الثلاثاء، يوليو 05، 2011

كريمه لذيذه

صباح الخير

وانا احوس بمركز سلطان لقيت هالكريمه
عاد جربتها مع باستا بالمشروم والبصل الابيض
طلعت صج صج لذييييييييذه 
يعت من الصبح خخخ
صورتها لكم اليوم قبل لا اروح الدوام 
وقعدت ادور ادور ادور سويج سيارتي
جان استوعب اني ناسيته بالثلاجه لما صورتها لووول
عادي عادي هاذي سوالف الصبح :P
 
 



هناك 28 تعليقًا:

bhr.qadsaweya يقول...

بالعاااافية فشه
يوعتيني الصرااحه
تسلم الأيادي
....

لما ادخل البلوقات القديمة
مادري احس ان الناس الطيبة للحين موجودة وانتي وحده منهم...
يعطيج العافية

نون النساء يقول...

قبل اشوي قاعده من النوم
جني يعت بعد على الصحن اللي حاطته
عاد صج لذيذه حق الطباخ ؟؟
هههههههههه




بعدين مسألة تنسين السويج بالثلاجه ترا عادي جداً عند البنات
محدثتك نست ساعتها بالثلاجة 3 أسابيع
وأنا أدور عليها ..

هذا غير تلفوني ناسيته بالفريزر
بس هذا لقيته بحزتها قبل لا يتجمد
lool

daloo3a يقول...

السلاام عليكم ورحمة الله وبركاته

اممممممم يمي يمي شكلها يشهي ^^

ممكن تكتبين لي الطريقه كيف سويتي الباستا ؟؟

captain khalid يقول...

صباح الخيرات ...


باستا من الصبح هههههههههه ونااااااااااسة يبالنا نجربه ,, خخخ لووولز ,,


هههههههههههه والله موتيني من الضحك يوم نسيتي سويج السيارة في الثلاجة ,
دكرتيني يوم نسيت رموت التلفزيون في الثلاجة بعد .. دكريات ,, ههههه



وبالمناسبة انج ماعرفتي تقرين ترى مو اول وحدة ماتتقدر تقدر بخصوص اللون الي انا حاطنة الله يهديني .. صج صج ماافكرت فيها ,,


وبالعافية ):

Katkoota xD يقول...

shakla latheeth

bl3aafyaa

QueeN*B يقول...

يعطيج العافية
خوض شي حق رمضان
كلشي بسوي واجرب فيهم
تقبلي مروري

سلة ميوّة يقول...

يمي يمي..
تسلم ايدج


بجربه قريبا:***

رورو الشخبوطه يقول...

شوقتيني عليها..

وبالعافيه يارب..

Fishah يقول...

bhr.qadsaweya

أهليــــن

الله يعافيج ويسلمج حبوبه :*

بعد عمري تسلمين من طيبج والله :***

(استحيت) ههههههههه

:**

Fishah يقول...

نون النساء

أهليــــن

اي والله لذيذه .. جربيها على مسئوليتي :P
ههههههههه

لوووول سالفه التلفون عجيبه .. والساعه عاد تشتغل والا تحنطت؟ :)
اشوا اني مو بروحي في هالحاله .. بس انتي صكيتي علي :)

مشكوره على المرور الحلو :*

Fishah يقول...

daloo3a

أهليـــن حبوبه

الله يسلمج
تسوين المعكرونيه اقصد يعني تسلقينها بالطريقه المعتاده
وعلي ما تستوي تكونين مجهزة المقلاه حاطه فيها شويه زيت .. تضيفين البصل الابيض المقطع صغار .. فوقهم مكعب ماجي .. بعدين تضيفين المشرووم وتقلبين لما تحسين استوا كل شي .. ضيفي الصلصه .. وخليها تطبخ مده مع التحريك

بعدها اهني تكون المعكرونيه مخلصه شخليها من الماي ورديها الجدر مره ثانيه وحطي فوقها خليط الصلصه

وبعدين اذا حطيتيها ووزعتيها بالصحون واهيا حاره رشي جبن مزاريلا على السطح .. واذا ما حسيتي ان ذاب حطي الصحن شوووويه بالمايكروويف عشان يذوب :))

وبس .. اتمنى انها تعجبج .. كانت وصفه سريعه ما خذت مني وقت :>

بالعافيه مقدما :**

Fishah يقول...

captain khalid

أهليـــــن

اي اليوع كافر هههههههه
كنت مسويتها علعشا قلت لاااااازم اسوي لكم دعايه خخخخخ

لووول هالثلاجه شكلها بتصير مغاره علي بابا .. كل شي فيها :>

يالله ناطرين ديكور مدونتك اليديد :)

الله يعافيك ويسلمك .. مشكور على المرور اخوي

Fishah يقول...

Katkoota xD

أهليـــن

اي كانت يمي يمي .. واسرع سريع حق اليوع المفاجيء :)

الله يعافيج .. مشكوره :*

Fishah يقول...

QueeN*B

أهليـــن

الله يعافيج ويسلمج حبوبه

اي جربي وقولي لنا عن تجاربج .. واذا طحتي على شي يديد علميني هههههه

حياج الله حبيبتي :*

Fishah يقول...

سلة ميوّة

أهليــــن

الله يسلمج حبيبتي :****

بالعافيه مقدما :)

Fishah يقول...

رورو الشخبوطه

أهليــــن

الله يعافيج حبيبتي :*

اي جربيها وقولي لي :>

ميمة السبيت يقول...

** فشه هذا كان منيو الريووق ؟

اسمله عليج ، بس احنا لازم ايدام قطيلج ديايتين فيها جنج ماتدرين

حَافِـيَةُ الَقَدمَيّـنْ ولِبَاسِي المَطـرْ يقول...

يا إلهي شنو اموت ع الباستا

ممكن المقادير ؟
ولا سر المهنة ؟

Fishah يقول...

ميمه

هههههههههههه لا جانزين .. عاد ساعات ايوع الصبح اللي اقولهم ابي لحممممم خخخخ

اي يصير مع الدياي .. بس كنت ابيها اسرع سريع وافتك :)

Fishah يقول...

حافية القدمين

اهلا اهلا

انا بعد احبهااا .. بس دايما احبها بالصلصه البيضا ماحبها تكون حمرا والطماط وسوالفه :<

افاا علييييج موجوده الطريقه .. كتبتها بردي حق دلوعه

وبعدين انا اقدر اخش عنج شي ؟؟ انتي بس طلبي وتدللي هههههههههه :)

فاطمة عبدالمحسن يقول...

نبي الطريقة لان شكلها يمي يمي

ستة وسبعين يقول...

وااي شوقتيني
ماشالله شكلها وايد حلو
جنها pink pasta مالت شوكلت بار

اجتماعي يقول...

أحمدك يا رب إني مو من ربع الباستا
بس عليج بالعافية على شغلتين ..

على اللي صورتيه ..
وعلى دوامج ..

(( مليت من العطلة ))

Hanan يقول...

بالعافية ان شاءالله
جربتها ووايد عجبتني :)

Fishah يقول...

فاطمة عبدالمحسن

أهليـــن

موجوده الطريقه فووق .. وبالعافيه مقدما :))

Fishah يقول...

ستة وسبعين

أهليـــن

لا مالتي احلى ههههههه

كانت لذيذه وشغل اسرع سريع ما طولت ولا فيها عباله :)

Fishah يقول...

اجتماعي

امممممممم انت قول حق البيت يجربون يسوونها وخنشوف يمكن تدمن عليها :>

ونااسه العطله ... تبادل ؟ :P

Fishah يقول...

Hanan

الله يعافيج ويسلمج :*

زين اشوا الحمدالله انها اعجبتح .. عاد عزميني ههههه :)))