الاثنين، يناير 18، 2010

بالدوااااام

كل شي منعوه بالدوام عندنا :(
ممنوع اللاب توب
ممنوع التجمعات
ممنوع أي نشاط وابداعات فنية لول
ومن القهر قمت اقرا هالرواية ! شسوي :(

Sent from my BlackBerry® smartphone from Wataniya Telecom

هناك 40 تعليقًا:

Nasser99 يقول...

مساء الخير احسن عشان تنجزون في العمل :)
بس ما الومك لأن ساعات لما يخلص الشغل يصير الوضع ملل بس البركه في الموبايل هالأيام تقدرين تشبكين منه .

تحياتي للجميع

Q8-HANDICAP يقول...

عندنا وعندج خير

حته احنا وخصوصا انا اسم IT ممنوع الفيس بوك ممنوع مسنجر وممنوع اليوتيوب والحين بعد بيسون سيرج على بعض البرامج والله يعين وممنوع نييب لابتوباتنه

بس طحنا على موقوع في مسنجر وان شالله مايدرون عنه

لوووووووووووووووووول

وان شالله يغضون البصر عن لبلوقر

Tekana يقول...

ليش فارضين عليكم الاحكام العسكريه ، بس اسم الروايه راكب مع الوضع :)

GodFather يقول...

hi.....hi
fishah
صاير عندكم انقلاب في الدوام شنو ممنوع اللاب توب وممنوع التجمعات ذكرتيني بمسرحية سيف العرب ومخرووش طاح بكرووش طارق العلي يقول
(مانريد تجمعات) حزب البعث حكم عندكم الله ييعنكم شكلي حتى انا متضايق من الدوام بروح اتقاعد قبل لايصير لي مثلكم واشترك في نادي صحى واعتبره اهو الدوام وارجع البيت احسن لي خخخخخخخخخخخ

رورو الشخبوطه يقول...

بيه ليش جذي؟؟

نمووول يقول...

باجر بيقولون لكم
ممنوع القراءة
الله يعينج

Made n Q8 يقول...

الله يصبركم انا آخذ معاي اللاب توب والوقت يالله يمشي استغفر الله

الجـــوري..كـــلام الصمــــت يقول...

هااي فششه واااي جان زيين تباادليين اناا راضيه يمنعوون عني كل شي بس ما ادرس اليـــــــــــهال :(


بعديين البلاك بيري يكفي ويووفي :P

<<سألي مجرب

اجتماعي يقول...

بما إن يفصلني عن التخرج أسبوع إن شاء الله ..

فأتمنى تبلغيني عن مكان دوامج عشان ما أقدم عندكم ..

لا مديرج نفس الناس ..
ولا قراراتهم سنعة ..

الله يعينج عليهم : )

شاي الضحى يقول...

واكيد بعد حظر تجول

اي والله مثل ما قال اجتماعي وين دوامج عشان ما نشتغل فيه ونتوهق :q


صج كويتيين كساله ههههههههههه


اشتغلووووووووووووووا :q

Fishah يقول...

Nasser99

أهليـــــــــــــــــــــــن

ههههههههههههه عاد والله نشتغل ومومقصرين .. اصلا قسمنا بس اهوا اللي يدوام بالاداره :P

اي توني استكشف هالشي :>

مشكور على المرور .. حياك الله :)

Fishah يقول...

Q8-HANDICAP

أهليـــــــــــــــــــــــــن

مادري ليش كل شي ممنوع :<
انزين شنسوي اذا خلصنا شغلنا :<
ملل .. شيصبرني ليما التقاعد اللي عقب قرن ؟ :P

اي خل يطيحون علي البلوقز صدقيني يمنعونه ههههههههههههه

الله يعينااااا :)

غير معرف يقول...

حنا نفسكم بالضبط انا لدرجه قمت اقرا قران حتى قرائه القران شايشين علييي يقولولي اقري بالبيت يبونج اله بس تشتغلين!!! يوم كلمتني عن القران قتلها على الاقل اقعد اقرا قران ولا اقعد احشش!!! الله يفكنا من هالمراقبه ادعوووولي عفيه!!!

BookMark يقول...

وي شفيهم فجأة :/ طايحين على منو

ههه اهم شي ممنوع اي ابداعات فنية

يالله شتسوين صبري يمكن هبة ويطخون

5/4 يقول...

تحبيني؟

لووووووووووووول أكيد عرفتي انا منو الحين

شوفي ترا غيرت عنوان المدونة لأنه طويل على الفاضي وماله معنى (بالنسبة لي أنا طبعا) و و و.....

Talk to the hand ;)

سلة ميوّه يقول...

شنو هالدوام الي كلشي ممنوع فيه!!!!!


والي يعافيج لايمنعون نعكم القراءة بعد!!!



لا لا انا احتج!!!
لازم اتسوون انقلاب على مديركم....



انقهرت !
يالله انشالله الله يصبرج
وتلقين شي اتلهين فيه ...:)

mazyona يقول...

هلا
بس ما قلتي لنا الرواية حلوه ولا
الله يعينج على الدوام اللي كله قاموسهم ممنوع
تسلمين

اقصوصه يقول...

لو هاي الطريقه الوحيده

لاجبارنا على القراءه

فجزاهم الله خير :)

malak يقول...

امبييييي ليش ممنوع :S


بس يالله الكتاب يضيع وقت بعد

Fishah يقول...

Tekana

أهليـــــــــــــــــــــــن

هههههههههههههههه اي جذبني اسمها تماشيا مع الوضع والنفسيه :)

اي احس اني في غوانتاناموو لوول

مشكوره على المرور الحلوو .. حياج الله :>

Fishah يقول...

GodFather

أهليــــــــــــــــن

اي الدوام صار يضيق الخلق .. الله كريييييييييييم :<

اي يبا اشترك في نادي .. (تقهرني) بالتقاعد هاااا .. باقيلي قرن ان شاءالله لووول

حياك الله :>

Fishah يقول...

رورو الشخبوطه

أهليـــــــــــــن

قراده يا اخيتي :< .. محسودين لوول

الله كريم ..

Fishah يقول...

نمووول

جانزين يقولون ممنوع الدوام لووول

احلام اليقظه خخخخخخ

Fishah يقول...

Made n Q8

مدمد انا قررت انقل عندكم :<

Fishah يقول...

الجـــوري..كـــلام الصمــــت

أهليــــــــــــــــــــــن

الله يعينج .. انتي الظاهر نفسي .. امل لما اعيد السالفه والكلام اكثر من مره .. امل من الشرح لووول

الله يعينج حبيبتي :*

اي والله صاجه .. قاعده استكشف كل ساعه شغله يديده ههههههههه

حياج الله :>

Fishah يقول...

اجتماعي

لو اقولك شنو اخر تطورات مديرنا .. جان اتحوشك حاله انه ودك اتيي تزنطه عشان اخيتك ( انا ) وتفلعه جم فلعه وترد البيت :)

الله كريم ..

موفق اخوي سعد :)

Fishah يقول...

شاي الضحى

ان شاءالله ياااااارب يقبلونج بقسم يمي عشان تعانين نفسي لوووول

والله مو كسالى .. نشتغل شحليلنا ونداوم وملتزمين اكثر من غيرنا .. ومع هذا مظلومين :<

Fishah يقول...

غير معرف

أهليــــــــــــــــــــــن

الله يعينج حبيبتي .. مادري ليش عبالهم لا صاروا يتبعون هالسياسه التعبانه بيكون احسن لمصلحة العمل .. مايدرون انه يطفش الواحد ويشجعه على الغياااااب :<

ماعليج منها .. بعد شنو احسن من قراءة القرآن .. الحمدالله والشكر .. عقله ناااقص

عصبت انا ترا :<

الله يفكج منها .. ويفكني منهم ان شاءالله يا رب :)

Fishah يقول...

BookMark

الله يسمع منج .. ويتساهلون شويه معانا :<

ماااادري شفيهم يتهم هالعره الفجااائيه .. اهوا يقولون كله من واحد بيعاقبونه .. قاموا منعوا عن كل الاداره .. الظاهر عشان نحقد عليه لووول

Fishah يقول...

5/4

ههههههههههههههههههههه اي اكيد عرفتج .. هالكلمه صارت تريييد مارك :>

توك تو ذا هاااند لووول .. ترا حبيت شكل هالرمز منج .. حده كيوت :>

Fishah يقول...

سلة ميوّه

اي والله صاير المكان حده ملل :<

اخلص شغلي مبجر وبعدين يضيق خلقي :<

اي بسوي انقلاب افااا عليج لووول شكلي بفجره هالكوووب لوول

بعد عمري الله يبعد عنج القهر .. خلاص بهديج روايتي ههههه :**

الله كريم يا اخيتي ..

أحمد الحيدر يقول...

عاد ننطر رايج فيها ..

وبسكم بهنسة اشتغلو شوي :P

ابتسم ^_^ يقول...

مساء الخيرات
ايش هالعسارة كل شيء ممنوع بس الحمد لله الكتاب يكفي ويوفي
شدي حيلك بالقراية وخصصي مصروف للكتب من الحين شكل الوضع مطول :)
بالتوفيق ^_^

قانونى كويتي يقول...

مساء الخير

مشكلة الادارات الخسرانة الغير منتجة

انها تطلع حرتها بالعاملين اللى فيها

بس انصحج بانج ما تسكتين ضد اى ظلم يصير عليج

وتحياتى لج

Fishah يقول...

اقصوصه

أهليـــــن

والله يا اقصوصه هم بعض المرات الواحد يمل من القرايه :<

اتحسين ما يعجبنا العجب :)

Fishah يقول...

malak

ابشرج منعوا الاستئذان بعد لووول

ادارتنا حاشتها عين الظاهر :<

لاحول ولا قوة الا بالله ..

حياج الله اخيتي :)

Fishah يقول...

أحمد الحيدر

شفيكم علينا :<

عاد تدري .. والله العظيم ان احنا قسمنا اكثر قسم ملتزم بالدوام والشغل !
بس الظاهر هذا عقاب لنا على التزامنا :<

Fishah يقول...

ابتسم ^_^

أهلين .. مساء العسل :>

الله كريم .. اي شكلي جذي بنوع .. مره اشتري ومره ابوق من اختي هههههههه

عاد ان شاءالله كل ما اخلص شي اكتب عنه باختصار واسوي ريفيو :>

Fishah يقول...

قانونى كويتي

أهليــــــــــــــــــــن

اممممممممممممممم ماراح ادافع عن ادارتي لاني كرهتها ..

من ناحيه المعامله فعلا .. جنه عقاب .. نداوم في معسكر .. خصوصا ان قام يمر علينا المسئول فجأه ويسأل فلانه وينها اذا ما لقاها على المكتب .. شدعوا !

وابشرك .. اليوم منعوا الاستئذان .. مع ان قانون الخدمه المدنيه يقول ان من حق الموظف 3 بالشهر .. احنا لأ :<

مشكور اخوي على المرور .. حياك الله :)

Fishah يقول...

mazyona

أهليـــــــــــــــــــن

ان شاءالله راح اكتب عنها ريفيو :>

اي والله .. عاد تدرين حايشتني الحاله ان ودي انقل وزاره ثانيه لوول

الله كريم .. الله يهدييييييهم ياااارب :)

مشكوره على المرور الحلو يا حلوه .. حياج الله :>