الجمعة، مايو 22، 2009

حملة تجميع ..


بالدوام .. وكالعاده يمي بطل ماي صغير (ماشربه بس اقص على روحي اني اشرب ماي) :(
رفيجتي قالت " انتي تشربين هالماي؟ "
قلت لها اي ..ليش؟
" انا سمعت من مرت اخوي .. انج اذا يمعتي 1000 غطا من مغاطيهم .. يعطونج وييل جير .. تتبرعين فيه حق اي مستشفى انتي تختارينه"
قلت الله وناسه .. وليش ما قلتي وانا صار لي قرن اطلب بهالكراتين حق اهني والبيت :(
المهم .. سوينا حملة تجميع بالدوام .. حتى المراسل قاعد ايمع معانا لول .. قمنا نحطهم في فازه كبيره
على امل انهم يصيرون 1000 ( اقص ايدي اذا يمعنا 100) لول
عاد والله عندي احساس يقول .. اني اذا دقيت عليهم اسألهم صج هالحجي؟ بيقولون لي .. شخباري .. انتي من وين طالعه .. هالشغله احنا قلنا عنها وطافت خخخخخخ
بس عادي .. لقينا هدف في الحياه لوووووول
احلى شي عقب الويك اند .. الاحد .. كل وحده تطلع من جنطتها 6 او 5 ميمعتهم من البيت :)
وعلى طاري هالصوره
عندي اعتراف خطير خخخخخ
فيني عقده طفوليه وليلحين معاي
ماحب اشوف هالابراج
اخااااااااااااااااااااااااااااف :(
كنت حلمانه اني غرقانه في وحده منهم بالليل وماقدرت اطلع
لووول بس خلاص لحد يضحك
والحين اذا مريت يمهم والله جد .. اصد عنهم :(
هذا اعتراف اليوم .. بيني وبينكم اوكي :)


هناك 16 تعليقًا:

DoDoq8 يقول...

لوووول ضحتيني

انتي قصدج مغاطي ماي ابراج ؟؟

Fishah يقول...

اييييييه :>

{~المباركية~} يقول...

اي يمعي يمعي عشان نسوي فيهم جبل او قصر ;p
تصدقين انا اشرب من 2 لي 4 ابطول باليوم

حلمج يخرع فلم رعب

رورو الشخبوطه يقول...

السلام..

خوش حمله الله..

لو عندي مغاطي جان طرشتهم لج :)

وع الحلم ترا عادي الفوبيا من كل شي..

انا عندي 9000000000 فوبيا الله يشفيني يارب..

ومشكوره ع البوست..

fatto يقول...

حتن اخوي ذابحنه في المقاطي لووول

Fishah يقول...

{~المباركية~}
============
هههههههههههه اخرتها بلصقهم على الطوفه يعني منظر
اي حلمي كان حده رعببببببب :(

Fishah يقول...

رورو الشخبوطه
=============
اي لاتشوفين شكلنا واحنا انيمع ... قاعده اغصبهم شربو شربو مااااي لووول
اي الله يعينج على فوبياتج .. انا اشوا عندي جم فوبيا ينعدون على الاصابع :)

Fishah يقول...

fatto
=====
هااااااااااااااا فاتووو اشوف قمتي تنافسيني :)

GodFather يقول...

HI....HI
الله يقطع سوالفك ياFishah
مغاطي ماي ومصدقة باجر بعد ماتيمعين 1000 يقولولك خلص العرض بس قولي شتسوين ب1000 مغطاة
اشتري ويل جير واتبرعي وقطي المغاطي بالزباله وانا مستعد اشترك معاك بالوييل جير وانتي اختاري المستشفى بدال ماتيمعين من العالم المغاطي تطلع وحدة او واحد من النوع يشرب شوي شوي ويسكر بطل الماي منشول او فيه كحة يعاديك انتي ناقصة بروح الدنيا متسببة ومنتشرة الفيروسات العجيبة اول مرة نسمع عنها انفلونزى طيور وجنون بقر وخنازير الله يستر باجر تطلع لنا انفلونزى بعارين او خرفان ..... اما بخصوص الخوف من الابراج اعطيك حل خلي الوالد او صديقتك كل يوم تربط عيونك وتوديك يم الابراج وانتي ماتدرين وتبطل عيونك بعد ماينحاشون عنك يالسيارة وتفتك العقدة

Fishah يقول...

GodFather
=========
لااااااااااااااااااااا ان شاء الله ما يخلص هالعرض
مع انها قويه 1000
ترا صج ماندري شنسوي فيهم عقب خخخخخ
والحل اللي قلت عنه حق عقدتي مو شي .. والله اخاااااااااااااااف :(((
مره اختي ودتني اللي بالعديليه صفطنا جدامهم قالت شوووفيهم لوووول
بس ماكو فايده :( لول

The.One يقول...

لوووول والله نفس الحالــه
بس على أخف



قبل لما كنت ياهل
كنت افكر اذا طحت فيهم منو بيطلعني حزتها :d راهيه حدي

Fishah يقول...

The.One
=======
حبيتج .. انتي نفس سوالفي وانا ياهل لوول :*

عبدالرحمن يقول...

انا ماضحكت الا على سالفة انج غرقانه
بأبراج الماي

لووول لأني حلمان نفس الحلم يوم كنت طفل
وتصوري للحين ذاكر هالحلم من كثر ما أثر فيني

Fishah يقول...

عبدالرحمن

اي والله انا بعد اذكر هالحلم مع انه صارله سنيييييييييييييين .. وليلحين متعقده منه وماحب اشوفهم والاا امر يمهم .. رعبببببب

نورتنا بمرورك الاول :)

sh8sh8 يقول...

يعطيج العافية على هالموضوع انا ما كنت ادري عن هالشي يزاج الف خير:)

Fishah يقول...

sh8sh8

الله يعافيج حبوبه .. تسلمين :)

نورتي المكان :>