السبت، يناير 09، 2010

خرعتــــــــــــــي الصبــــــــح !




اليوم صارلي موقف ما مريت فيه ولا في هالشعور البايخ من زمــــــــــــــــــــــــــــــــان
فزيت وقلبي ناقزني
اطالع الساعه والا 8 الا ربع الصبح
واقول " امبيييييييييييييييييييه مارنت الساعه حق الدوام!!!! شسوي!!!"
وافكر آخذها طبيه والا ادز مسج اني باخذ استئذان .. الخ
وشكلي بالضبط نفس الصوره لووول
وانا متنحه ياني ذكاء .. اقول امس كان شنو؟ تذكرت ان اليمعه
اهني حسيت (بذكائي) ورديت نمت لوووول
مريتوا في هالشي و هالخرعه نفسي؟
:Pp

هناك 49 تعليقًا:

DoDoq8 يقول...

ايي وايد

والمشكله تلقيني افز مبجر ساعات افكر اني بروح الدوام

ولا العاده مااقوم مبجر الا بالغصب

سلة ميوّه يقول...

ضحكتييني هيهيهيهي
اي والله كانت تصير فيني
بس تدرين احبها...احب هالنقزة اتحسسني اني كنت نايمة نومة قويّه غيبوووووبة:)
واذكر مرّه من اللقافه ايام الثانوية بدلت ولبست ورحت اقعد اختي:)


تالي فطنت انه يوم يمعه...ايمها كانت العطله خميس ويمعه...

الله يونسج على هالضحكة اللي رسمتيها


حبي:**

Shaikha يقول...

LOOOOOL
لو اقولج مريت بالموقف نفسه بالضبط !
قمت عالـ 8 الا ربع ، وانصدمت لان المنبه مارن ..
بس الفرق بيني وبينج ، اني اليوم عندي دوام \محاضره اضافيه =\ !

GodFather يقول...

hi....hi
fishah
اسم الله عليك
ليش مخترعة من الدوام اكيد مديركم صاير كابوس عليكم وبعدين مع دوامك المخرعك عل كل حال الحمدالله مارحتي الدوام جان سويتي حق نفسك كاميرا خفية لوووووووووووول

رورو الشخبوطه يقول...

السلام..

خخ اي صارت فيني ..

واكثر من مره..

مره كنت ماخذه دوره العصر واحبها اكثر من الدوام وكان صيف قعدت الساعه 5 وشي قلت الحين صبح ولا عصر امبيه ليكون طافتني الدوره خخخ..

بس اشوه طلع الصبح ..

ومرسوو..

GodFather يقول...

HI....HI
FISHAH
نسيت اذكر مرت علي نفس الحالة من قبل عشر سنيين قبل لايصير السبت عطلة وكان يوم الخميس عطلة بس انا بدعت قمت كشخت وشغلت السيارة وانطلقت واشوف الشوارع فاضية ليش ماداري قلت يمكن انا مبجر وصلت البوابة وانصدم صدمة قوية مسكرة البوووووووووابة ورجعت ولا كلمة رحت على طول على الفراش ولاكلمة وماقلت السالفة الا بعد اسبوع عن الشماته والتطنز من الربع خخخخخخخخخخخخ

شاي الضحى يقول...

واااااايد وااااااايد مريت بهالموقف

خصوصا ايام الجامعه

وساعات انام العصر واقعد على اذان المغرب عبالي الفير !!! واقوم اغسل بصلي الفير هههههههههههه

بس حده موقف بايخ


مشكوره :)

طموحة مملوحة يقول...

لووووووووووول وايد والله


بس عادي هالشي انا اقول لج ردي كملي نومتج وايد اهون لووول

{~المباركية~} يقول...

لووول وايد تصير
احس خلاص ضاع مستقبلي

الـسـنـبـلـة يقول...

لوول ..
قولي الحمدلله ان صارت فيج بيوم عطلة !!

أنا جم مرة تصير فيني و يكون عندي امتحان بعد .. مرة امتحاني الساعة 9 ، و فتحت عيوني الساعة 8:56 ....

جان أقول ما يسوا أمتحن !!
عاد كنت دارسة:P

*Being One يقول...

ههههههههههه فشه حدج ضحكتيني على هالسالفه , انه ما يرن المنبه صايرة فيني اما مايرن و كون وييك اند كاااك ولا مره صارت فيني
شكررا =)

Made n Q8 يقول...

لووول اي عادي تصير وايد

قطع تخروعه مو دوام :s

she is me يقول...

اييييي وااااايد

تكونين نايمة الظهر وتفزين ابالج انه الامتحان طاف!
تنامين الساعة 1 وتفزين الساعة 3 مخترعه .. المحاظرة طافت!
تقعدين من النوم وتبدلين وتتزهبين بتروحين الكلية.. وانتي نازلة تتفاجأين بخطبة اليمعة من التلفزيون!

تصير تصير بأكبر العوايل ^^

ReLaaaX يقول...

نفس الخرعة بنفس اليوم لاتحاتين ;p

Hanan يقول...

افف شكثر يصير معاي !!
انا فترة نهاية الاسبوع لما يكون عندي بعدها امتحانات اقعد الساعة 5 الفير و اروح اغسل ويهي على اساس اني بداوم و وراي امتحان و عقب استوعب ان اليوم يمعه او سبت !

حَافِـيَةُ الَقَدمَيّـنْ ولِبَاسِي المَطـرْ يقول...

لووووووووووول حلاتج وانتي مخترعه
انا تصير فيني ايام الفاينل
ارد من الإمتحان وانام , وعالظهاري مو افز طبعاً الغرفه ظلمه
اقوم ومشتطه حدي ومخترعه
شلون ما درست امتحاااااني !!!
اطالع الساعه ولا ثنتين الظهر p;

يالله نكبر وننسى مو ؟

Sn3a يقول...

ويييه وااايد صار فيني هالموقف
عادي عادي
هالشي دليل الحرص على الدوام

نمووول يقول...

هههههههه تكبرين وتنسين
صار فيني اكثر من مرة اعتقد
ان السبب يكون انشغالج او اهتمامج
بشئ مثلا اكون افكر بالامتحان فاقعد
يوم العطلة عبالي يوم الامتحان واخترع
تاخرت وما درست هههههههه

مساء الخرعة
تحياتي ..

reemas يقول...

لا والله
انطر الويك اند بفارق الصبر و اطقها شخري و لا ادري بالدنيا
زين مني اقعد حق المنبه ايام الدوام هالمره بالويك اند.. لا يحوشك

:)))

Q8-HANDICAP يقول...

هههههههههههههههههههه


لا ولا مرا صارت فيني وان شالله ماتصير عاد بروحه ويك اند حلاتج غارقه بالنومه

محمد يقول...

إنزين شرايج بلي قام من نوم وبدل هدومة وبيطلع ؟ :P

jonoon 3aqel يقول...

تخطيت هالمرحلة الحمدلله


:)

عقبالك


تحياتي

Fishah يقول...

DoDoq8

أهليــــــــــــــــــــن

ياكره هالفزات حزة الاجازه والعطل :<

ترا الدوام مسويلنا رعب :)

مشكوره على المرور الحلو .. حياج الله :)

Fishah يقول...

سلة ميوّه

أهليــــــــــــــــــــــــن

والله يا سله مااااحبها .. رقعة القلب تخرع :<
بس النومه عقبها حلوه كلها طمأنينه هههههههههه

ههههههههههههههههه لا انا الحمدالله ولا مره وصلت مرحلة اني اقوم وابدل :)

بعد عمري تسلمين :**

Fishah يقول...

Shaikha

أهليـــــــــــــــــــــن

شفتي السر بالساعه 8 الا ربع ههههههههه حزة رعب :)

ويييي !! لو انا بمكانج احط المنبه العادي + منبه الموبايل احتياط :>

موفقه حبيبتي :*

شاكره لج مرورج الاول .. اتمنى مايكون الاخير :))

Fishah يقول...

GodFather

أهليـــــــــــــــــن

اي والله مخرعيني :(

لووووول جان اطلع فلم .. حلاته داشه المبنى واخرع السيكيوريتي ههههههههههه

Fishah يقول...

رورو الشخبوطه

أهليــــــــــــــــــــــن

ههههههههههههههههه حاسه في شعورج :)

سولفيلي عن هالدوره اللي شدتج هالكثر :))

حياج الله خيتوو :>

Fishah يقول...

GodFather

احلى شي الصدمه بالبوابه هههههههههههههه

ان شاءالله ما يصير فيني هالموقف :/

اقصوصه يقول...

ههههههههههههههههه

مسكينه

والله كسرتي خاطري

هذا من كثر ما تحاتين الدوام

:)

Fishah يقول...

شاي الضحى

أهليــــــــــــــــــــــن

ههههههههههههههههه يا حلو موقفج :)

والله ماحب هالفزات .. اتحسين برمجة المخ حدها متخسبقه لوول

حياج الله خيتوو :*

Fishah يقول...

طموحة مملوحة

أهلـيـــــــــــــن

هههههههههههه اي هذا اللي سويته :>

مشكوره على الطله الحلوه .. حياج الله :)

Fishah يقول...

{~المباركية~}

أهليــــــــــــــــــن

ههههههههههههه اي اعرف هالشعور البايخ :)

مشكور على المرور .. حياك الله :)

Fishah يقول...

الـسـنـبـلـة

أهليــــــــــــــــــــن

الحمــــــــداللـــــــــــــــه

:)

ويييييي!! وبعدين! شصار شسويتي؟؟ @@

هههههههههههههههه بس هم بضحك عذريني :))

شاكره لج مرورج الحلووو يا حلوه .. حياج الله :>

Fishah يقول...

*Being One

أهليــــــــــــــــن

هههههههههههههه ان شاءالله مايصير فيج لان الخرعه مو حلوه :)

تشكرات على المرور خيتوو .. حياج الله :*

Fishah يقول...

Made n Q8

أهليــــــــــــــــــــن

والله رقعة القلب حدها باااااااااااااايخه :<

حياج الله :*

Fishah يقول...

she is me

أهليـــــــــــــــــــــن

ههههههههههههههه اي ولله صااجه .. احلى شي اني مو بروحي ماره في هالمواقف

:)

يسلموو على المرور الحلوو .. حياج الله :)

Fishah يقول...

ReLaaaX

أهليـــــــــــــــــــن

امبيه الظاهر كان في سر بهاليوم ههههههههههههه

مشكوره على المرور حبوبه .. حياج الله :)

Fishah يقول...

Hanan

أهليــــــــــــــــــــن

امبيه اتهقين من شنو؟ ليه هالدرجه معقدينا ومصروعينا :(

موفقه يا رب :*

مشكوره على المرور الحلوو :)

Fishah يقول...

حَافِـيَةُ الَقَدمَيّـنْ ولِبَاسِي المَطـرْ

أهليــــــــــــــــــن

اي والله نكبر وننسا :)

انا بعد صارت فيني بفاينل محاسبه 2 .. قعدت المغرب عبالي صار الصبح وما درست .. مو تدرين احنا شطار ندرس يوم بيومه لوووول

موفقه حبيبتي :*

مشكوره على هالطله الحلوه :)

Fishah يقول...

Sn3a

أهليــــــــــــــــــــن

بس مو شي هالطبع :(

عاد يا ليت هالحرص وراه اعمال ممتازه او درع؟ ( حدي طماعه ها ) لووول

مشكوره على المرور الحلوو يا حلوه :*

Fishah يقول...

نمووول

أهـــــــــــــلا أهـــــــــــــــلا

اي الظاهر جذي .. خصوصا ان كان في سالفه صايره بالدوام يوم الخميس وشاغلتني :<

مشكور على المرور .. حياك الله :)

Fishah يقول...

reemas

أهليـــــــــــــــــــن

ماشاءالله .. لا اله الا الله .. عيني عليك باااااارده :)

الله لا يغير علييييييييييييك يا رب

:))

انا عيل كله اتفزز .. كله عندي احساس ان وراي شي :<

مشكور على المرور .. حياك الله :>

Fishah يقول...

Q8-HANDICAP

أهليــــــــــــــــــــــــن

اي والله شفتي شلووووون :<

مقروووده شسوي :<

ان شاءالله ماتصير فيج هالمواقف وهالخرعات المليقه :)

مشكوره على مرورج الحلو يا حلوه .. حياج الله :)

Fishah يقول...

محمد

أهــــــــــــلا أهـــــــــــلا

ههههههههههههههههههه ان شاءالله ما اوووووصل حق هالمرحله .. ولا يحوشني هالموقف .. ابجي والله :((

مشكور على المرور .. حياك الله :))

Fishah يقول...

jonoon 3aqel

أهليــــــــــــــــــــــن

زين اشوا الحمدالله ... ياااااارب .. الله يسمع منك :>

مشكور على المرور اخوي .. حياك الله :)

Fishah يقول...

اقصوصه

أهليـــــــــــــــــــــــن

كسرت خاطرج هااا .. ههههههههههههههههههه ماشي يا اقصوصه :)

اي الظاهر جذي .. لانه يوم الخميس صايره سالفه .. والظاهر عقلي الباطن يحاتيها لووول

مشكوره على المرور حبوبه .. حياج الله :)

خاتون يقول...

لوووووووووووووووووووووووووووووووووووووووووووووووووووووووووووووووووووول
مسكينة كسرتي خاطري أهم شي لستة الأعذار اللي فجأة أنسردت والترقيع
يا معودة الحمد الله عدت على خير و ما رحتي ركضتي تداومين ...أنا لو مكانج أضل طول اليوم أضحك و فرحانه ويمكن مدة اسبوع ههههههه ^_^
شكرا لأنج و نستينا ^_*

Fishah يقول...

خاتون

أهليــــــــــــــــــــــــن

هههههههههههه امبيه لو صج مداومه ورايحه وشايفني السيكيوريتي جان يصيييير فلم :pP

جانزين تروح مني حاله هالتفزز :<

مشكووووره على هالمرور والطله الحلوه :*

captain khalid يقول...

هههههههههههه هههههه.. مرة صار فيني هاالموقف قعدت وتلبست وكل شي يوم خلصت تذكرت انه نحن ف اجازة