الجمعة، ديسمبر 18، 2009

تناتيف 3

هلووو شلونكم
:)

نعود اليكم من جديد عقب غيبه شبه طويله

بسبب امي كانت تعبانه شويه بالمستشفى وانشغلت معاها


بسولف لكم عن روايه اخيرا خلصتها
رواية ( الاحتراق البطيء) بس النسخه العربيه

في بداية جم صفحة كانت تتكلم على لسان العم الغني .. واللي تبتدي الاحداث بعد وفاته

حيث انه اورث (كيت) حفيدة اخوه اغلب ثروته

لانه يحس انها تشبهه من بد خواتها (عندها اختين اصغر منها)
من ناحية نظرتها التجاريه .. تحب الشغل وعندها تجاره وشركه خاصه
مختصه بصنع الشموع وكريمات الجسم
ومعاناة كيت بسبب هالورث من كذا محاولة اغتيال


اممممممم
برايي الشخصي
روايه عاديه .. وماتشوق وايد .. ولا استفدت منها شي
:<

==============================

قبل العيد رحت مع اختي حق ديسكفري

وتغدينا في chocolate & macaroon
طلبنا سلطة الجرجير



وحقي عصير ليمون بالنعناع .. واختي عصير ليمون .. وبيج ماوث
عباره عن فرايز ونقانق ومايونيز وكتشاب لذيذ بس دسم


وميني جيز بورجرز .. مجكنمين :>


وبالاخير خذينا كولكشن من الماكارون .. عجبني اللي على دايجستيف :)


============================


رحت كليرز جان اشوف شغلتين ذكروني في اختنا وزميلتنا : جاي الضحى

:)









============================

مر علي كتاب

اعتقد اسمه

(موسوعة التمور)

لفت نظري انه فيه نوع من التمر اسمه بلوق
هههههههههه





============================

بقولكم سر بس لا تقولون حق احد
:)
بطبيعة الحال لازم نسمي ناس قريبين منا باسامي (نيك نيمز) محد يعرفها الا مجموعه صغيره
وهالمره بقولكم شنو نسمي مسئولنا بالدوام
نسميه ( كوب )
:)
مادري شلون طلعت التسميه .. بس تعودنا عليها
عاد ابوي لما درا بهالنيك نيم .. واشكثر غثيت بيتنا بسوالفي عنه .. دزلي مسج وانا بالدوام
كاتب فيه :
يا شين كوب بين الاكواب معيوب..ماينشرى بالسوق والكل مله
ماينعرف ان كان عدل او مقلوب..يخفف دمه واهو على القلب عله
ماندري رايح او اهو جاي دبدوب..من البلاوي اللي بكرشه تتله

:)

هناك 40 تعليقًا:

BookMark يقول...

فقدنا بوستاتج :)

سلامتها الوالدة ماتشوف شر ..

***
الرواية .. أكيد ضافتلج شي حتى لو ماكانت بذاك المستوى
***
بالعافية :)
***
اممم شنو علاقة الفيل بجاي الضحى؟ P;
***
لووول أهم شي التمر بلوق
يبيلنا نجربه
***
ههههه يحليله الوالد صح لسانه،
حتى ابوج درى عن كرش مسؤولكم
ماتسوى عليه مسكين P;

حلوة التناتيف يعطيج العافية

Fishah يقول...

BookMark

أهليــــــــــــــــــن

انا فقدتكم وولهت عليكم :)
الله يسلمج .. الشر ماييج ان شاءالله

والله الروايه الشي الوحيد اللي حسيته عقب ماقريتها .. اني احتريت منها لوول
حبيبها اينن + وارثه + عندها شركه عاجبتني لوووول

الله يعافيج حبوبه :)

جاي الضحى .. هاذي جايونه .. تحب شي اسمه فيله .. اتيمعهم .. وواعدتني في بوست تحط صور مجموعة الفيله اللي عندها :))

اي يبيله نجربه في رمضان الياي ان شاءالله :>

صح بدنج :)
اييييييييه فاضحته هالريال لووول
مسكين .. ساعات يكسر خاطري والله :)

مرورج الاحلى حبيبتي :**

سلة ميوّه يقول...

ماتشوف الوالده شر
والله يشافيها
ويخليها لكم ان شالله قولي امين


وبالنسبه للقصه
ماقريتها...


بس ماشوف القصه اتشوق على قولتج:)


والله يعينج على كوب:)


عاد كوب اسم صبيي يدتي :)



لي طقرنا منه اناديه كوبين:P


والا مق:)




حبي و:**

غير معرف يقول...

صح لسانه بصراحه وايد عجبني الشعر طالع من القلب ....الواضح ان الوالد منغث من مسؤولكم اكثر منكم

حَافِـيَةُ الَقَدمَيّـنْ ولِبَاسِي المَطـرْ يقول...

مأجورة إنشالله
ما تشوف شر
,
لووووول مسؤولكم مسوي ازمه ترى p;
حتى ابوج مو طايقه

فقدناج :*

Made n Q8 يقول...

Welcome Back

وماتشوف شر الوالده

وصح السان الوالد :)

نمووول يقول...

حمدلله على السلامة
منا تشوف شر الوالدة
اجر وعافية ان شاء الله

ندخل بالموضوع الصراحة انا ماحب اقرا الروايات
بس الاسم جذبني بس دامج قلتي عادية ماني قاريها

مالي بالاكل وايد بس عجبتني سلطة الجرجير
احبها لم اختي الكبيرة تسويها مادري شتحط فيها ؟

اما الوالد فدع بالكوووووب - الدبدوب هااا ههههههه

اشتقنا حق بوستاتج
دمتي بخير
شكراً

رورو الشخبوطه يقول...

ولكم باك فشونه..

خخ عاد الحين اقرا قصه عن بنيهم هم توها وارثه :(

وبالعافيه يارب الاكل ..

ويافرحة جايونه خخخخ ..

والتمر كول :)

وخخخخخخ صح لسان ابوج:)

مرسو..

رورو الشخبوطه يقول...

وي نسيت اقولج..

سلامة امج وماتشوف شر يارب..

اجتماعي يقول...

ليش ماتحاولين تكسبين "كوب"
وتعطينه شوية "بلوق" ؟؟ : d

بالعافية عليج الوجبة اللي مادري شنو مكوناتها .. وعصير الليمون ..

والحمدلله على سلامة أمج : )

reemas يقول...

سلامتها الوالده و ما تشوف شر
الله يطمنكم عليها و تكون في احسن حال

لوووووول الوالد ما شالله مبدع
الله يخليكم لبعض

عجبتني قصيدة الكوب واايد
و استانست من قراءة بوست يديد لج
شكرا فيشا
:))

شاي الضحى يقول...

هلا فشه شلووونج؟

سلامت امج ما تشوف شر :)

المطعم ماجربت منه الا الماكارون ماعجبني وايد وثقيل

بس يقولون اكله حلو

عواااافي

@@

فيووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول حبيبي

ياحلااااتهم يهبلوووووون كل واحد يقول الزود عندي

لحظه لحظه هذا اي كليرز؟ لان كل واحد عنده اشياء غير

عجبني اسم ابريج (تمر) لووووووول

لووووووول ابوج بدع
صح لسانه


مشكوره :>

Sn3a يقول...

سلامه الوالده وربي يخليها اهيا والوالد بصحه وعافيه


بس بدع ابوج لول

Hanan يقول...

اي و الله فقدنا بوستاتج :)
عليكم بالعافية :)

she is me يقول...

أي والله ولهنا عليج !! وعلى بوستاتج

الحمدلله على السلامة وما تشوف شر ان شاء الله

أما كوب .. يا شينه .. على قولة الوالد
هههههههههه

GodFather يقول...

hi......hi
fihah
اخيرا رجعت مع البوست الذيذ كله حلويات وكريمة احس من اشوف البوست اتذكر محل سابليه او الخباز كنفاني
كله من ايدك حلو بس يافشة لو ماكتبتي كنت بسوي مجموعة فلم بوست مان و نراسل العالم الى نعرف سبب التوقف الطويل اهم شى رجعت بسلامة الوالدة الله يطول عمرها ويخليها لك وللاهل الف الحمدالله على السلامة......
زين فشة الاستمرار بالقراءة واتمنى تكون الرواية الياية احلى.
************
على طاري العيد كل عام وانت بخير لو انها يات متاخرة بس بصرحة مبين عليها خوش طلعة يممممممم سلطة لذيذة من الصورة ووالميني جيز عجييييب عليك بالعافية,
********

بصرحة ماني قادر اصبر ابي اعلق يصرحة يابها الوالد بصميم فعلا كوب على الرسمة اللي رسميتها ذكرتيني بالكوب مال الحليب ايام المدارس في السبعينات نشرب منه واحنا طلاب ومن كبرة نمسكة من ايدنا الثنتين وشكله مثل مديركم
(اسف الكوب)
حتى الوالد مغثوث منه علميني وين دوامكم ووانااوريك بالكوب اذا ماكسرته واريحكم منه..لوووووووولو.....

اقصوصه يقول...

looooool

ابيات ابوج فنتك

يوعتيني من صباح الله خير

عاد انا من عشاق المعكرونه

الحمدلله ع سلامة الوالده

وسنه هجريه موفقه يا رب :)

ميمة السبيت يقول...

** صباح الخير :

- شلونج ولهت عليج احس من زمان عنج

ماكرون ترى وايد حلو انا استانس عليه احس اكله لذيذ

و اذا تبين تمر روحي بريده اللي يم سوق لندن قوليله اكو تمره ماعليها ليبل اب 3 دنانيير ماشالله مو صج .

و سالفة النك نيم هذي من زمان احنه عندنا وحده بالدوام مسمينها ماي ذهب تعرفين منو ماي الذهب ؟ لووووول

_ عسى الله يقوم اميمتج بالسلامة و يحفظها و يخليلكم ابوكم على راسكم يا رب

Fishah يقول...

سلة ميوة

الشر ماييج حبيبتي

آمـــــــــــــــين :)

ههههههههههه حلوه مق :> لازم انشر هالنيك نيم بعد :>

ياحلو مرورج :**

Nikon 8 يقول...

أهلا بعودتك لنا :)
يا حلو الوالد ... مديرنا النك نيم له حسينة !
الله وكيلج يموت على سوالف البنات ووده يقعد بينهم مو بروحه بمكتبه !!!

Nikon 8 يقول...

سلامتها الوالده ما تشوف شر
وعلى فكرة ليش إسم القص الإتراق البطيءمع إنها وارثة كل شي ؟

ms.sms يقول...

سلامة الوالده ماتشوف شر ..
ساعات مثلج يضيع وقتي وانا اقرا روايه ماتفيد ولا تسوى شيء ..


وعموما اقنع نفسي كل مره اني استفدت شي حتى لومن اسلوب الكاتب (:

Fishah يقول...

غير معرف

أهليــــن

صح بدنك .. يسلمووو

اي انا واااااااااايد اسولف لهم عن دوامي .. اعيشهم معاي بالموقف هههههه

حياك الله :)

Fishah يقول...

حَافِـيَةُ الَقَدمَيّـنْ ولِبَاسِي المَطـرْ

أهــــــــــــــلا أهـــــــــــلا

الشر ماييج ان شاءالله يسلمووو حبيبتي :*

اي حده .. كله مني .. ما اخش شي عنهم :)

ماتفقدين غالي قولي آمين :>
انا بعد فقدتكم وولهت عليكم :***

Fishah يقول...

Made n Q8

أهلــــــــــين

تشكرات حبيبتي :)

الشر ماييج ان شاءالله :*

صح بدنج :))

Fishah يقول...

نمووول

أهليـــــــــــــــن

الله يسلمك ويعافيك .. الشر ماييك ان شاءالله يسلموو :)

انا بعد الاسم شدني .. بس بعدين انصدمت فيها وباحداثها المليقه :<

عيل اطالبك بوصفة السلطه اللي تسويها اختك :)

اي هههههههههههههه .. حلاته احط الرسمه اللي رسمتها تحت هالجم بيت :))

انا بعد اشتقت حق سوالفكم .. شاكره لك مرورك الحلو .. حياك الله

:)

Fishah يقول...

رورو الشخبوطه

أهــــــــــــــــــــــلا أهــــــــلا

:)

تشكرات حبوبه :>

الله يسلمج .. الشر ماييج ان شاءالله :)

اي بس الصراحه احتريت منها :<

الله يعافيج ويخليج :)

اي .. الحين قمت من اشوف فيل قمت اصوره عشانها لول

صح بدنج :**

Fishah يقول...

اجتماعي

أهليـــــــــــــــــــــــن

:)

هههههههههههههههههههههههههههه اعجبتني فكرتك :))
بس وين اللي يروح لي ليبيا؟ :P

الله يعافيك .. اي كانت خلطبيطه :)

الله يسلمك من الشر
:)

يسلموو على المرور الحلوو .. حياك الله :)

Fishah يقول...

reemas

الله يسلمك .. ان شاءالله يا رب :)

هههههههههههه اي وكان بيزيد عليهم بعد جم بيت لول :>

يسلموو على هالمرور الحلوو .. انت اللي شكرا على هالطله :))

Fishah يقول...

شاي الضحى

أهليـــــــــــــــن .. الحمدالله بخير :)

الله يسلمج .. الشر ماييج ان شاءالله :>

الله يعافيج .. اكله خفيف .. المره اليايه بجرب الباستا منهم :>

كليرز مال جمعية الرميثيه :>

ههههههههه صح بدنج .. حياج الله :*

Fishah يقول...

Sn3a

الله يسلمج ويعافيج يارب .. ان شاءالله .. مشكوره حبيبتي :*

اي هههههههههههههه

:)

Fishah يقول...

Hanan

أهليـــــــــــــــــــــن

الله يعافيج حبوبه .. انا فقدتكم :**

Fishah يقول...

she is me

أهليــــــــــــــــن

انا بعد ولهت عليكم :**

الله يسلمج حبوبه .. الشر ماييج ان شاءالله :)

اي اووووف حده يا شيــــــــــــــــنه :<

بقول حق ابوي يكتب شي يديد عنه لووول

يسلموو على المرور الحلوو يا حلوه :**

Fishah يقول...

GodFather

أهـــــــــــلا أهـــــــــــــلا

الله يسلمك من الشر :)
انا اتمنى بعد روايتي اليايه تكون احلى من هاذي :>

وانت بخير وصحه وسلامه .. يسلموو :)

الله يعافيك تشكرات .. اي كانت نايس .. ياربي مادري ليش من اسويها بالبيت ما تطلع جذي :<

لووووول هالكوب الله يستر عليه .. كل من متحلف فيه لوووول

شاكره لك مرورك .. حياك الله

:)

Fishah يقول...

اقصوصه

أهلـــــــــــــــــــــــين

:)

الله يسلمج حبوبه .. اجمعين ان شاءالله يا رب :)

اي ابوي بدع بالوصف هههههههههههه

يسلمووو على المرور الحلو يا حلوه .. حياج الله :)

Fishah يقول...

ميمة السبيت

أهليـــــــــــــــــــــــــن :>

الحمدالله بخير .. اي انا صايره وايد اختفي :<
انا بعد ولهت عليج :*

اي عجبني اكله .. نفس طباخي :P (حدي جذابه) هههههههههههه

صج؟ بروح اطل عليهم .. باخذلي حق البابا :)

مطلعين على كل الاوادم اللي عندنا بالدوام نيم نيمز لووول

بعد عمري تسلمين :***

Fishah يقول...

NiKon 8

أهليـــــــــــــــــــــــن :)

هههههههههههههههه ضحكني نيك نيمكم :))

امبيه حتى احنا ! وده لو بس نقوله تعال حياك عندنا سولف ههههههههههه

الله يسلمج من الشر حبيبتي .. مشكوره :*

اتصدقين مادري ليش اسمها جذي؟ :<
بالعكس كانت النهايه زوينه :P

Fishah يقول...

ms.sms

الله يسلمج حبوبه .. الشر ماييج ان شاءالله :)

اي والله احتريت .. فوق ال300 صفحه علفاضي :<

على طاري الكاتب .. على الغلاف مادحينها "مؤلفة الكتب الاكثر مبيعا وفقا لنيويورك تايمز" :<

بس بقلدج وبحاول اقنع نفسي :)

شاكره لج مرورج الحلو يا حلوه .. حياج الله :)

lil.D يقول...

أمااااااااا الشعر!! هههههههههههه ابوج كول :) الله يحفظكم لبعض ان شالله


يييه انتي الا من ربع جاي الضحى :( من احدر مدونتها ايوع :(

Fishah يقول...

lil.D

أهليـــــن

مشكوره بعد عمري تسلمين :)

شنسوي بعد نحب الاكل هههههههه

حياج الله :*