الثلاثاء، يونيو 30، 2009

حلو الاوريو :)

تجاوزت الساعه منتصف الليل ( ترا الاسلوب قوي خخخ )
وحاشتني حاله من الارق الغثيث .. مادري شفيني هالايام .. وايد افكار شاغلتني
بس بعدين افضفض مو الحين :<
المهممممممممم قلت خل اسوي سوييييت واحد للبيت والثاني حق الدوام باجر
بدال قعدتي هاذي وهم رفيجتي تبي تذوقه :>

المقادير :
2 قيمر KDD
2 كريما
4 اظرف دريم ويب
2 كيكة سارالي
30 بسكوتة اوريو
(هالمقادير حق قالبين )
كل المقادير بالخلاط بس الاوريو نحط بس 15 بسكوتة كامله مع كريمتها
نقصص الكيك شرايح

نحط طبقه من خلطة الكريمه فوق الكيك .. وال 15 ارويو الثانيين نشيل منهم الكريمه ونطحنهم .. ونرش بودرة الاوريو اخر شي :)

وبسسسسسسسسسسسسسسسس ... امبيه حدي ماعرف اشرح لووول
لاتعيبون على شكلها النهائي .. ترا نايس والله :>

هناك 24 تعليقًا:

{~المباركية~} يقول...

انا واحد مايهمني الشكل
الي يهمني الريجه و الطعم
يمي يعت مو وقته ايوع هالحزه

هني وعافيه

DoDoq8 يقول...

الساعه 6 الصبح يوعتيني اي شي فيه اوريو احبه

بالعافيه عليكم

إنسان بسيط يقول...

همممم يعت
لا و دوامي لين الساعه ٧ يعني
تعذيب

بانوراما يقول...

يم يميي

جان عزميتنا . .

ReLaaaX يقول...

الحين نخلط ( القيمر والدريم ويب والكريمه و 15 أوريووه )

وعقب مانصف الكيك نصب الخلطه اللي مساع خلطناها

ونفتت 15 اوريو بعد عشان نزين فيه الويه صح ؟

--

سؤال : الكميه اللي مصورتها حق صينيتين صح؟ يعني حق كل صينية قيمر ودريم ويب وكريمه صح ؟

رورو الشخبوطه يقول...

السلام..

تسلم ايدج يارب..

توني متغدي ومشتهيه احلي << كلش مو نغزه خخ..

بالعافيه يارب..

Fishah يقول...

{~المباركية~}
=============
انا بعد مايهمني الشكل وايد المهم المكونات :>

الله يعافيك ويخليك وبيت مكه يوديك :))

Fishah يقول...

DoDoq8
======
اييييه انا احبه بعد لذيذ :>

الله يعافيج حبي :)

Fishah يقول...

انسان بسيط
==========
الله يعينك على هالدوام بس ان شاءالله يمشي الوقت بسرعه وتفتك :>
امممممم لايكون ماخذ بسكوتك بوطماط؟ هههههههه :)

Fishah يقول...

بانوراما
========
افاا عليك .. الحين ادزلك الصحن الثاني محد ذاقه ليلحين :)

Fishah يقول...

ReLaaaX
=======
اي حق الصينيه الوحده قسمي المقادير بالنص
يعني 1 كريمه
1 قيمر
2 دريم ويب
8 بسكوتات مع كريمتها بالخلاط
و8 بدون كريمه تطحينهم :)
وطبعا كيكه وحده :)

Fishah يقول...

رورو الشخبوطه
=============
اهلييين :)
الله يسلمج حبي .. اييييييه سيري علينا واسويلج احلى طبق ( كلش مو نغزه ثانيه لول )
الله يعافيج :))

ميمة السبيت يقول...

** تكفين شنو هالمزاج انج تقومين تطبخين بنص الليل ؟؟

بس ماعليج شكله يشوق .. بالعافية

صباحكي سكر ...

Fishah يقول...

ميمة السبيت
===========
والله يا ميمة من الاكتئاب اللي فيني :<
الله كريييييييييييم

صباحج فل وجوري :)

Manal يقول...

تسلم الايادي
:)
فيه العافية

MaKo Sh'3L يقول...

تسلم ايـــــدج شكله لـــذيــــذ

علمينا بعد عشان نصير شيفات محترفات p:

عشان باجر ما يقولون بنات الكويت ما يعرفون يتفننون p:

وبلووقج حده عجيب ومنها للاعلى انشالله وانشالله باجر انشوفه عالمي p: انشالله باجر انشوفه باوبرا p:

ويعطيج العافيه وكثري من هالسوالف الطيبه خل نستفيد D:

The.One يقول...

Yum yummy

شكلهـا تشووق

كيييك .. اوريوو.. قيمـر


كلهـا أشيـاء مغريـة ;d


بالعافيه

غير معرف يقول...

Fishah
يعطيج العافيه شكلة تحبين سوالف حلو ماحلو واطباق رئيسية انزين اشرايج كل اسبوع اتنزلين طبق يديد واحنا ماعلينا غير ان نعلق وناكل لول
أم عنكوش

Fishah يقول...

Manal
=====
الله يسلمج ويعافيج .. عقبال اقلد واحد من اطباقج :)

Fishah يقول...

MaKo Sh`3L
===========
الله يسلمج :)
عاد اتصدقين .. في جعبتي الكثير ( شفيها ام اسلوب قتال) ههههه
بس ذابحني الكسل :<
ان شاءالله قرييييبا اوريكم فناتكي :>

وااي شكرا شكرا كلج ذوق (استحي) احم :>

فرحني مرورج :)

Fishah يقول...

The.One
=======
الله يعافيج حبي :)

Fishah يقول...

أم عنكوش
========
هلا بهالطله :)

الله يعافيج .. ان شاءالله احااااول :>

GodFather يقول...

Hi....h
FISHAH
احنا الشياب نموت على الحلو
ذكرتني بيدي(جدي) قبل 30 سنة ليش يحط شكليت وملبس بمخباته وبرميت ( حلاوة النعناع المدور مرسوم علية المللكة اليزييث الاولى)بس نقعد يمه نستانس واهو يعطينا من الشكليت والحلاوة احين
ومن كبرنا عرفت ليش نحب الحلو اثر الجسم يبي ياكل اي شى فيه سكر بس الحلويات في الزمن وايد قوية واشكال والوان ....
بس اشلون نذوق الحلو الطيب الاريو***
تدرين عليك بالعافية مادام انتي كلتي انتي وصديقاتك عليكم بالف عافية جنه احنا ماكلين****************

Fishah يقول...

GodFather

الله يعافيك :)

الله برمييييييييييت
ذكرتني في يدتي الله يرحمها .. كنت احب ادش غرفتها وادل مكان البرميت ( كنت احب انبش ) لول بس اسوي روحي مادري وينه انطرها تعطيني خخخخخخخخخ