الأربعاء، سبتمبر 02، 2009

حلو الطبقات الثلاث :)

توني سويت هالحلو .. وايــــــــــــــــــــــــــــــــــــد لذيــــــــــــــــــــذ وسهــــــل
شفته في ايميل قبل جم اسبوع .. طلع صج يمي يمي :>


المقاديـــــــــــر :
- بسكوت دايجستيف الصغير
- حليب صغير ( بس حق تغميس البسكوت )
- 1 ظرف دريم ويب
-10 جبن كيري
-3 ملاعق طعام سكر ناعم
-2 قيمر كبير \ 1 صغير حق التوفي
- 6 ككاو مارس

الطريقـــــــــــــة :

1) نغمس البسكوت في الحليب شويه .. ونكسره في الصحون الصغيره مثل الصوره .





2) نصب عليه شوية توفي ( انا ماعندي جاهز .. سويت التوفي استكانة ونص سكر + 1قيمر الصغير)





3) بالخلاط : 1 دريم ويب + 10 جبن كيري + السكر البودر + 1 قيمر .. وبعدين نخليه الطبقه الثانيه فوق البسكوت والتوفي .
4) الطبقة الأخيرة : نذوب 6 ككاو مارس + 1 قيمر بحمام مائي .







5) اخر شي نزينه بككاو فليك مبشور او يوز او اي شي تحبونه وبعدين بالثلاجه :)

وبالعافيه
:)

هناك 74 تعليقًا:

Momentum يقول...

انتي تدرين انا شنو تعليقي عن الحلو ;)

بعدين جم مره اقولج اقري بلوقي ترا من صجي بطقج

SHAHAD يقول...

الله شهيتيني
عاد أموت بالحلوو
تسلم ايدج
وعليج بالعافية

رورو الشخبوطه يقول...

السلام..

شلونج..

قبل جم يوم رفيجتي راوتني اياه وكتبته وطبقته وتمدحه تقول مثل مال الخباز بس خفيف ..

شوقتيني اجربه..

بالعافيه يارب..

وتسلم ايدج يارب..

ميمة السبيت يقول...

** افا يا فشوووش الناس رمضان ماكو نقصه اخييتج سبوته انا :)

يالله بالعافية مطرح ما يسري يسري

Q8 TeaCHeR يقول...

بالعافيه ،،، شوقتيني تســــلم إيدج :)
زين ممكن اسئلج شلون صار التوفي ؟
اقصد يعني هل ذوبتي الشكر تالي حطيتي القيمر ؟ والا مع بعض تحطينهم على النار ويصير لونهم لون الكراميل؟ :)

نمووول يقول...

عاد تصدقين ودي اتعلم الطبخ خاصة
الخفايف والحلويات مثل الي علمتيني عليه
بس كل ما ادخل المطبخ امل واطلع

مع اني اسال وايد امي وخواتي عن المقادير واروح واجرب والنتيجة المطافي عند بيتنا بعد نص ساعة ..

ههههههه هذا شكله مايحتاج مطافي عشان جذي بجرب اسوية

شكرا ..

غمنده هانم يقول...

تسلم الأيادي صج يمي
ومشكوره على الحلو ياحلوه

شاي الضحى يقول...

شكلها حلو تسلم ايديج

يمكن اجربها اذا بروح بيت رفيجتي لاني ليلحين ماني عارفه شسوي وهذي طريقتها سهله ما تاخذ شغل وايد واهم شي مقاديرها كلها موجوده عندي


مشكووووره :)))

بانوراما يقول...

يمييييييييي

شكله لزييييييييز ورايأ ( رايق) ...

بس مرة ثانيه لا تنسينا من الدعاء ..

DoDoq8 يقول...

لذيذ سيفت المقادير :)

Hope يقول...

شكله Yummy
يبيله نجربه
تسلم ايدج

GodFather يقول...

HI....HI
FISHAH
ماني قادر اسوي رجيم وانت قاعدة تعذبينا بالاطباق الحين اخلي البيت يسون مثله بعد ما اقولهم عن المقادير بس جد شكله لذيذ مومجاملة الف الف الف بالعافية عليك ورمضان كريم******

princess adadi يقول...

يعطيج العافية ^^

*Being One يقول...

الله شكله لذيييييذ عااد انا كللش ما احب المطبخ ولا الطبخ ولا شي قام اقول حق اختي سويلي مو راضيه :(
شكرررا على الطريقه و ادعي اختي تسويلي P:

Fishah يقول...

Momentum

هيهيهيهيهيهي اي ادري

:P

انجين انجين :>

Fishah يقول...

SHAHAD

انا بعد احب الحلووو وما اقاااومه
الله يسلمج ويعافيج :)

حياج الله يالغاليه :)

Fishah يقول...

رورو الشخبوطه

اهليــــــــــن :)


اي والله لازم تجربينه ترا لذيذ ومايقث وانا خففت الشكر البودر كان المفروض 5 بس ماحب الشيره وايد كافي المارس :)

الله يسلمج ويعافيج حبيبتي :*

Fishah يقول...

ميمة السبيت

افاااا عليج بس نقصه؟ خشيتلج الحلو كله لا تحاتيـــــن .. جم سبوته عندنا :>

الله يعافيج :*

Fishah يقول...

Q8 TeaCHeR

الله يعافيج ويسلمج :)

التوفي اول تذوبين الشكر كله لما يصير صافي وعقبها تحطين عليه القيمر وتحركينهم لما يذوبون لانه بتصير عندج مثل الكور فا عااادي حركيهم :>

اي والقيمر طلعي من الثلاجه مبجر عشان مايكون بارد وايد :>

اجتماعي يقول...

الساعة 1 ونص ..

الله يسامحج :(

Fishah يقول...

نمووول

انا بعد المطبخ عندي علمزااج واذا لقيت شي ناقص من المقادير استعسر واهون هيهيهيهيهي

اممممممممم دام السالفة فيها مطافي ولك سوابق هالحلو ترا فيه سوالف جوووله ;)

انت يصلح لك تجرب حلو الاوريو اللي مرة كتبت عنه .. ترا سهل :)

عاد قوووووولي بعدين شصار معاك :))

Fishah يقول...

غمنده هانم

الله يسلمج .. انتي الحلا كله :)

اسعدني مرورج الاول .. لاتقاطعيـــن

حياج الله

:)

Fishah يقول...

شاي الضحى

اهنن اهنن .. الله يسلمج :)

اي سويها بصحن بايركس مجكنم .. وقولي

لي :)

Fishah يقول...

بانوراما

هيهيهيهيهي هاذي دعايه سفن اب :>

ان شاءالله

:)

Fishah يقول...

DoDoq8

اي بس مو تتوهقين مثلي مالقيت مارس لا بالجمعيه ولا بالفرع

يالله لقيته في بقاله هيهيهيهيهي

وبالعافيه مقدما

:)

Fishah يقول...

Hope

اي يبيله :)

الله يسلمج .. عاد قولي لي اذا

سويتيه :>

Fishah يقول...

GodFather

انا اقترح يكون ريجيمك عقب رمضان .. شرايك :)

الله يعافيك ويخليك وبيت مكه يوديك :)

Fishah يقول...

princess adadi

أهليـــــن

الله يعافيج حبيبتي :)

Fishah يقول...

Being One*

لا والله بدعي ان الله يهديج وتدشين المطبخ وتبدعين :)

هيهيهيهيهيهيهي

Fishah يقول...

اجتماعي

هيهيهيهيهي

اممممم شوف البلوق وانت مغمض :)

عيل انا شقول اللي بطلت الثلاجه وشفته وجها لوجه :<

:P

جنون الكويت يقول...

تسلم ايدينج فشه سويت الحلو وحطيته الحين بالثلاجه وبعد الفطور انشالله نشوف شنو طعمه ههههههههه شكله وايد حلو واذا سالوني شنو اسمه بقول فشه هههه

جنون الكويت يقول...

بس نسيت اقولج ترى التوفي ماصار لونه نفس توفيج صار غير فاتح

Fishah يقول...

جنون الكويت

ههيهيهيهي عجبني الاسم مشكوره :)

بالعافيه عليكم يا رب

صدقيني بيحبوووونه وايد لذيذ وما يغث :)

التوفي اتصدقين مادري .. انا مرتين سويت توفي .. هم نفس اللون
يمكن انا محمشه الشكر لووووول
اخاف انتي حاطه القيمر العوود @@

جنووووون الحين قمت اوسوس ياني فضول ليش التوفي اللي سويتيه فاتح :<

جبريت(عنيف سابقاً) يقول...

هالحلو شي واحد عيبه الدريم ويب استغفر الله الله يزيد النعم مابحبوش هالدريم ويب


باجر اجهز المقادير بالمطبغ والشغلات والحركات واخلي اهلي يسوونه:P

جنون الكويت يقول...

فشوفه الحلو طلع يهبببببببل وايد حلو والله يسلمج انا عرفت الحين ليش لونه طالع مو نفسج لانه انا ماحمشت الشكر خير شر حطيت الشكر مع التوفي وخلطتهم بجدر صغير وخليتهم على نار هاديه تقريبا 20 دقيقه وصار لونه اشقر هههههه على قولة امي

حَافِـيَةُ الَقَدمَيّـنْ ولِبَاسِي المَطـرْ يقول...

لووول شكله حلو
بس ماكو وقت :(
يالله يالله اقوم اتفطر
ولا جان سويته :*

The.One يقول...

شكلـه مغــــــــري D;

تسلم الأيادي

غير معرف يقول...

تسلم يدك ياقمر
بخصوص التوفي انا أروح دايمن باسكن روبنز ويحطلي توفي
تراهم يبيعونه
عاد حنا بالرياض مدريعنكم بالكويت بس جربو بدل ماتسوونه أسهل يعني :)

Fishah يقول...

جبريت

أهليـــــن

وييييييه ليش ماتحبه؟
عاد اغلب وصفات الحلو الحين كله يكون فيها دريم ويب :)

جنك ابوي ما ياكل شي من اللي اسويه لانه مايحب لا دريم ويب ولا قيمر ولاكريمه لوووول

خلاص بنطر بشوووف رايك فيه :)

Fishah يقول...

جنون

أهااااااااااااااا عشان جذي !

هيهيهيهي عليكم بالعافيه .. عاد نفس الطعم؟ @@

الله يسلمج تذوبين الشكر بالاول لما يصير صافي جنه شيرة اللقيمات .. وبعدين تضيفين عليه القيمر .. بس تكونين مطلعته من الثلاجه من زمان مايكون بارد وايد .. وبعدين تحركينه لما يذوبون اثنينهم لا تحاتين من التكورات ههههههه والتكتلات نطري لما يذوبون .. وبس :))

حبيبتي والله .. سلمي على الماما :*

Fishah يقول...

حافيه القدمين

عن العيااااره .. سويه عقب الفطور ;>

ههههههههههه صايدتج صايدتج :)

Fishah يقول...

The.One

أهليــــــــــــــــن

الله يسلمج يالغاليه :*

Fishah يقول...

غير معرف

هلا وغلا بأهل الريــــاض :)

اتصدقين توني ادري انهم يبيعونه !

عاد لو تشوفيني اشكثر دورت على هالتوفي مالقيت .. قلت خل اجرب اسويه .. ولو اني كرهت الوقفه وانا احوووووس في هالجدر ههههه بس شسوي :)

الله يسلمج .. حياج الله ولا تقاطعين :)

جبريت(عنيف سابقاً) يقول...

مادري احسه يسحن الجبد وينشف الريج

انا احب صراحه اي حلو يكون فيه فليك غراااااااااااامي


حتى ايميلي فليك لووووول


الحلو العجيب يكون فيه فليك وقطعي في روايه اخرى من ابناء المنطقه العاشره ككاو بو لحم لوووول

..pen seldom يقول...

يــآسلام ..

بصرآآحه ودي أجربه ..

رآح أسويه وأشوف الطعم كيف يطلع ..

- - بس أكيد لذيــذ :)


شكرا لك على الوصفة عزيزتي ..

SILVER RAIN يقول...

يمممممممممم شكلة لذيييييذ



تسلم ايدج فشفوووووشة ^_______^

Momentum يقول...

ما تسوين حلو إلا لمن ضروسي تعورني

بقط كل اللي سويتيه بالثلاجه عشان تتأدبين (6)

بنت أحمد يقول...

وااااااااااااو شكله خياااااااااال

اشتهيته

ان شاءالله بقول لأحد من أهلي يسويه عشان آكله <<<< ماتحب المطبخ أبد :( :(
بس العمر جبرني أدخل :( <<< مسويتها سالفة

ماعلينا

يعطيك ألف ألف ألف عااااااافية

تسلم الأيادي والله

صوت الكويت يقول...

الله يهديك فشه
بقيت ألحس شاشة الكمبيوتر

اقصوصه يقول...

الله

شكله حلو وايد

بجربه ان شا الله :)

Fahad Al Askr يقول...

أحطه بالخلاط لي متى؟

Fishah يقول...

جبريت

امممممممممم يمكن كثرته اتييب الحارج ويسحن الجبد :)

الفليك ؟ عيل بيمع لك كل الوصفات اللي عندي وفيها فليك .. ماااااطلبت شي :)

حياك الله :>

Fishah يقول...

pen seldom

أهليـــــــــــــن

جربيه صدقيني راح يعجبج :)

العفووو حبيبتي .. حياج الله :))

Fishah يقول...

SILVER RAIN

أهـــــــلا أهــــــــــــلا :)

الله يسلمـــج .. حياج الله :))

Fishah يقول...

Momentum

هيهيهيهيهي .. وتهووووون عليج وقفتني وحوستي بالمطبخ :<

انزين اتووووب .. بنطر لما تطيب ظروسج :))

Fishah يقول...

بنت أحمد

هيهيهيهيهي العمر كله ان شاءالله .. توج صغيره .. مسويتها سالفه ها ;)

الله يعافيج ويسلمج يالغاليه .. ترا ناااطره رااايج مو تنسين :>

حياج الله :*

Fishah يقول...

صوت الكويت

هيهيهيهي اليووووووووع كااافر وانا اختك :)

المره اليايه تسحر عدل .. لاني بكثر من الاكل اهني ;>

حياك الله :))

Fishah يقول...

اقصوصه

جربيـــــه على مسئوليتي .. والله لذيذ :)

ترا نااااااطره بشوووف راااايج اووكي :>

حياج الله حبيبتي :*

Fishah يقول...

Fahad Al Askr

بالخلاط لما تصير كل المكونات خلطبيطه عدل وبعدين تكمل باجي الخطوات :))

اسعدني مرورك .. حياك الله :)

ترا بنطر شسويت مع الخلاط ;P

Paris يقول...

بالعافيه

شله حلوو :)

Sweet Fashion! يقول...

Ilsallam .. awalaan Mashallah mashallah il rasmaa ilee maktoub 3aliha fishah ilee awal il sitee wayeed itwaniiiiiiis .. oo thanii shay mashkora oo ya36eich il 3afyaa 3al 7eilo ;* .. oo thalith shay bss bas'aal so'al .. il toffy shlon itha ma3ndeich iyaah 7a6eety shakar oo geemar may9er baij nafs il 9oora :P .. oo thaleth shay 7ayyachallah ib blogi oo hope you like it

dr-maarafi يقول...

لازم نذوقه عشان نقول راينا :-)
تسلم ايدج

Fishah يقول...

Paris

أهليـــــــــن

مرورج الاحلى .. الله يعافيج :)

Fishah يقول...

ٍSweet Fashion

أهليــــــــــــــــــــن :)

اول شي التصميم الحلو اللي اعجبج هذا تصميم اخوي نمووول .. الله يعطيه العافيه على هالمجهود الطيب والذوق الحلو :)

ثاني شي : الله يعافيج ويخليج وبيت مكه يوديج :)

ثالث شي : اول شي تحطين الشكر لما يذوب بعدين تضيفين القيمر وتقعدين تحوسين في هالجدر لوووول لما تروح التكورات اللي فيه .. وبس :)

بلوقج لي طله عليه ان شاءالله .. واكيييييييييييد راح يعجبني .. اصلا سويت له دعايه لوووول

حياج الله يالغاليه .. لاتقاطعين :*

Fishah يقول...

dr-maarafi

أهلا أهلا .. الله يسلمك اخوي :)

ذوووووقه وقووول لي رايك :>

حياك الله

:)

Manal يقول...

تسلم الايادي يا الغالية شي حلو و سهل
:)

رورو الشخبوطه يقول...

وينج فاشونه فقدتج من غير شر..

Fishah يقول...

Manal

هــــلا والله في هالطله الحلوه :)

الله يسلمج .. حياج الله يالغاليه :>

Fishah يقول...

رورو الشخبوطه

هلا رورو حبيبتي
والله انشغلت شويه بالدوام والبيت
ولوية هالفتره ..

يااااحلووووها اللي تسأل عني وفاقدتني :)))

مشكوره على السؤال خيتووو :***

*Being One يقول...

فشووو لا لا طوولتي عليينا وييينج
طووولتي ؟؟

Fishah يقول...

Being One*

أهليـــــــــــــــــن حبيبتي :*

كاااااني بس انشغلت شويه :(

بعد عمري مشكوره على السؤال .. وااااي فديتهم اللي فاقديني :**

عالية الثرايا يقول...

ي الله والله طلعت طباخه ف الحلويات

بجرب الاكله قريب وبقولج


وع فكره عندي اخت تموت ع عمل الحلويات وحلمها تفتح مطعم حلويات اماراتي ههههههههه تتخبل ع شئ اسمه حلويات لو الحين تقرأ موضوعج بتسألج ميت سؤال ههههههه عن الاكله

Fishah يقول...

عالية الثرايا

أهليـــــــــن

خلاص بنطرج .. جربيه وقولي لي رايج :)

ياحلوها اختج .. قوليلها ترا لقيت وحده بتشاركج بالمطعم :)

وحياكم الله انتي واختج .. تنورون البلوق :))

captain khalid يقول...

يم يم .. لذيذ . اعزيمنا!