السبت، مايو 16، 2009

تحلطم قبل النوم :(


اكرههههههههههههههه مستشفى مبارك وزحمته وعفيسته ومصافطه وارصفته الرفيعه اللي الواحد لازم يتسلقهم عشان يعبر وممراته الضيجه وكل شي :(
اكره اني انطر الدور واخر شي مالت الارقام خربانه
اكره اشوف الزحمه .. واحد مريض وخمسه معاه بس يايين معاه وناسه
اكره الكافتيريا مالتهم والدونت اليابس مالهم ( طالعه عرض)
توني يايه مع ابوي منه .. ودينا خدامتنا ريلها منكسره
استغفر الله .. امي توها طالعه من المستشفى قلنا نفتك من هالمستشفى البائس
الحين يه دور خدامتنا
الظاهر استغفرالله انا كل يومين لازم اطق كرت بطوفة هالمستشفى :(
واي واشوف اشكال والوان عجيبه من الناس .. مابي اعلق استغفرالله .. بروحي مو نااااااقصه
اهي اهــــي ابي ابجي :(
بروح انام :(
تصبحــــون على خيـــــر :(

هناك 11 تعليقًا:

بانوراما يقول...

وانتي من اهله

أخذي المرض على انه شر لابد منه

لا تخلينه يأثر فييج

{~المباركية~} يقول...

متى صار هالمستشفى حلو عشان يصير بايخ؟

اتصدقين هالمستشفى حده كريه
الواحد يدش منه نشله و دوخه يطلعونه ملفوف بالجفن ومرفوع لي القبر

GodFather يقول...

HI....HI
حيل حيل ضاق صدري من كلامكم لان عندي موعد مع طبيب الدم بعد باكر في هذا المستشفى الماصخ وانا ماصدقت افتكيت من مرحلة العلاج من سنتين لاكن الظاهر رجع لان نسبة الدم نزلت بعد ماكان خاثر مثل لبن المراعي كامل الدسم بعد التحليل الاخير دمي جنة شربت فيمتو بس متروس ماي بس شسوي لازم اروح علشان اتعالج واشوف شنو سالفة الدم الشربات هذا.... الكبر شين........!!!!!

Demolii يقول...

أي صلي على النبي؟؟؟

المستشفى وين صاير؟

مو بالجابرية الخايسه؟؟

خلاص عيل تدرين ليش أنا أكرهها و إهيا قبسة

fatto يقول...

ويي ماتشوف شر خدامتكم :)

موبس هالمستشفى .. كل المستشفيات ويع

DoDoq8 يقول...

ماتشوفون شر

وخووش بلووق:)

Fishah يقول...

بانوراما :
==========
ايييييييه الله كريم
الله يكافينا ويكافيكم شر المرض ان شاء الله :)




{~المباركية~}
============
ههههههههههههه اي والله صاج :)
الله يحفظنا من هالمستشفيات التحفة



GodFather
=========
ههههههههههههههههه لا العمر كله انشالله .. ماتشوف شر انشالله .. عاد طمنا بعدين :)

Fishah يقول...

Demolii
=======
ايييييييييييييييه والله .. هالمنطقة اكرههاااااااااااااااااا بعد :(



fatto
=====
الشر ماييج ان شاءالله :)
اي توا بنات الدوام يسولفون لي عن معاناتهم مع كذا مستشفى :(



DoDoq8
======
الشر ماييج يا قلبي
تسلمين :)

{~المباركية~} يقول...

حياكم اكبر تجمع بلوقرزي على قروب
q8_Blogarz

group171891@groupsim.com

رورو الشخبوطه يقول...

للحين مالقيت مستشفى حكومي سنع..

والحمدالله ع سلامة امج ..

وسلامة خدامتكم ..

Fishah يقول...

رورو الشخبوطه
=============
الله يسلمج ياقلبي :*