صارلي فترة ادق على مكاتب الخدم ادور مسترجعه
او مثل ما يقولون ( على كفالة المكتب ) تعددت التسميات والمعنى واحد
المهم
ابي يديده حاااالا لان اللي طالبينها طولت وليلحين ما يت .. وصار الضغط كله على خادمه وحده
امس حظي حلو .. دقيت على مكتب .. ردت على السكرتيره قلت لها ابي مسترجعه قالت اي عندنا كفالة المكتب
سيلانيه تشتغل بالسعوديه عمرها 36 والثانيه كانت في لبنان عمرها 27
قلت ابي اللي كانت بالسعوديه ( انا فضلتها كبيره حق الماما احسن )
قالت المندوب اييبها .. والتجربه.. وبلا بلا بلا
قلت اوكي
الساعه 1 الظهر .. طقوا الباب .. والا ساندي (خدامتنا) تناديني تقولي هذا المكتب
رحت لبست عباية امي وشعري كبة عوية لوول ونعال البيت على ويه ارنب خخخخ ( ادري ادري اناقة مو طبيعية)
شفت المندوب .. يمه وحده لابسه تنوره جينز طويله وتي شيرت احمر
قلت له هاذي اللي بالسعوديه؟ قال لي يس
المهم قلت لهم تفضلوا داخل
قبل لا تدخل جدامي .. توها بأول الدرج مال دخلة البيت
جااااااااااااااااان استوعب شي
مسكتها من كوعها لووول
اطالعها من فووق ليه تحت اتمقل فيها
ياني شعور وانا اطالعها
انـــــــــــــــــــــــــــــــــــــي صرت
( ماري منيب )
لووووول
لما تبي تخطب وحده .. تتمقل فيها .. الصراحه لو عندي يوزه جان هم عطيتها تكسرها اشوف ضروسها خخخخخ
المهم جان اسأله هاذي جم عمرها ؟ قال مدام هاذي 22.. (22!!) (ياللهول هاذي اصغر مني) خخخ
ومن نفس مسكة الكوع فريتها ليما عادلت باب السكه لووول
قلت له : لا ماما انا يبي وحده ثانيه .. انا يقووول حق سونيتا ابي خدامه 36
خلاصة السالفة .. تهقون صج بصير ماري منيب ؟ لووووول
هناك 38 تعليقًا:
السلام..
وي خنت حيلي طلعت كبير لا ومثل ستايلي قبل خخخ..
مو وايد اعرفه ماري يبيلي اتابعه اتاكد اذا تولمج او لا خخ..
مرسو..
** ايه الخدم و ما ادراك ما الخدم
الحين اهم اللي يحكمون و يتدللون مو احنا عمى بعينهم ..
بعد انشالله يصير عندج ياهل و شوفي شلون المعاناة آه البي يا البي
رورو الشخبوطه
لا يباااااااااااااا اسم الله علي .. تولمني هااا خخخخخخخخخ انا اوريج
انا اقصد بصير نفس طبايعها يالتعبانه :)
ميمة السبيت
اي والله معاناة .. مالت عليهم هالمكاتب النصابين
لوووووووووول اي ان شاءالله يصير عندي .. بس خل اصير بالاول مدام p:
خخخ باك للتوضيح..
اي انا قصدي الطبع مو الشكل خخ..
وتوني انتبه ع البدليه كبير يعني كبري ..
اليوم كل حجي بالمعكوس لا وشاد حيلي اشتغل خخ..
لووول والله ضحكتيني ابسالفه اليوزه ..
خو المكاتب لازم في جذب على الخفيف ويلا مايسير مكتب خدم :) انشاءالله تلقين وانه بعد القى وحده سنعه غير الي امعوره قلبي .
لوووووول إنتي شفتي شكلها أنا كنت وراها بتكافخ معاها بس ما ييت بالوقت المناسب و أول شي بسويه بنتف شعرها شكثره و عنقوص جنها ذيل سنجاب
رورو الشخبوطه
اشوا انج وضحتي لاني من قريت يور كومنت استعسرت وماتغديت لووووول
رورو اسم الله عليج .. صاجه كله بدليات حتى كومنتج الثاني فيه بدليه هههههههه امبيه انتي متغديه شي فيه فلفل صح خخخخخخخ
ميرسووو للتوضيح الذي اثلج صدري :)
fatto
الله يسمع منج ونلقى انا معاج خدامه زينه تبرد القلب وتفكناااااااا :<
اي على اليوزه لووول انتي لو شايفتني وانا اسوي عليها سكانينج لووووول
Momentum
لوووووووووووول لا هاذي غيرها ما شفتيها .. ام الجينز اول وحده خخخخخخ
قصص الخدم ماتخلص ولازم تصيرين ماري منيب معاهم هههههههه^-^ لزوم الشغل لازم
فلفل لا ماكله كشري و مولوخيه مادري منوخيه..
خخ لا انا بالصج اقط بدليات وايد خخ..
عسى تعشيتي :)
ما نخلص من جذب مكاتب الخدم
لما شفت صورة ماري منيب توقعت الخدامة الي يايبينها تشبهها ههههه بس طلعتي انتي شبيهتها لوووول
جاان جربتيها ..
يمكن تطلع أحسن من العيوز :)
جربي الاثيوبياات خوش خدم
ههههههه
هاذي من السعودية و جذي
عيل لو مالت اللبنان
بلوقج وايد حلو بتفرفر فيه وواكيد لي تعلقات
يعطيج العافية عزيزتي
اهم شي الكشخه
عبات و كبه عويه و عزج الله النعال الكشخه
هههههه
اللي عنده خدامه يبوس ايده بطن و ظهر حتى لو كانت زينة بنسبة خمسين في المية
الله يرحم ايام قبل اللي كانوا يحفون علشان يجون الكويت
اهم شي عندها بلاك بيري ؟
جنون الكويت
اي والله صاجه .. اكتشفت انه اسلوب ماري اهوا اللي ينفع معاهم هههههه
رورو الشخبوطه
وي عيل ماسمعتي بدلياتي .. بعدين احط لج اياهم بلسته لوووول
طافج مره كنت ازف المراسل البنغالي اللي بالدوام .. سمعي البدليات لوووول علبالي جذي بيفهم اكثر خخخخخخ
اي تعشيت الحمدالله :>
شاي الضحى
اي والله طبعي ذاك اليوم فشه منيب خخخخخ :P
اجتماعي
مادري مافكرت اجربها .. انصدمت من عمرها لووول
للاسف ماعطيتها فرصه :<
DoDoq8
اممممممممم انتي وحظج معاهم .. يقولون بسرعه يعصبون خخخخخ
مره سمعت سالفه .. وحده توها يايبه اثيوبيه حق بيبيها الصغير .. عمره ما كمل ال5 اشهر .. رايحه الدوام .. ولما ردت والاا لقت ايد البيبي ملفوفه بشاش .. لما بطلتها .. والاا صبعه الصغير مقروم .. الاثيوبيه ماكلته !!
عاد مادري هالسالفه صج او لأ .. اخاف القى امي مقرومه لووول .. :(
bhr.qadsaweya
اهلا اهلا .. نورتي المكان :)
انتي الاحلى حبوبه .. الله يعافيج ويخليج وبيت مكه يوديج :)
انسان بسيط
شفت شلووون .. كشخه .. ترا انا فتنه لازم ما اطلع من البيت خخخخخخخ :P
Enter-Q8
اي والله .. الحين قاموا يتعنفقون مايبون يشتغلون .. ذابحهم الدلع اسم الله عليييييهم
{~المباركية~}
ههههههههههههه لا طلعت مو ماك جكن :P
hi....hi
fishah
احسن شي نيب خدم آليين ونفتك من الفيزة والاقامة مرة شفت فلم اجنبي مسوين خدم اليين لدرجة يصيرون ورث لعيال اعيالهم يبيله منهم ولا يقولون طلعة يوم احد و جمعة كل بيت مسطرين جم واحد وكل جم سنة تثمين وناخذ موديل يديد وعاد شوفي الاكسواورات مالت الموديلات اليدية والشباب لهم خدم حق الديوانية والبنات لهم خدامتهم عاد شوفي الالوان راح يصيرون مثل الموبايلات
وعاد ماتحاتين تكسرين اليوز حطي اليوزة في ايده الالي وعطيه امر يكسر اليوزة خخخخخخخخخخخخخخ
بس عاد المشكلة اذا اخترب تعالي وديه الورشة وبالغلط يعطونك خادم مال بيت ثاني لووووووووووول بتصير لخبطة وانتي ماتدرين ويطلع البيت ناس هيلق بتصير عفيسه
GodFather
هههههههههه اي نصير مثل فلم I Robot :>
اييه نثمنهم وناخذ واحد والثاني مجانا خخخخخخ
لووووووووووووول
والله تضحكين وسواليفك توسع الصدر ..
أهنيك على البلوق الحلوو ,,
موفٌـقة حبيبتي ,, =)
mai
مرورج الاحلى تسلمين حبوبه :)
هههههههههههه
ضحكتيني على هالماري منيـب وعلى هالتتنوحـة العجيبـة الي صاكة ويهـا
احنا طالبين مسترجعـه..قالو بتوصل بعد 3 اسابيع يـت بعد 3 أشهـر
بيتزا مو بنت على هالطلب :p
The.One
لووووووووووول اي والله بيتزا :P
واااي باااااااااطين جبدي هالمكاتب .. صج صج صج ماعندهم الا المتسكربين :<
استغفرالله
ما فيهم شي اذا عمرها 20 ولا اكثر الخوف من الي كانت ببيت يدي كنا قريبا ونقول حق الوالد نبي ننام عندهم وقت المدارس بعد على بو بيت يدي يم المدرسه خدامتهم ما كانت لبنانيه عمرها 25 ابدا لا منو يقول :q
عنيف
لووووووووول من جذي نبي وحده كبيره 36 :P
اسعدني مرورك :)
هااي
اي حظج حده كووول
أهم شي مسكة الكوووع انا عجبتنييييي لووووووول
الله يعينج صج حوسه مع هالمكاتب شكلج شفتي أشكال والوان من الخدم :)
ان شاءالله تلقيين مطلبج وتفتكين وبلا حركات ماري منيب لول
Om 3aToOT
Om 3aToOT
اي والله لحقوا علي قبل لا اتحول حق ماري :<
الله كريييييييييييييم .. لوعوا جبدي كل شي مر علي :<
اي مسكة الكوووع عجيبه .. حلاتها لايف تشوفينها لوووووول
:)
إرسال تعليق