السبت، يناير 30، 2010

مزاجي اليوم : هندي :>


اليوم قلت لازم اتفرغ واطالع فلم من مجموعة الافلام اللي عندي واللي ليلحين ما شفت شي منها
ومن بين هالافلام هالفلم الهندي
انا من عشاق شاروخان
احبه من زمااااان مادري ليش هههههههههههه
الفلم يركز على شخصيتين يتلاقون صدفه
وبعد سنين يلتقون مره ثانيه صدفه
وتجمعهم صداقه .. لان كل واحد منهم متزوج وله حياته الخاصه
ويساعدون بعض عشان ينقذون زواجهم اللي يعاني من ظروف متشابهه
يحسون بفراغ وشي ناقصهم ..

الفلم يحكي عن وجود الحب حتى لو متأخر
وتوأم الروح موجود بس لازم الواحد يدوره ..
عموووووما .. الفلم عجبني .. من زمان ماشفت افلام هنديه وعشت جووو ههههههههههههه
بس ماوصيكم .. طوفوا الاغاني :Pp

=====================

نصيحه جمالية :

هالGloss وايد حلو وعجبني
يخلي الشفايف توتيه بلون طبيعي
جربوه ترا نايس :>

======================

هاذي منظره على فيل .. حق شاي الضحى
اذا تبينها .. تلقينها في ستي سنتر الشويخ :)
======================
باجــــــــــــــر ان شاءالله
دوام يا جماعة الخيــــــر .. مستعديــــــن لــــــــه ؟ r;

هناك 42 تعليقًا:

ReLaaaX يقول...

القلوس زوين لأن طعمه جنه ديرم --> اللي يقول لاحقه على الديرم :P


وياعيني على المزاج ... تصدقين مرات من الفراغة تلاقيني اجابل افلام هنديه بس اوصل نصه امل ! --> صج عوبه :)

قانونى كويتي يقول...

مسا ءالخير

اشلونج وشخبارج

يعطيج العافية

وخوش بوست منوع وحلو

GodFather يقول...

hi....hi
الافلام الهندية حلوة بس لها طابع قوي انهم يعيشون بالاحلام مو بالخيال مثل الافلام الاجنبيه وانا من عشاق الافلام الاكشن وانا احب الخيال وخصوصا فى الاكشن والايام احاول الايام اشوف الافلام الهندية بعد ماترجمت ياللهجة الكويتية بصرحة عجبتني قصة فلمك يبيله نشوفة وان شاء الله يترجمونه كويتي ........

رورو الشخبوطه يقول...

السلام..

انا صرت كل يمعه اشوف فيلم هندي :)

والقلوس شكله يشوق لونه طبيعي ولا صارخ؟؟

وفيول توني صورت لها جم صوره خخ..

ومشكوره..

BookMark يقول...

من زمان مو شايفة أفلام هندية..
أحس مو نفس قبل .. قصصهم صارت مكررة

شكرا للنصيحة الجمالية ;)

ليش تحبين تضيقين خلقنا بالدوام ;( باجي 15 ساعة خلينا نتهنى شوي P;

غير معرف يقول...

nice mirror & ya we r ready 4 jehad

نمووول يقول...

خوش فلم كابي الفيدا بس ليش تطوفين الاغاني ..

وشنو سالفة جاي الضحى مع الفيله ؟ ..

وتحياتي لمزاجج ..

ms.sms يقول...

فليم هندي ...
ما افكر اشتري ..(:
المنظره حلللوه سوال شلون حق شاي الضحى (: ؟؟؟


دمتي بساعده وتجديد

طموحة مملوحة يقول...

اللب قلوز مال بودي شوب لمن شفته على بالي ماي مع ان لونه حلو بس لمن شفته ماحسيت انه شي بس دام قلتي عنه جذي بروح اشتريه


فديتج والله يالهندية

شاي الضحى يقول...

شكل الفلم حلو تمثيل شاروخ خان حلو :)

والقلوس لونه يونس انا حدي قلوس لووول

يا حلوه فيوووولي :* عندي نفسه شاريته من زمان من سنتر بوينت

انا قاعده انطر الاحد او هلااسبوع نطره لانه اسبوع مصيري بالنسبه لي فمستانسه لان دوام عشان انطر المكالمه المهمه لووول

يعطيج العافيه ومشكوره :*

خاتون يقول...

مقندم غابيا =مساء اخير (فلبيني)
أنا افلا هندية ما اشوف لأها مو من الواقع اللي يشوفونها وايد و بعدين أنا ما أحب أبجي *_^
القلوس >>>يبــــــيله
أنزين ما في بدال الفيل غزال علشان ما أكتأب لوووووووووووووووول
فُتِكْ بعافية حبيبة أَلبي ^_^

Five / Four يقول...

شاروخان شيفه قيفه

مادري شتحبين فيه

بسسسسس هيييييييه لي قالو
نقل فؤادك.........

:/

Her يقول...

waay 7ady abee ashoof aflam hindya.. wedy abche:p

Made n Q8 يقول...

أي هالفيلم حلو اذكر رحتله مع رفيجاتي..

والغلوس شكله ناايس

ولاااااااااااااااااااااااااع مو مستعده للدوام..وي لحظه خل اروح ادور طبيتي ماادري وين حطيتها :s

جبريت يقول...

الحين كل يوم جمعه يحطون افلام هنديه مدبلجه كويتي على ام بي سي 1 حد المسخره لوووووول انصحج فيهم

اما على الدوام لا تذكريني بالدوام وانا فيه :(

Five / Four يقول...

لو سمحتي انا عندي طلب صغنن اوي

مش عاوزين اغنيه ياني
x_x

تخليني انرفز من كثر ما اهيا هدوء الاغنيه

ما ابغيها شيلييييييييييها

Fishah يقول...

ReLaaaX

أهليـــــــــــــن حيالله العوووبه :))

هههههههههههههههه يالعياره ماله طعم لا تروجين اشاعات :)

انا مره رحت سينما ويتني هالحاله .. طلعت من نص الفلم مليت من الاغاني والرقص :>

مشكوره على المرور الحلو يا حلوه :*

Fishah يقول...

قانونى كويتي

أهــــــــــــلا أهــــــــــــــــلا

مساءالنور والسرور .. الحمدالله بخير :)

تشكرات الله يعافيك :)

يسلمووو على المرور .. حياك الله اخوي :)

Fishah يقول...

GodFather

أهليـــــــــــــــــــن

اي يخلونا نعيش جو انهم مرتبين وشحلو بيوتهم وقصورهم وعيشتهم .. وقصصهم اتينن .. :>

لااااااااااااااااا ماعجبتني فكرة الدبلجه الكويتيه .. الاصوات مو لايقه علي الويوه .. ليلحين ما تقبلتها :<

انا اقول شوفه قبل لا يخربونه :)

Fishah يقول...

رورو الشخبوطه

أهليــــــــــن

اي انا بطلب كل افلام شاروخان .. يتني الهبه .. بهب افلام هنديه :>

القلوس حلو مافيه لمعه كلش .. بس حطيه بدون شي يعطي لون طبيعي ويطول :)

من يابت طاري الفيله قمت اشوف وايد فيله بطلعاتي هههههه احس قمت انتبه لهم اكثر :>

حياج الله :>

Fishah يقول...

BookMark

أهليــــــــــــــــــــن

اممممممممم اي بس هذا من القصص القديمه .. وقت افلامهم الحلوه قبل لا يمصخونها :)

عفوا اخيتي :>

ههههههههههه وييي عاد انتي توج المفروض ما تحوشج الحاله نفسي .. الصراحه مليت .. يبيلي اجازه :<

على حسبتج .. الحين باقيلي 7 ساعات على الدوام :(((

Fishah يقول...

غير معرف

أهليــــــــــــــن

اي المنظره شكلها نايس :>

اي والله جهااااد :<

اهي اهي :<

Fishah يقول...

نمووول

أهــــــــــــلا أهـــــــــــــــلا

اي عجبني .. في اغاني مو حلوه ومزعجه وايد :<

شاي الضحى الله يسلمك تيمع الفيله .. كل شي على فيل تاخذه :>

تحياتي لك ولمرورك :)

Fishah يقول...

ms.sms

أهليــــــــــــــــــــن

صدقيني تعيشين جو :)

اممممممممممم زميلتنا جاي الضحى تيمع الفيله .. الحين من اروح مكان واشوف فيل على طول تطري علي واصوره لها هههههههه

مشكوره على المرور حبيبتي .. حياج الله :*

Fishah يقول...

طموحة مملوحة

أهــــــــــــلا وسهــــــــــــلا

اي لونه طبيعي .. ولو اني اشك انه مخلوط بصبغة دم الغزال لوول بس والله لونه نايس :>

هههههههههههههه يسلموووو حبي :*

اجتماعي يقول...

حسبالي تقصدين مطعم هندي ..
طلع فلم هندي : )

أحسها الأفلام الوحيدة اللي تستاهل ندشها بالسينما ..

على الأقل نحلل الـ 3 دنانير : d

===

باجي البوست ما يخصني : )

SHAHAD يقول...

عجيييب هالفلم
واغانييه روعة : ))
لوووول

مي تو من معجبين شاروخ .. يونّس

Fishah يقول...

شاي الضحى

اي انا استانس على تمثيله :>

اتصدقين حتى انا حدي قلوس وكحل لووول

علبركه يه يه يه خوش بشاره .. موفقه مقدما :*

Fishah يقول...

خاتون

بالعكس يعيشونج جو ;)

اي جربيه وقوليلي :>

لا ما قمت الاحظ الا الفيله لوووول
حرااام عليج ما اييب الاكتئاب ههههههه

الله يعافيج حبوبه تسلمين :>

سمو الأميرهـ ..ツ يقول...

حلوة الأفلام الهندية ؟؟؟

أدري لو ربيعتي قرت التعليق بتذبحني
لانها مدمنة
أما أنا لو طالعت فلم هندي أقعد أضحك
ليش ما أعرف ..!!

والقلووس شكله حلوو ..

وو

مشكووره ع البووست :)

تحيااتي :)

نبضُ الأدب يقول...

دوام .. !

اييييييه يا زين البَيات الشتوي اللي إحنا فيه D=

بقى أسبوع و تخلص العطلة ="(

بحللها ..

موفقة يا سَـمَـكة pP;

Fishah يقول...

Five / Four

اتصدقين ادري انه جكووووري شويه :/

بس احبه :P

خخخخخخ

Fishah يقول...

Her

أهــــــــــــــلا أهـــــــــلا :>

ههههههههههههه لا هالمره ما يبجي شوفيه :P

تشكرات على المرور .. حياج الله :)

Fishah يقول...

Made n Q8

اي حلوو .. اذا عندج بعد افلام نايس سويلي دعايه .. مزاجي هندي هالجم يوم :>

هااااا بشري لقيتي طبيتج؟ :)

Fishah يقول...

جبريت

لا ماحبيت الدبلجه .. احسها تفشل + تضحك :<

الله يعينك .. مادري متى نتقاعد ونفتك :<

Fishah يقول...

Five / Four

مابـــــــــــــي :<

تعطيني أمل في الحياه لما اسمعها :P

لووول

Fishah يقول...

اجتماعي

الحين انت اللي يبت طاري الاكل الهندي تشوقت على الجكن بتر وعيش ابيض :< يووعانه :<

من زمااان مارحت سينما .. كل افلامي دي في دي :(

خلاص المره اليايه بسويلكم نصيحه جماليه للرجال :>

Fishah يقول...

SHAHAD

اي حلوو .. بس الاغاني كله اطوفها بسرعه امل من رقصهم :/

بس فلم ثاني كنت احب اغانيه .. محبتين جنه .. اينن :>

شاروخان نظراته ساحره لووول

Fishah يقول...

سمو الأميرهـ ..ツ

أهـــــــــــــــــلا أهــــــــلا

حبيتها رفيجتج :> هههههههه

شووفيه ماراح تضحكين .. قصته حلوه مو نفس الافلام الثانيه كلها طق وملاحق عصابات بالسيارات :)

مرورج الاحلى .. حياج الله :)

Fishah يقول...

نبضُ الأدب

أهـــــــــــــــــــلا أهــــــــلا

:)

افتقدت هالبيات الشتوي :<

تحريني ها :<

ايييييه الله كريــــــم .. :P

تشكرات على المرور .. حياج الله :)

Bo6abesh يقول...

nice post

Fishah يقول...

Bo6abesh

أهليــــــــــــــــن

thanx :>

حياك الله اخوي