب وبالنهاية ماكو احد يردفه لوووول

....

{~المباركية~} يقول...

اي والله الباصات والشاحنات وايد عبالهم انه قاع يسوقون سيكل

لووول ماكو مستشفى بالكويت سنع لازم هالهواش و هالمخاطر

Made n Q8 يقول...

hello

أي والله شويه 4 ايام المفروض 10 ،أي صح ليش احنا انسميها طارئه واغلب الوزارات عرضي حتى لما اقولهم ابي ورقه عرضي يتنحون خخ ..بس انا للحين مصممه على انها عرضي مو طارئه

ــــــ

ذكرتيني بأيام التدريب الي يدربني كان مسويني سايق حقه أقضيله مشاويره يا السالميه يا الرميثيه يا ماادري وين والله اني تعلمت السياقه بروحي ولا اهوا خرطي

ــــــــ

واعليا السلحفااه كسرت خاطري صارت لقيطه الحين :s

Q8-HANDICAP يقول...

fishah يعطيج العافيه على المقاله والله من امس لي اليوم وانتي كله مونستني انا بالدوام لووووووول

على طاري المستوصف الله لايراويج انا كل ماروح مستشفى لازم اطلع نفسيتي بخشمي من الاوادم او الموظفين او الاطباء ولا الممرضين والممرضات

فصار هالشي طبيعي


ــــــــــــــــــــــــــــــــــ


ولا عاد سلحفاتج نكته

Fishah يقول...

شاي الضحى

اي امي تقول ههههههههههههههه

اممممممممممم كشخيها وقطيها بجيس ستاربكس لوووول

سلحوفتج مائيه؟

مشكوره خيتوو على المرور الحلو :*

Fishah يقول...

رورو الشخبوطه

معقوله؟! ليلحين فيه مستوصف جذي ؟ عيل انا المفروض احمد ربي على اللي عندنا :)

اي يقولون نداومهم للاسف .. بس انا ناويه من الحين اشتريهم لووول الكسل الكسل ذابحنا

الحمدالله والشكر .. بعد صفرا .. ليييييييش يخالفون :(((

الله يعافيج حبيبتي

اي شفتي؟؟ صدقتيني الحين لووول

مشكوره على المرور خيتووو .. حياج الله :*

Fishah يقول...

رزنامـــــة

أهليـــــــــــــــــــــــــن

هههههههههههههههههه زين اشوا الحمدالله :)

صج ؟؟ ايييييييييييييييي بس دليته .. عرفت هالطريج :( عاد طريجي كل يوم .. مرحبا بالمخالفات بيكثرون لوووول

هالباصات ودي اشتكي عليهم .. فيني حره :<

مشكور على المرور اخوي .. حياك الله :)

Fishah يقول...

{~المباركية~}

أهليــــــــــــــن

اي يبطون الجبد .. واااايد مستهترين .. ولا عاد اذا وقفوا عند محطه وبيحركون .. يمشون ولا جنه احد يمهم ما يجيكون :<

انا اقول اقتراحي خوووش اقترااااح حق المستوصفات وطبياتنا .. والا انت شرايك :>

مشكور على المرور .. حياك الله :)

Fishah يقول...

Made n Q8

وناسه 10 حلوين .. عيل انا كنت اسميها طارئه يا يتنحون يا يضحكون علي .. لما خلوني اسميها عرضي .. عكسج ههههههههههه

وانا مدربتي لما ارد البيت ريحتي كله زقاير كانت كله تدخن لوووول

هههههههههههههه اي خنسويها مسلسل خخخخخخ

مشكوره على المرور .. حياج الله :)

Fishah يقول...

Q8-HANDICAP

أهــــــــــــــلا أهـــــــــــلا

الله يعافيج ويخليج :>

ههههههههههه ان شاءالله دووووم هالوناسه يارب :)

والله تكرهين الساعه اللي دقيتي فيها علديوان تطلبين طبيه :<
يكرهونج بالغياب :<

ايييي .. بس دمها ثقيل (ماكو ولاء) ههههههههههههههههه

حياج الله اخيتي :*

jonoon 3aqel يقول...

و أنا اللي كنت ابي اشتري لي حمسه و اخليها ف شقتي!!

ع فكره...فيلم ذا بوكس "..اسمحي لي..." سخيف"....اذا ما شفتيه للحين..لا تضيعين و قتج..

و بعدين اشلون تاخذين اجازة مرضي و انتي ما فيج شر الحمدلله!!
ما يصيير!!

الله يخلي لج اميمتك و يبارك لكم ف ايامكم

تحياتي

محمد يقول...

حرااام , بس ماسمعت انها اتيب الفقر .. كله يقولون البومه ..

بالنسبة حق فيلم the box
شرايج فيه , عن نفسي حسيت بإحباط نهاية الفيلم !!!

GodFather يقول...

hi ....hi
fishah
فعلا اذا الواحد يروح المستوصف يبيله يدز احد قبله ياخذله رقم وابيخ شي ياخذ الوحد رقم وينطر بعد يوصل رقم اورقمين جدامة يطلع الطبيب ياخذ بريك ويحولك على طبيب ثاني صارت معاي اكثر من مرة وتعالي شوفي وشي ثاني يكون واحد من المراجعين يطول على رقمك وياخذ وقت اكثر من الارقام السابقه .......
*******************
المخالفات شي غير طبيعي وياخذون فلوس من العالم لويوزعونها على الشعب جان مايقترضون
.. ومرة شفت واحد ماسك ورقة المخالفات من الكمبيوتر ويكلم نفسه يقول او 700 دينار مخالفات وقام يسب السايق طلع السايق طايحله مخالفات بالسيارة باسم المعزب و مسافر خخخخخخخخخ.
*************
سواق الباصات مشكله مرة واحد من الاصدقاء وقف راعي باص وعلمه شغله عدل بجم طراق على تكفخخ لووووووووول......
*********
ذكرتيني بالمدرب تدربت على ايد مدرب لاني ماحاولت ابوق السيارة حتى يوم وصلت السن القانوني والله يرحمة الوالد يحاول فيني خذ السيارة وانا صاير مودب لا يبه الى قالي بس عاد لازم تتدرب ويابلي مدرب وبديت اتدرب
بس المفاجاة ......رسبتتتتتتتتتتت
ثلاث مرات بالتراي فشله والله صج...خخخخخخخخخخخخخخخخخخخخ
***************
هاهههههههههه بس ابي اعرف مصير البيت اللي تربت عندهم سلحفتك ودك تغير حظهم اوصارت احولهم سنعة احط اعلان بالجريدة او الوسيط عن سلحفة مفقودة واللي يجدها له مكافاة....
*****************
احلى بوست فعلا طالع من القلب وسلامتك...........

Fishah يقول...

jonoon 3aqel

أهليــــــــــــن

ههههههههههههههههه لا تشتريها بعدين تتقبس :p

اي والله .. حده مو شي .. ليتك قايل لي قبل لا اشووووووووووفه وانصدم .. القصه سخييييييييييفه :<

امبله يصييييير اذا مالي خلق ادااااوم :<

آميـــــــــــــــن .. الله يسلمك

مشكور على المرور :))

Fishah يقول...

محمد

أهليـــــــــــــــــن

امممممممممم مادري .. امي قالت (يقولون) وانا مصدقه هالشي ههههههههههه

والله حتى انا انصدمت وياني اكتئاب وتحسفت اني شريته :< حده سخيف واحداثه بااااارده ما تشوق وكله كاميرون متنحه ومبققه عيونها لوول
ماعجبني :<

مشكور على المرور :))

Fishah يقول...

GodFather

أهليــــــــــــــن

عيل انا ماحب اذا خذا بريك وقعد يحوس واذا وصل دوري ياله دكتور والا دكتوره تسير عليه ويقعدون يسولفون :<
ماحب هالديوانيه اللي يسوونها :<

اوووله 700 دينار؟ والله قهر !!

لوووول ضحكني اللي كفخوووه .. زين يسوون فيه .. الصراحه باطين جبدي :<

لووووول ليش كان سهل :P
انا قالوا حق ابوي بنجحها بس ديروا بالكم عليها لووووووول

لوول حلاته جذي .. عاد يارنا اللي ورا بيتنا فايز مرتين من نفس البنك بجائزة سنعه ومبلغ محترم .. شكله سلحفاتي عندهم :P

حياك الله :)

الوتيــــــــــن يقول...

صباحج ورد


تدرين شطرى على بالي اول ماقريت؟ اروح اجيك على مخالفاتي :\
وياخيتي ترى هالباصات وتعليم القيادة والسيارات القدرية اللي اتطيح بدربج من الصبح اهي سبب التأمل .. وسبب تعرفين فيه قوة تحملج *_* بلوه والله

مسألة الطبية !!! لا تعليق كلش :\

بوست لذيذ ^_^

ودّي

الجـــوري..كـــلام الصمــــت يقول...

لووووول وايد وايد اشيااء بعلق عليها :


على سالفة الطبيات احنا بوزارة التربيه عندنا هالحركه ندق على رقم ونطلب طبيه والدكتور يسوويلنا برنت ونختمها من المستووصف واتووقع بكل الوزارات بعد لان تبع ديوان الخدمه!!

وبالنسبه للباصات صج صج شي يحر ويقهرر ولا بااص يمشي باليساار!!

اي شي صح؟

فالحيين يحرقونا بالمخالفاات ووناسين الشاحنات والباصاات اللي ماخذه راحتها الدنيا ربيع عندهم!!


عطررر حجررر عجييييييييييييييييييب بس قووي

ينفع مع البخووور

وبالشتاا بس وترى يبيعةنه هني بالكويت على 10 ؟؟

good luck

Fishah يقول...

الوتيــــــــــن

أهـــــــــــلا أهــــــــــــــلا
بهالطله الحلوه :)

امممممممممم اي راح تنصدمين من مخالفات واماكن مادري طالعه من وين ! :<

وعلى طاري مخالفتي .. رحت ادور الكاميرا اللي صورتني بهالتقاطع .. ما طحت عليها لوووول

الباصات يبطون الجبد .. امشي واتحمد الله واشكره :<

اكره اخذ طبيه بسبة المستوصف :<

مشكوره على المرور .. حياج الله :*

Fishah يقول...

الجـــوري..كـــلام الصمــــت

أهليــــــــــــــــــــــــن :)

اي اعرفه رقم الديوان .. وتحطين رقم 7 حق الطبيه ههههههههههه اتحسين حافظه الخطوات :P

انا مايقهرني الباص الا لما اشوووفه من صجه يبتون !! شكووو .. داش سباق!

هالعطر انا وايد حبيته قوي بس باااارده ريحته .. اي اينن مع البخور :>

مشكوره على المرور العسل .. حياج الله :*