الخميس، أكتوبر 29، 2009

منوعات ويك انديه (3)

قبل جم يوم يبت حق الدوام هالكيكه
تذكرونها؟
:)
ادري حدها غبار .. بس حلوه .. كانت حبي من كنت ياهل
حتى البنات ذبحوني بكلمة "شخباااااااااااااااااااااااااااااااااري فشه .. من وين يايبتها" :P



================================
طبعا بدون لا اسأل " من هازا يا هازا"
تعرفونه :)
بس كان خاطري اقول صيغة السؤال :P


=================================
مره من المرات لاحظت سياره مجكنمة متروسه عمال
السايق معلق بالمنظرة "نجمة شوارفسكي" (احس طيح حظ النجمة) :P
ياللي تدورون هالنجمة .. بس خلاص لاتدورونها :P
==============================
يايتني حاله هالايام
وانا بالسياره
اضغط على ضروسي حيل
وما الاحظ هالشي
الا لما اوصل حق الوجهه اللي ابيها
استوعب عقبها .. واحس اني فكي يعورني :(
شالحل ؟ ؟
==========================
يوم السبت حطوا فلم غيشا
تذكرت رورو
اتصدقون اني حبيت الروايه اكثر
فيها تفاصيل واحداث وحتى شخصيات اكثر
بالفلم وايد مغيرين اشياء
مادري ليش يغيرون .. احس يخربون القصه ويبيخونها :(
==========================
آخر بدليه من بدلياتي
كتبت كتاب رسمي ودزيته حق المراقب
دق علي وسألني
فشه شنو يعني ( الفون الفا ) ؟
لوووووول
قلت امبيه كنت اقصد ( اربعون الفا )
حسيت نفسي ياهل :P
===========================
بناءا على طلب اخوي GodFather
رسمت لكم مديري .. مو تضحكون
:)






===============================
اتمنــى لكــــــــــــــــــــــــــــــــــم ويــك انـــــــــــــد سعيــــــــــــــــــد
:)

هناك 66 تعليقًا:

مـي يقول...

أحلى ويك اند مع بوست خفيف دم

أما الرسمة >>> لا تعليق

مساء المطر عزيزتي

^_^

Fantaseyah يقول...

هلوو

الصراحة الكيكة استمتعنا فيها مع الحليبة يميييييي يميييييي

اهم شي الغتره الحمره لووول يفشل

ههههههههههههههه اي شي من وين لاقيها هالنجمة عااد الاوادم يدورونها دوارة


قتلج فشوووش على سالفة التعصص على فكج .. اكلي علج حطي حرتج فيه



اخيرا شفتيييه؟؟؟
بس الكتاب وايد احلى من الفيلم ..

حبيت البدليه واااايد شكلج كيوت لما تقولينها لوول


اهم شي مديرووو والله يايبته رااايت لووول ببوق الصورة بحطها باك راوند على كمبيوتر المكتب


ثاانكيوو :*

bent el deera يقول...

خوش منوعات

امبيه بدعتي بصوره المدير ههههههه

و الكيك تصدقين عمري ما ذقته وكل ماقول حق وحده هالمعلومه تستغرب :/


اتمنى لج اجازه نهايه اسبوع ممتعه :>

رورو الشخبوطه يقول...

السلام ..

-بالعافيه الكيكه يارب.

اختي تحبها بعد ..

-خخ خطير بالخير للحين بالاحمر ذكرني بسلوى المطيري ..

-اهي النجمه مو حلوه مادري ليش يحطونها !!

- تكونين متوتره @@ حاولين تعليجين او تحطين شي بحلجج مانع لهالحركة ماكو الا الاكل ..

- حسافه عاد كان ودي اشوف عاد ياريت احصله ديفيدي..

-خخ احنا الرئيسه تجيك وتخلينا نصلحه ولما نصلحه تزيد كلمات وتغير وتبدل وانا دموعي اربع اربع خخخ..

- الرسمه خطيره مادري ليش كل مدير مكعبر :\

اجمعين يارب ..

مشكوره..

mybooksandme يقول...

الرسمة قتلتني

خاتون يقول...

من وين الكيكة و شسمها؟ أنا شكلي ما لحقت عليها ...خل نجرب *_^
الضغط على الضروس حله سهل ...أخذي علج و إا حلي المشاكل التوترية اللي تعانين منها يمكن في شي مضايجج ...ألف سلامة عليكِ
أهم شي الكرش و المخبة ^_^ نياهاهاها
صج شخبارج شعلومج ليش طولتي الغيبات
مرة ثانية مو تباعدين...يسلمو على البوست المفرفح ...أستلافيستا^_^

اجتماعي يقول...

عليج بالعافية ..
تعيشين وتييبين كيك أكثر : )

=====

مابي أتكلم عن هالانسان ..

=====

طالعي طريجج وما عليج من الناس ..
لا تدعمين نفسي اليوم :d

=====

حطي اسفنجة وعضيها براحتج : )

=====

الافلام يغيرون ..
لزوم الأكشن والاختصار ..

أعتقد جذي ..

=====

ألفون ألفا شكر لج على هالبوست الخفيف : )

=====

يعطيج العافية آنسة فشة

سمو الأميرهـ ..ツ يقول...

يحليله ،،انزين ما نخافين نخبر عليج :d

لوول :)


البووست
سوو ناايس


تقبلي مروري
ودمت بود =)

Fishah يقول...

مي

أهلا أهلا

:)

ونسني وجودج .. حياج الله :)

Fishah يقول...

Fantaseyah

عليكم بالعافيه :>

الغتره والكحله ;)

اتوقع شاريها من بو 100 فلس :P

بحااااااول .. حلاته اعضهم اثنينهم لول

امبيه بدليتي تفشل .. ليتني انا اللي جاكتها :<

اتهقين اذا حطيتيها وشافها .. بيعرف انه اهوا؟ ههههههههههههههههههه

اهنن اهنن :*

Fishah يقول...

bent el deera

أهليــــــــــــــــــن :>

ترا يشبهه والله مابالغت في شي هههههههههههههه

ترا لذيذه والله .. ذوقيها على مسئوليتي

يو توو عزيزتي :**

Fishah يقول...

رورو الشخبوطه

الله يعافيج .. اي لذيذه (شكلي بروح اشتريها الحين) :)

انا عجبني الكحل لوووول

مادري شلون يستحملون شي معلقينه بالمنظره .. احسها تدوخ .. جنه احد بينومج مغناطيسيا :r

اي الظاهر فيني اعصاب مكبوته .. بحاول اتعلج وبشووف :)

حدهم مخربين القصه .. ماحبيته :<

لانهم يحبون البلعه ههههههههههههه

حياج الله خيتووو :*

Fishah يقول...

خاتون

اول كنت اتعنى لها في الفحيحيل مخبز الصباح
الحين لقيتها في جمعيتنا .. لقيت كل شي مقطوع في جمعيتنا لوووول
بس ترا لذيذه والله :)

الله يسلمج حبوبه .. اي وايد اشياء شاغلتني :<

ههههههههههههههههه اهم شي انه الريول متعلقه فوق :P

بعد عمري يسلموو على المرور الحلووو :***

Fishah يقول...

mybooksandme

لوووووووووووول

تذكرين يوم مريتيني الدوام ؟ :Pp

Fishah يقول...

اجتماعي

الله يعافيك تشكرات :)

شسوي جدامي بالزحمه يلفتون نظري اقعد الاحظ كل شي :>
ويييييي @@ خطاك السوووو

موخوش حل .. بعدين ينشف ريجي :P

الفون الفا حياك الله اخوي سعد :))

Fishah يقول...

سمو الاميره

لا انا واثقه فيكم هههههههههههه

:)


مرورج وطلتج اهيا النايس .. حياج الله

:)

Hope يقول...

يحليله مديركم ... مدور
p=
تصدقين عاد هالكيكه ماعرفها
يمكن اهيا اكبر مني لووول
احس شكلها مو كيكة
جنها اسفنجه مالت المواعين

*Being One يقول...

تصدقين م عرف هلكيكه !
عاااد ذاك اليوم شفت فلم و تذكرت رور قتل هذي مو القصه اللي كتبت عنها رورو بس ما شفته لانه لحقت على اخره حسااافه ,
مديييرج زقرررت شكله شكل مدير لووووول
hapy weekend :D

reemas يقول...

هههههه رسمة المدير عجيييبه

انا اعاني من موضوع قراده القصص قبل الافلام
فعلا الفيلم يطلع سخيف و مو حلو عقب ما الواحد يقرا القصه
القصه فيها تفاصيل اكثر و الشخصيات اعمق

تحياتي

حَافِـيَةُ الَقَدمَيّـنْ ولِبَاسِي المَطـرْ يقول...

مديييييرج !
فلته p;
الله يعيينج عليه p;

princess adadi يقول...

الكيكة ماعرفها >> لهالدرجة قديمة الي ما لحقت عليها !!

لوووووووول شخباري هذا من وين طلع

اهم شي حتى الهندي قام يحط شوارفسكي :/

لووول ذكرتيني بعمتي لما تعصب تضغط على ضروسها مادري ليش

انا ما احب اذا رواية قاريتها اشوفها فلم لاني اكون متخيلة شي ويطلع شي ثاني احسهم خربوا علي خيالاتي .. دايما اكتاب يكون احلى

لوووووول بدليتج عجيبة

حرام عليج شمسوية بمديرج المسكين
احس انه خوش واحد

يعطيج العافية ^^

jasem يقول...

السلام عليكم
:)
أول زيارة لي
وماكان ودي أول تعليق يكون عن :-
ألفون ألفا
لووول
بس ترى حدها قوية
احنا ترى لازلنا مع ربعنا انتداول بدليات عمرها فوق عشرين سنة
من كثر ماهي بدليات ابداعية
وألفونَ هذي ترى لو كانت بدلية واحد من ربعنا تدرين اشكثر ممكن تعيش؟
يمكن..أممم
ألفون سنة
:)
بس ارجو اتسامحيني
احنا عندنا مبدأ انه البدليات لازم انعلق عليها خاصة انه هذي بدلية رسمية ..
.. بس الشي الثاني القوي
اهو صورة المدير
لانه اختي الصغيره يرسمون مديرهم
وكله اتوريني اصوره الكاريكاتيريه
وأهو نسخه طبق الاصل من مديركم
فلايكون إسمه
بوعبدالرحمن !
على أي حال
إموفقه ان شاء الله
مدونه ممتعه
:)

ChuBBy-Doll يقول...

اشهالمدير السكبه ههههههههههه

Enter-Q8 يقول...

بيضة مو مدير
شنو انتي تداومين بالدواجن المتحده

green house يقول...

انا الكيكه كلش ما اذكرها :Pp

بس عماتي كلهم يحبونها يشترونها من المباركيه :)

الله يعينج على مديركم ومثل ماقلتي ماكو غير الصبر :)

Fishah يقول...

Hope

اي بدون مبالغه ترا بالصج جذي r;

اممممممممم شفيكم بيبل ! هالكيكه ليلحين موجوده حتى لو قديمه :<

ذوقيها راح اتحسين بالطعم القديم هههههههههههه

نفس الكلمه لما طلعتها حق البنات .. من بعيد جنها اسفنج المواعين لووول

شاكره لج هالطله الحلوه .. حياج الله :)

Fishah يقول...

Being One*

أهليــــــــــــن

اي رزه بالكرسي هاا ههههههههههههه

يو تووو حبيبتي :*

حياج الله :*

Fishah يقول...

reemas

ترا اعرف ارسم ههههههههههه :P

انا حسيت في هالشي .. تعلقت بالاحداث ولما شفت الفلم انصدمت :<

يسلمووو على المرور .. حياك الله :)

Fishah يقول...

حافية القدمين

انتي متخيله البوست اللي قبل هذا كان عنه :P
كل هالسوالف تطلع من هالفلته خخخخخخخخخخ

فرحني مرورج .. حياج الله :*

{~المباركية~} يقول...

الي محلي هالويك اند بوستج الخفيف

لوول هالكيكه ماتذكرتها

غتررته عذاااب

احسن شي يعلقون سي دي ;P

لما كتبتي الكتاب
جان كتبتي اخر شي اختكم المدونه : فشه
لوول

دمعة المقهور يقول...

صباح الخير فشة

:)

لاتفكرين بشي او تتوترين علشان ما تعورين فكج

:)

الكيكة عجيبة انا بعد احبه وخاصة مع الحليب

:)

صورة المدير حدها عجيبة بس يمكن مبالغة شوي او فيج حرة عليه

:)

سلة ميوّه يقول...

تدرين؟؟؟

هذي من احلى الكيك ..

أحب هالكيكه وايد وايد

تذكرني بإنسان غالي وعزيز على قلبي

إنسان كان يعني لي الدنيا كلها
الله يرحمه..


ومياويكند الجمال والبوستات الحلوه


مساءج رهش

Fishah يقول...

princess adadi

اي توج صغيره :)

اشوه حالتي في ناس يعانون منها .. انزين عمتج شنو سوت ؟ مالقت حل؟ :)

اي والله صاجه .. كنت متخيله كل نتفه بالروايه .. واخرتها خسبقوها بالفلم

هههههههههههههه بدليتي تضحك :>

اممممممممممممم اريج لا تمدحين الريال ترا بعدين اكرهج هههههههههههههههههههه

اسعدني مرورج يالغاليه .. حياج الله

:)

Fishah يقول...

jasem

أهليـــــــــــــــن

امممممممممم عيل انا بنضم حق ناديكم .. بتحفكم من البدليات الغريبه اللي عندي :>

لا مو بوعبدالرحمن .. ولو ان الاسم نفس الوزن .. الظاهر حتى اختك الصغيره "قلبها متروسه" احنا مانرسم هالابداعات الا واحنا شايلين على الواحد :)

اجمعين ان شاءالله

فرحتني زيارتك الاولى .. اتمنى ماتكون الاخيره .. والا ترا برسمك دير بالك :P

:)

Fishah يقول...

ChuBBy-Doll

شفتيه؟ .. ترا مو هين :P

هههههههههههههه

حياج الله خيتوو :>

Fishah يقول...

Enter-Q8

ههههههههههههههههههه

صاج شكله بيضه مفيوحه :P

شسوي بعد اهوا شكله جذي :<

حياك الله بو وليد

:)

Fishah يقول...

green house

روحي بوقي لج قطعه منهم وذوقيها :)

بنصبر لما الله يفرجها :< الله كرييييييييييييييييييييييييييم :<

اسعدني مرورج حبوبه .. حياج الله

:)

BookMark يقول...

اتصدقين مااعرف هالكيكة شكلي بس لحقت على كيكة السفينة D;
***
وي حسافة على نجمة شورافسكي والله صارلي فترة ادورها كله مخلصة ! :(
الظاهر هالعامل لحق على أخر حبة
***
حاولي تسوين حركة ثانية تشغلج عن ضغطة الضروس امممم مسكي مسباح بيدج مثلا
وقعدي سَبحي عاد لين توصلين P;
***
يبيلي اشوف الفلم دام يازلج
***
هههه وعليه مديركم ليش كرشه هالكبر


ثانكس عالبوست الخفيف عالقلب .. وويك اند سعيد

ميمة السبيت يقول...

** الفون ألفا ؟؟؟؟؟؟

- الله يهداج ما تترقع كلش .

- و اشكال مديرج وايد بس حقري و خلج رسمية معاه عشان يحترم نفسه

اما بالنسبة للكيكة اممممممم بالعافية

اقصوصه يقول...

ههههههه

ذكرتيني بالكيكه

والله ايام

الحين عبد الله بالخير بذمتج يعني

من حلاة صورته حاطتنها

لووووووووول

امي كان عندها سالفه الاسنان هاي

بس وهي راقده

ما كانت تحس بعمرها

ويوم بدت تشتكي من اسنانها وتعالج

قالتلها الدكتوره

ان من كثر ما هي تسوي جيه

تسببت بتهشم وتشوه الاسنان!

حلوه وايد الرسمه

بس اخ لو مديرج يشوفها

ههههههههههههههه

Fishah يقول...

{~المباركية~}

أهليـــــــــــــــــــــــــن

شكرا شكرا .. مرورك الاحلى :)

عاد هالكيكه ما جيكت عليها اذا موجوده في جمعيتكم .. لازم تذوقها :)

واي لا السي دي تضرب فيه الشمس وتعكس .. مو شي :<

لوووووول لا مابي خلني مخشوشه انا وبدلياتي :>

حياك الله :)

Fishah يقول...

دمعة المقهور

أهــــــــــلا أهـــــــــــــلا

:)

شسوي واااايد افكار للاسف تحوشني + الزحمه والناس اللي مايعرفون يسوقون :<

اي عجيبه مع الحليب .. خلاص انتي معزومه عندنا بالدوام ههههههههههه

هههههههههههه يمكن صح عشان فيني حره .. بس لو تشوفينه بتقولين والله فشه ما بالغت بالضبط نفس الرسمه :P

اسعدني مرورج حبوبه .. حياج الله :)

Fishah يقول...

سلة ميوه

هــــــــــــلا بهالطله :)

الله يرحمه ويغفرله ..

بعد عمري تسلمين على المرور الحلو :)

مسائج كيك مسمسم :)

Fishah يقول...

BookMark

أهلــيـــــــــــــــــن

:)

ايهي السفينة؟ انا كنت اسمي قرص العقيلي جذي :)

ههههههههههههههههههه اي الظاهر جذي :)

مع اعصابي المكبوته آخر شي تلقين المسباح مقطوع ههههههههههههه

يحب الاكل ماشاءالله عليه .. شوفيه حزة ريوقنا شلون يحوس يمنا :P

يا حلو مرورج .. حياج الله :)

Fishah يقول...

ميمة السبيت

أهلا أهلا أهلا :)

اهيا تترقع لو ان المراقب مو جاكها :P (قويه ها)

ههههههههههههههه

الله كريم .. اي بحقره وبشووف .. بس اذا قريتوا بالجريده خبر مدير مفلوووع ترا انا اللي فالعته خخخخخخخخخ

الله يعافيج .. احس مو عاجبتج الكيكه ههههههههه

حياج الله حبيبتي :*

Fishah يقول...

اقصوصه

زييييييييييييين لقينا احد ذاكرها .. شككوني في روحي :<

:**

شسوي صورته وصدفه غطى ويهه هههههههه

امبيه خرعتيني ! لااااااااااااازم اتووووب عن هالحركه عيل :((

ههههههههههههههههه زميلتي تقول بتحطها في كمبيوتر الدوام عشان يطيح عليها :)

اسعدني مرورج يا حلوه .. حياج الله :))

عبـدالله يقول...

حلو هالمنوعات .. تقبلي تقديري ..

lOsT يقول...

أهم شي الكيكه ورسمه المدير لول p;

الكيكه كنا ناكلها ونحن صغار .. وعقب يوم اكتشفنا النوتيلا قمنا نحطه فوقه ! يا حلو ايام اول والذكريات !

يعطيج العافيه ^_||

Jako يقول...

اموت على هالكيك....ودوم عندنا ما ينقطع من بيتنا :)

ابتسم ^_^ يقول...

السلام عليكم
كل شيء قديم له طعم ثاني

على طاري عظ الضروس
اذكر جتني فترة كذا بس الحمد لله الحين راحت
يمكن تسوقين وانتي متوترة


والمدير ههههههههههه
الرسمة متعوب عليها خاصة العقال
شيء ثاني :)

الله يوفقك ^_^

GodFather يقول...

hi.....hi
fishah
تاخرت وايد على الرد ذبحنا الشاب اللطيف ولدي معلقنا كله مسوي داون لود قلته ليش النت بطئ يضيق الخلق حلات ويهة قاعد ينزل الافلام الجديدة ام خمس ساعات قلته عطنا فرصة لااسحب الفيش بيني وبينك مار ح انفذ التهديد لان الاشتراك على حسابه من معاشه خخخخخخخخ بس لازم اصير حمش شوية ...
المهم بقيت ارد من الاوائل بس
بس ماعلينا .....
حدها كيكة قديمة يمكن تطورت وتغير طعمها تصديقين من عمري ماكلتهااشوفها في المطعم الهندي اوعند حلويات الوطن يمكن مرة كلت منها قطعة صغيرة بس ماادري احس انها يبليها كلاس شاي مال صعايدة علشان تنهضم
عليك بالعافية مدام انتي تحبينها
( بجاملك شوية)احنا نحبها بس مع الحليبة الطيبة من الصبح
بالشاي السيلاني الفاخر ..
*************
اما واحد اقشر بايعها شماغ حمر واعيون مكحله شيبي يوصل هالمزيون تذكرين البوست مال الحديقة العامه وفيها الطيور يبلية يوقف في الحديقة مع الطيور ويسوي نفس حركته فى وحدة من اغانيه رافع ريل ومنزل ريل ماسك الخيزرانه وواقف على التل جنه لقلق حمر يصير عجيب يصير في الحديقة خخخخخخخخخخ
***********
انتي ماتدرين بايع السيارة مع النجمه حاط شرط مثل مسمار جحا ابيعك السيارة بس النجمه ماتشيلها ومو للبيع كل يوم اشوفها معلقة واذا ماشفتها ارجع السيارة والصعيدي المسكين صدق حاط العمال ودازه مع النجمة بس جان صوريتهم مثل صورة مديرك الانتيك مال الخرطوشةالحبر البخيل.
**********
ديري بالك على ضروسك ترى سويت نفسك بس على العلك ضغطت لزقت الحشوة مع العلك من الحرة اشوى مابلعت الحشوة
*********

حسافة فاتني الفلم ماعليه يمكن يحطونه مرة ثانية بس على اي قناة حاطينة.
*********

البدلية اشوه من انا سويته قبل يومين في الدوام اشوه محد شافني استانست محد شافني الجرس اللعين مشكل مايرن جان اطلع انادي الفراش توني ياي دخلت سلمت على الموظفين وطلعت انادي الفراش علشان يسوي شاي وطلعت يم الباب بقول يافلان وانا العادة ارفع صوتي علشان يسمعني جان اقول سلام علييييييكم فشله اشوى محد واقف يمي
خخخخخخخخخخخ
*************
مادم نفذت طلبي على مديرك الانتيكة الحين اتربع في القعدة واعطية من التعليقات السنعة
بس ابي اسئل الصورة حقيقية 100 ./.
علشان اقدم تعليق مناسب يليق بمقامه الانتيك بو خرطوشة الحبر البخيل
مصدق حاله ويه كرشة تقول بستوك اجار مال اول متروروس طرشي .....بس عاد شكله مع الكرسي الدوار وريوله معلقة
ماكو فايدة حتى لو ادز العصابه يقتالونه يبيلة مدفع ماينفع مسدس
اقترح عليه يروح ينتحر على الطريقة اليابانيه وياخذ سيف السومراي مو سيف واحد ياخذ عشر سيوف علشان يطعن نفسه.

حده كيوت ماني مصدق الشكل يتصرف تصرفات صبيانه بس تدرين ودي اتعرف عليه عن قرب علشان ادرس حالته النفسية يمكن تطلع طفولته بائسة وتعرض لااضطهاد على ايد زوجة ابوه وطلع عنده اخو توم مجرم قتل حبيبته ودز ابوه من القطار وكان يركض يدور على خاله تطلع قصته ملخبطه مثل شكله
فلم هندي
تدرين عطيه اكشن مثل ماقلتك قبل لا يتقاعد او مثل ماقالوا الاخوان عطيه طاف يمكن يتأدب.....اسف على الرد الطويل

غير معرف يقول...

http://geek-muslim.blogspot.com/

Made n Q8 يقول...

الكيكه بالعكس صج انها قديمه بس حلوة علييكم بالعافية

ومديركم علامه جذي وارم خخخ

Sn3a يقول...

شسمها هالكيكه اول مره اشوفها

ودي اشوف احد مرتاح من مديره لول
الله يستر لما بداوم انا

Sn3a يقول...

اي نسيت اكتب شغله
انا المشكله وانا نايمه اضغط على فكي
اقوم راسي كله يصدع
مادري شسالفه

Fishah يقول...

عبدالله

أهليـــــن

يسلموو مرورك الاحلى .. حياك الله

:)

Fishah يقول...

lOsT

اي المدير بسرعه رسمته مافيه تفاصيل وايد بس دائره لول

ماجربتها مع النوتيلا .. مو شيره وايد تصير؟ @@

الله يعافيج ويخليج .. حياج الله :>

Fishah يقول...

JaKo

وناااسه عيل كل يوم بسير عليكم هههههههههه

عليكم بالعافيه .. اسعدني مرورك

حياك الله

:)

Fishah يقول...

^_^ ابتسم

وعليكم السلام

أهنن أهنن

:)

اي اكيد .. يا حلوها ذيج الايام

اتمنى تروح مني هالحاله .. اهيا خفت شويه .. بس اتوقع من نفسيتي بالسياره مو شي :)

من علقتي على العقال .. الحين كل ما اطالع الرسمه .. اتنح بالعقال بالذات لوووول

يسلموو على المرور يا حلوه .. حياج الله :))

Fishah يقول...

GodFather

أهليــــــــــن

انا بعد هبيت انزل افلام .. كان الكونيكشن يعل القلب :)

بالمطعم الهندي ؟ الله يسامحك :(
انا كنت اتعنى لها بمخبزهم اللي بالفحيحيل .. من غلاتها لووول
الله يعافيك :)

تعليقك على بو شماغ .. ضحكني وايد هههههههههههههه
اضحك الله سنك :>

انا نجمة شوارفسكي من اول ماهبوا فيها وانا مو حابتها

اووووووه عاد ذكرتني بالاسنان .. عندي موعد الاسبوع الياي :< اخاف من عيادات الاسنان :<

الفلم كان في ام بي سي ماكس :>

لوووول بدليتك حدها فضيحه .. انا اهون بيني وبين المراقب .. وبينكم :)

اي الرسمه واقعيه 100% ما زدت عليها شي :)
لوووول اعجبتني طريقة الانتحار .. صاج سيف واحد ما يكفي :)
عاد تدري .. من كتبت عنه واهوا متغير .. صاير شويه مؤدب ! وقام يصلي بالمكتب الحمدالله الله الهادي :)
ياته الصحوه اخيرا :)

يسلمووو على المرور .. حياك الله انت وعصابتك :)
بس شي

Fishah يقول...

Made n Q8

هـــــــلا بهالطله :)

الله يعافيج حبوبه

وارم من الاكل .. كل ما تريقنا طب علينا فجأه لووول

يسلموو على المرور .. حياج الله

:)

Fishah يقول...

Sn3a

ذوقيها .. لذيذه مع الحليب المهيل :>

الله يعينج مقدما على مسئولج او مسئولتج :>

امبيه شفينا؟ ترا مو زين والله .. باجر فكنا يجكجك بروحه بعدين :<

يسلمووو على المرور الحلو يا حلوه .. حياج الله :)

سلة ميوّه يقول...

على طاري الضغط على الفك...
إصدقين قريته وما انتبهت كنت مندمجه مع الكيك وذكرياته...

هذا الضغط يسمونه
TMJ

و اهو حاله عصبيه او تنرفز أو كبت داخلي او سترس او ضغوطات حياة المهم
الشخص يطلعها عن طريق الضغط على اسنانه وهو نايم غالباً
والحل إنكم اتروحون حق عيادة
ال TMJ
اللي تابعينلها
في في كل مستشفى في الاميري والعدان والفروانية
وكل مركز أسنان صحي

غالباً راح يفحص الدكتور ويجيك وتالي
يحدد درجة الشدة
ويقرر شنو لازم اتسوين
النصايح اللي اعطيكم اياها
لاتعلجون!
ولا تاكلون أشياء يابسه...
وانا اقولكم اهني من واقع خبره كمريضه حالي حالكم مو كدكتوره ...

مرات امتنع عن الكلام :(


فابدو من الحين بالوقايه من انكم توصلون هالمرحله.....



واي سؤال راسلوني;)



حبي

fatto يقول...

لووووووول لويدري مديركم انج راسمته جان رحتي فيها .. وهالكيكه تدرين انا شسميها ( كيكه مفراكه لماعين ) :)

اول مره شفتها فيها عبالي ريلي يايبلي اسفنجات حق لماعين .. قاعد اقول بيني وبين نفسي انا ماوصيته اييبلي اسفنجات من الجمعيه .. اثاري اطلعت كيكه لوووول

Fishah يقول...

سلة ميوه

مشكوره وايد حبوبتي على هالمعلومات
توني ادري انها حاله دارجه بين الناس ولها اسم وعلاج ! :<

بقرا عنها اكثر
وبسأل دكتورتي مالت الاسنان ان شاءالله

تسلمين :*

Fishah يقول...

fatto

أهلـــــــــــلا أهـــــــــــــلا

:)

لوووول .. ودج يحولني القانونيه تحقيق؟ خخخخخخخخخخخخ

هالكيكه سموها اللي تسمونه .. احبهاااااااااااااا ههههههههههههه

حياج الله :*