الخميس، ديسمبر 24، 2009

طبق اليوم :)

بقولكم عن وصفه من كتاب (افكاري في اطباقي)
سهله بس شويه دسمه
مرتين سويتها عشا .. طبعا بس انا واختي نحبها .. بيتنا ما يحبون هالسوالف :<


المقادير :
- كوب بصل
-كوب فلفل اخضر بارد
-مشروم
-ذرة
-مكعب ماجي خضار
-بهارات - فلفل اسود شويه- ثوم (كيفكم انا ماحطيت) :>
(هالمقادير تسوونها حميسه) :)



مقادير الصلصة : (بالخلاط) :
- 1 كريمه
-1 قيمر
-3 ملاعق جبن كرافت
-نص كوب جبن موزاريلا
- ملعقة - ملعقتين كتشاب
-ملعقه اوريغانو

* تحطون شويه بأرضية البايركس صلصة :>

* تفرشون طبقة وحده من عجينة السمبوسه بالارضيه

* وبعدين تحطون الحميسه


*وبعدين تغطونها بطبقة من العجينة
( اهوا بالكتاب مذكور نسوي العجينه رولات بس انا مالي خلق على طول فرشت الطبقه لول )



*تصبون الصلصه وترشون جبن موزاريلا واوريغانو على السطح




*وبعدين بالفرن تقريبا نص ساعه .. ومن فوق شويه بس تتحمر نتفه :)

(ترا انا فاشله بالشرح) :>


وبالعافيه :)


=================
جايونه هذا بعد اهداء لج من سنتر بوينت :)
لقيت فيل على مبخر الشمعه بس استحيت اصوره كان يمي وايد ناس لول :>




هناك 26 تعليقًا:

رورو الشخبوطه يقول...

السلام..

بالعافيه يارب وتسلم ايدج ..

بجربها ان شاءالله بس بغير المقادير لانه ماحب لا فلفل ولا البصل ..

ومرسي..

شاي الضحى يقول...

بالعافيه

شكلها حلوه

تسلم ايدج :)

سنتر بوينت احبه لان متروس فياله ههههههه

كل ما اروح لازم اخذ على الاقل 1 او 2

بس لازم اروح واشوف مبخر الشمعه ... وعندي شمعه على فيول فيها ريحه متحسفه عليها :(


مشكووووره :*

GodFather يقول...

hi....hi
fishah
وبعدين وياك فشة قاعدة تحمصينة باالاكل الطيب متى تنجبين الطبق علشان اعزم نفسي مبين عليها خوش اكلة متعوب عليها وشكل البصل مثروم مع الفلفل الاخضر يبليك تحضرين حق كتاب طبخ عليك مليون عافية*****
تحياتي للوالد العزيز ...وبسلامةالوالدةالغالية......

Fishah يقول...

رورو الشخبوطه

أهلين

الله يعافيج ويسلمج :)

انا احب الفلفل الاخضر .. امممم البصل ماحسيت في طعمه اتصدقين

اي جربيها وقولي لي :)

Fishah يقول...

شاي الضحى

أهليــن

الله يعافيج و يسلمج :)

بس ترا لونه بني غامج المبخر .. مو الوان فرايحيه :)

العفوو ولوو :))

Fishah يقول...

GodFather

أهلين

ههههههههههههههه اي ذبحتك بالاكل انا ادري :)

الله يعافيك ويسلمك .. يوصل ان شاءالله .. تشكرات :)

ms.sms يقول...

عليج بالعافيه شكلها لذييييذه لي رديت الكويت سويتها واقولج النتيجه (:
تسلم ايدج

..pen seldom يقول...

مساء الخيـر ..

بعطي هالطبخه حق وحده من صديقاتي

-- تموت على الطبخات ..

أما أنا مثل أهلك , ما أحب هالأشياء

:)

وأنتِ وأختك , عليكم بألف عافية ..


أرق التحـايا ..

Made n Q8 يقول...

بالعافية يارب

وتسلم الأيادي

Tekana يقول...

اهم شي مالج خلق تسوين رولات ههههه. بعد الكسل شلون صاير :p. احنا نسويها صج لذيذه بس مع الحمسه دياي مسحب وبقاع البايركس حمسه مشروم مع بصل وثوم والطريقه من نفس الكتاب بعد. الظاهر. المؤلفه ماعندها الا هالحمسه :p

حسـّون الملعـون يقول...

كريمة وقيمر وجبن كرافت!

الله يكون بعون الشرايين, راح تنسد بسبب الكوليسترول مثل مجاري مشرف!

:)

الشجرة الأم يقول...

سلمت أناملك وبارك الله فيك ونفع الله بك الأمة الإسلامية العربية.

SHAHAD يقول...

شكلها لذيذة
راح اسويها على يوم : )
عليكم بالعافية حبوبة

أنثى من حرير يقول...

سوف أجرب هذا الطبق
ولي عوده للتعليق
- شكله لذيذ -

Fishah يقول...

ms.sms

أهليــــــــن

الله يعافيج حبوبه ويسلمج .. ان شاءالله تردين الكويت بالسلامه ونفرح بوجودج بينا وتنورين المكان :)

Fishah يقول...

pen seldom

أهليـــــــــــن

مساء النور والسرور :)

الله يعافيج حبيبتي .. الله يستر .. ان شاءالله تعجبها الطبخه :>

يسلموو على المرور .. حياج الله :)

Fishah يقول...

Made n Q8

أهليــــــــــن

الله يعافيج ويسلمج حبيبتي :)

شاكره لج مرورج الحلوو .. حياج الله :>

Fishah يقول...

Tekana

أهليـــــــــن

عاد اقولج شي .. اهيا اللي تسوينها اصلا نفسها .. بس على قولتج من الكسل خلطت كل شي :P

هههههههههههه اي لذيذه ودسمه :)

شاكره لج مرورج الاول .. اتمنى ما يكون الاخير .. حياج الله :)

Fishah يقول...

حسـّون الملعـون

أهليـــــــــــــن

ههههههههههههههههههه عاد كل الاكل اللذيذ يسبب هالانسدادات .. شنسوي :)

الله الحافظ :>

شاكره لك مرورك الاول اخوي .. اتمنى مايكون الاخير .. حياك الله :)

Fishah يقول...

الشجرة الأم

أهليـــــــــــــن

الله يسلمج حبيبتي مشكوره :)

حياج الله :)

Fishah يقول...

SHAHAD

أهليـــــــــــــــن :)

الله يعافيج حبيبتي .. شاكره لج مرورج الحلو ياحلوه .. حياج الله :)

Fishah يقول...

أنثى من حرير

أهليـــــــــــــــن

اي جربيها وانا ناطره تعليقج عليها :)

وبالعافيه مقدما :>

شاكره لج مرورج الاول حبيبتي .. اتمنى مايكون الاخير .. حياج الله :)

اجتماعي يقول...

بالعافية على قلبج : )

إن شاء الله لما أتزوج أخلي مرتي تدش تقرا المدونة وتطبخ لي ..

Fishah يقول...

اجتماعي

أهليـــــــــــــــــن

الله يعافيك :)

ان شاءالله يارب نشوفك معرس وتعزمنا على عرسك :)
و بعدين ننطرك تقول لنا عن تجاربها المطبخيه :))

حياك الله اخوي سعد :)

ابتسم ^_^ يقول...

صحة وعافية
ما شاء الله عالسنعات :)
بصراحه شكله يشهي وانا الحين جوعانه
شكلي بسويه

Fishah يقول...

^_^ ابتسم

أهليــــــــــــــــن

الله يعافيج ويسلمج حبيبتي :)

بعد عمري .. بالعافيه مقدما وان شاءالله يعجبج :))

حياج الله :>