الأحد، نوفمبر 08، 2009

مالـــــي خلق



امس انا واختي كنا طالعين
وكنا رادين من طريج البحر
وصادف شبوا جراقيات وااااااااااااااايد
يحلوهم :)
ماشاءالله كانت اشكال وايد غريبه
مثل بوكيهات ورد ودوائروجذي
وللاسف ما لقطت الا هاللقطتين
لان اول شي تنحت ههههههههههههه
وثاني شي اختي ماوقفت عشان اتطمش :)
انزين اللي شافهم يقول .. شنو كانت المناسبه @@
==========================

اليوم انا غايبه عن الدوام
الصراحه مالي خلق
استغفرالله شطووووولها السنه .. شنو كل يوم نداوم؟ :P
خذيت طبيه
شنو زحمه المستوصف
قعدت يمي وحده .. من قعدت بس تكحكح وعطست مرتين (حقدت عليها من بد الاماكن قعدت يمي) :<
على يوم صج بخنزر منهم

بس على هالنطره وقومتي ومشواري .. لو مداومه احسن :P
==================

توا شفت اعادة حق برنامج د.فوز
وحده داقه تشكيلها الحال من زوجها انه وايد يشبك بالنت ويجابل هالمواقع
واهيا متضايقه من هالشي وشوي وتطلب الطلاق منه
ردت عليها الدكتوره "لو كل وحده بتطلق من زوجها عشان جذي جان مابقى احد متزوج وبعدين صبري وادعي انه الله يهد حيله" !
سؤال يطرح نفسه : شنو الله يهد حيله؟ يعني تدعي على زوجها بالمرض؟ هل هذا حل؟ او دعوه؟ الناس تدعي انه الله يهديهم .. يركدهم .. الخ
وهم قالت حق وحده "صبري على زوجج .. بعد هاذي سخيلتج وهاذي حليبتها" لووووووووووووول
لاتعليق الصراحه
:)
====================
اذا قلت حق وحده ولهت عليج
ترد علي "توله عليج العافيه"
استغرب من هالكلمه
احس انها غلط
شلون توله علي العافيه؟ يعني ان العافيه بعيده عني ليه درجة الوله
او اني تعبانه من زمان والعافيه ولهانه علي :<
صح غلط؟
@@
=======================
اخليكم الحين
ينادوني على الغدا
:)

هناك 41 تعليقًا:

aL-NooR . يقول...

وانتي الصــــــــاجة
كل مرة اقولهم
مايصيــــــر ..توله عليج العافية
تولها يعني بعيدة ..بس ماحد يبي يفهمها
بس احيـــج ..من صج صج استانست انج من نفسي استوعبتي :)


صبـــاح البطالة و المرضية
ما تشوفين شر
*****************

رورو الشخبوطه يقول...

السلام..

-وناسه العاب الناريه ذكرتني بحفلة تفوقي..

-وانا بعد غايبه ومالي خلق اروح اخذ مرضيه ولا لي خلق اسوي شي اهي اهي..

-خخ عجيبه فوزيه الدريع مره وحده تشكالها الحجي قيب جم سنه لما كنت اتابعها خصوصا بحزة الامتحانات :)

-المهم تقولها ريلي يتلني من ايدي لي برا الدار جان تقولها مسكي ايده انا اهني كملتها وتلي لبرا الدار خل يتادب خخخ..

بس اهي قالت وكلميه و خطر لاتقولها ناغيه ..

-مي تو هالكلمه احسها غلط وجنها يدعون علي ..

ع الطاري ولهت عليج وع مومو وقعدت احاتيكم استانس لما شفتج موجوده وسلمي ع موم ..

مرسوو..

شاي الضحى يقول...

اهلا اهلا فشه ولكم باااك

احب الالعاب الناريه بس صوتهم يخرع

مره كنت راكبه حصان وصادف فوقي العاب ناريه لا تشوفين الحصان شصار فيه وانا اصرخ زين ما قلبني لوووووول

وانا اقول ليش الافنيوز زحمه كلكم غايبين ههههههه

فوزيه الدريع قبل كنت اشوفها بس الحين صارت مليقه وقامت تقول حجي يفشل ما تعجبني

شكرا :)

GodFather يقول...

hi .....hi
fishah
احلى شئ الجراقيات منظرهم روعة خصوصا في الجو الحلو مريحنه الربع في الفريج من تصير مناسبة تشوفين الفريج اشتغل واحنا قاعدين في الحوش الله يكثر المناسبات الحلوة..
كل اسبوع اخذيلك يوم او يومين اجازة على حسابي علشان تكتبين تعليقات من تدومين مانشوف التعليقات يمكن تطلع الافكار وييك الهام برة الدوام ......خخخخخخ اتغشمر وياك اخاف ربعك في الدوام يحقدون علي قاعد احرضك على الغياب .... مايستغنون عنك ......
اما هذا اللي تبي تتطلق من زوجها علشان النت صج دايخة خلي تي البيت عندي وتشوف المرة والعيال كل واحد ماخذة ربعة وشابكين اما ام العيال طايحتلة اكلات والبنات عندي فاتحين قص ولازق في العاب الازياء واسمعهم يتناجرون لا موحلو لا بلى حلو المكياج والشباب كل واحد منثبر فى دارة وشابكين مخلين النت بطئ وانا قاعد انطر يذلفون مع ربعهم علشان اشبك مومعطيني فرصة ما تقولين كوفي نت في البيت وهذي ويه ويها تبي تتطلق صج ماتستحي روحي اشتري لابتوب وشبكي من مانعك او يمكن ماتعرف بالكمبيوتر.....
انامثلك اكو بعض الردود جنها هوشه مثل الخير بويهك اذا واحد قال شلونك عساك بخير وان شاء الله بخير اول مرة سمعت الرد صج تضايقت وبعدين تعودت .........

نمووول يقول...

مساء الخير
الالعاب النارية بمناسبة غيابج اليوم هههههه
والله انج صاجه ما تسوى ان الواحد يغيب وياخذ طبية
على ما ياخذها ويذخل عالطبيب يداوم اشرف له

اي الجمله فيها شي غلط

الدكتورة فوزية شفت اعادتها امس ههههههههه
ما ركزت على الدعاء بس ضحكت على المشكله الاولى
تقول يطلع مشاكلنا بره انا قلت اول مره تصير العكس

شكراً
دمتي بخير

حَافِـيَةُ الَقَدمَيّـنْ ولِبَاسِي المَطـرْ يقول...

سلامت خلقج :*
لووول زين تشوفون الشارع انتوا :(
ياحسره بس احنا مدفونين بين الكتب
وإن كثرنا ولا ها ارتقينا شوي
شبكنا وقعدنا نحوس بالنت
على طاري السنه
يبوووووووووووووووووووي @@
عله دهر دهر اليوم تعيشينه جنه اسبوع كامل
والله يوم الخميس امسكتني العبره
اليوم مو راضي يخلص ؟
فج ياخي نبي عطله , لا واللي يحر زياده
إن من تطبين البيت الوقت يركض
:(
,
فشه
صح كلامج @@
غلط , وايد في مصطلحات تنقال واحنا
مو مستوعبينها
موفقه يختي :*

اجتماعي يقول...

حلوة ..
خوش جراقيات : )

أعتقد إن كانوا فرحانين بمرورج :d

=====

شخباااري تخنزر .. !!

صار مرض قديم ..

=====

ما لقيتي غير فوزية؟
اللي حتى حرام أقول عنها دكتورة !!

الله يهد حيلها ويعقلها :d

=====

صح غلط ..
بس إخذي المعنى وإنسي اللغويات !!

=====

شكررااا : )

بانوراما يقول...

شدعوه كل هذا استقبال حق غياب

--------------------------------
بالنسبه لي اقعد مكان زحمه وازعاج

وانطر إن شاء الله يوم كامل

ولا اداوم حصه وحده

-------------------------
انتبهي

ترى عافيه يعني نار بالمغربي

شاي الضحى يقول...

بااااك

الألعاب الناريه كانت بمناسبة ختام بطولة كأس العالم للاسكواش :)

*Being One يقول...

فشوووه من زمان عنج P;
عااد انا اخاف من الجراياات مادري ليش يمكن من صوتهم القوي !
ذكرتيني في بنت عمي كل يوم اتيلنا تقولنا اليوم ماداومت و بترووح تاخذ طبيه و تقول اخر مره و اليوم الثاني نفس الساالفه P:
هالفووز عجيبه الصراحه انا قررت اني ما اطالعها لانه اذا طالعتها بنحرف لوووول !
صح كلامج غلط ! لازم يقولون و الله انا ولهانة اكثر او انشالله ما تولهين على العافيه مو اصح لوووول
و شكررررررررا

Cesc يقول...

اي والله انا توني متعين وصراحه لي الحين ما غبت ولا يوم ..
ومادري شكلي بغيب باجر شحلات الجو الصبح نقزره بالدوام ما يصير .؟

بخصوص لدكتور فوز
اعتقد قصدها الله يهد حيله ماكانت مثل اعتقادك تدعي عليه بالمرض ..
امم اعتقد كان قصدها شي ثاني وعيب تقوله جذي جدام العالم ..


وبالعافيه الغدا ..

Made n Q8 يقول...

الالعاب الناريه شكلها يونس بس صوتها مااحبه يخوفني
***
وصاجه مره جذي قعدت اتمقل بمعنى توله عليج العافية ولقيتها غلط!! اسم الله شنو توله علي العافية
***
اما فوزية دريع خليها على صوب انا ماحب اطالعها احس وقتي يضيع بشي تافه

lOsT يقول...

عاد نحن ملينا من الشلق ( جراخيه على قولتكم ) ماشاء الله 24 ساعه فكل مناسبه نشوف الشلق p;

بالنسبة لدكتورة فوزية .. كنت اتابعها اول ما طلعت حسيت كلامها ما يدخل العقل .. يعني ساعات نتصح بس غلط !! ما قمت اتابعها الحينه !

يعطيج العافيه على البوست ^_||

Fishah يقول...

ِaL-NooR

أهــــــــــــلا أهــــــــــــــلا

:)

اي في شغلات وجمل نطوفها بس لما تفكرين فيها تطلع غلط !

مساء الورد والكسل هههههههههه

الشر ماييج ان شاءالله .. يسلموو على المرور الحلوو .. حياج الله :*

Fishah يقول...

رورو الشخبوطه

أهليـــــــــــــــــــــــــن

:)

روحة المستوصف تكرهج بالغياب ادري حاسه فيج :<

انا علامها حفلة تخرجي كانت بسكات ماسووا شي @@ ههههههههههههههه

ايييييه قالت حق وحده زوجها ما يعطيها ويه " قرصيه " "ضحكي بويهه" "دلدغيه" خخخخخخخخخخخخ
حلولها الحمدالله والشكر تفشل :<

الله يسلمج حبيبتي .. موم معتزله هالفتره بس ان شاءالله ماتطول :)
انا ولهت عليج بعد وعلى سوالفج وتعليقاتج :))

مشكوره على المرور الحلو يا حلوه :**

Fishah يقول...

شاي الضحى

هـــــــــــــــــلا بهالطلـــــــة الحلوة :)

هههههههههه امبيه شوشو انا ملاحظه تصيرلج مواقف ماااااااااتخطر على البال .. يا حلو سوالفج :))

اي سوينا اضراب عن الدوام .. خوش صدفه .. لو متفقين جان ماصارت :)

برنامج د.فوزيه صادف اني قاعده بالصاله ماكو شغل .. والا تطلع بويهي .. قلت شخباااااااااااااري .. خل اسمع خرابيط اللي يتصلون :)

الله لا يبلانا :)

مشكوره على المرور الحلو :**

خاتون يقول...

أنا بعد مثلج أحب الألعاب النارية
و بعدين ليش تغيبين داومي خليج وطنية
ولهة عليج العافية يعني عسى دوم مشتاقة لج و تدور عليج>>>يكون يعني حالتها و يايبة العيد لوووووووول
هني و عافية على قلبج^_^
مو تقعدين بعد تحللينها *_^

Fishah يقول...

GodFather

انا اول مره اشوف جراقيات هالكثر .. حبيت المنظر :))
عيل فريجنا مايشبون الا جراقيات بو طقه اللي بس صوت شي ينفجر هههههههه

ياحلو الغياب .. بس الله يستر اذا داومت اخاف يقولون لي شي :<
سألت اللي معاي بالمكتب .. ال 2 غايبين صدفه لووووول
مؤامره مو غياب :)

انا عندي كل اللي يتصلون على د.فوز ويقولون مشاكلهم .. ماااعندهم سالفه .. ومشاكلهم سخيفه .. يعني الزوج بتحكره بالبيت حتى النت ماتبيه يشبك! ياربي راح يمل منها الريال .. عطيه فجه .. استغفرالله نااااااس مايفهمون :<
(عصبت ترا)

:P

هههههههههههه صح الخير بويهك .. جنها مسبه :)

يسلمووو على المرور .. حياك الله :)

Fishah يقول...

نمووول

اي الظاهر جذي هههههههههههه
من قدي :P

كل ما اشوفها اتذكر ولد الديره لما قلدها :)

اسعدني مرورك .. حياك الله :)

Fishah يقول...

حافية القدمين

أهـــــــــــــــلا أهـــــــــــلا

الله يسلمج من الشر :)

الله يعينج ويوفقج وتفتكين من هالكتب والامتحانات قوووولي آمين :)

اي والله بسرعه تمر ايام العطله .. نفس عطلة العيد مع انها كانت 10 ايام بس بسرعه مرت :<

اجمعين ان شاءالله حبوبتي .. حياج الله :)

Fishah يقول...

اجتماعي

ههههههههههههههههه اي انا حسيت في هالشي بعد :P

قديم ! اليوم كاتبين توفت الحاله ال25 .. الله يرحمهم ويرحمنا برحمته ويكافينا شر هالامراض يارب ..

امبيه والله انا لما اشوفها واتابع برنامجها استحي :<
صج صج في شغلات تفشل :<

عففففففففففففواااا :))

Fishah يقول...

بانوراما

أهـــــــــــــــلا أهــــــــــــلا

هلا بالغايب عن السااااحه هلا :)

ههههههههههههههههه

اي شفت شلووون انا مو هينه لمااغيب .. مو شويه بالديره ترا :P

صج والله @@
عيل الله يكافينا شر هالعافيه اللي بالمغربي بس :)

شكرا على المرور .. حياك الله

:)

Fishah يقول...

شاي الضحى

أهلا أهلا شوشو مره ثانيه

بعد عمري .. قريت ردج وبعدين لما رحت الصاله نبشت الجريده وشفت ان الجراقيات كانت لمده 45 دقيقه

قلت لقلبي يا حلوها شوشو صااااجه قالت لي قبلكم :)))

هههههههههههه

يسلمووو :***

Fishah يقول...

Being One*

أهلـــــــــــــــــــــــــــــين

:)

انتي اللي صايره قاطعه ;P

صوتهم قوي بس اشكالهم حلوه .. عجيييبه :>

حبيته بنت عمج .. انا بصير متمرده مثلها :>

احنا بعد قاطعنا برنامجها :)

لوووووووووول ضحكتني جملتج .. صاجه تصير اصح هههههههههه

ياااحلو مرورج .. حياج الله :*

Fishah يقول...

Cesc

مبــــــــروك على التعيين وموفق ان شاءالله بالوظيفه

اي لاتغيب الا عقب سنه .. خلك اول الفتره خوووش موظف :>

(وحده بتخرب الموظفين الجدد) ههههههههه

اهاااااااااااااااااااااا

@@

امبييييييييه توني استوعب القصد الثاني :<<<<<<

امبيه فشله :<

استغفرالله احسه مو اسلوب ولا كلام ينقال جدام الاوادم !!

==============================

ماعلينا







اي الجو حلو .. بس لااااااااااا تغيب :)

يسلمووو اخوي على المرور اللطيف .. حياك الله :)

Fishah يقول...

Made n Q8

نفس المطر نحبه بس مانحب صوت الرعد يخرع :>

اي والله غلط .. مادري شلون الناس يقولونها .. والمشكله رفيجتي كله تقولها تدزها لي مسج وانا اتنح اقول شفيها البنت تفاول علي هههههههههههه

اي بيتنا بعد مقاطعين هالبرنامج

حياج الله خيتووو .. مشكوره على المرور الحلوو :*

Fishah يقول...

lOsT

ياهــــــــــــــــــلا بأهل بوظبي والله :)

انا عيل توني احب الشلق واشكالهم العجيبه وليلحين ما مليت منهم :))

اي كلامها وحلولها كله غلط :)

الله يعافيج حبوبه .. مشكوره على المرور الحلوو :*

Fishah يقول...

خاتون

أهــــــــــــلا أهــــــــــــــلا

:)

ماااااااااابي اداوم .. مليييييييييييييت ابي راااااااحه .. كل اللي معاي يغيبون ويخلوني بروووحي بالمكتب واتوهق بعمري :<

لووووول شفتي ! غلط توووله علي العافيه وتشتاق لي (اسم الله علي) :P

اي حللتها .. ميخالف حبيتها .. هني على قلبج بعد :)))

ههههههههههههههههه

فرحني مرورج حبوبتي .. حياج الله :**

أميـــــره يقول...

تساؤلاتك في مكانها ..



علّني استطيع التعليق أكثر في وقت آخر ..



سأعود ..

Fishah يقول...

أميــره

أهليـــــــــن

:)

شاكره لج مرورج .. حياج الله :)

she is me يقول...

ما عندي تعليق
بس
متااابعون
!!

jasem يقول...

لووول
إعجبتني ملاحظتج عن
"توله عليج العافيه"
والنور بعد ملاحظتها
وآنا إشفيني إمكمخ مالاحظتها
:/
حدها غلط ماتركب السالفه
بس إنزين تعالوا خنشوف العكس إشلون يصير
بالمحاورة

-ولهانه عليج
- ياعسى توله عليج الأمراض كلها

@@
أخاف إتطاققون عقبها
هم العكس مو مفهومه السالفه !
اشلون الحين ..تعقدت من السالفه أبي حل ؟

ابتسم ^_^ يقول...

السلام عليكم
صباح الخير
على طاري توله عليك العافية
نفس السؤال اللي يدور ببالي احسها كلمه غلط
لان اللي افهمه منه ان كاني ادعي عليها بالمرض عشان كذا العافية توله عليها

ما تسوى عليك اخذتي مرضية
بس عساك طيبة الحين؟؟

الله يهد حيله!!
اعوذ بالله وش ذا الدعوه تخوف

الله يهدي الجميع

بالتوفيق ^_^

Fishah يقول...

she is me

أهليـــــــــــن

كافي مرورج الحلو ومتابعتج الاحلى :*

حياج الله :)

اقصوصه يقول...

شو غداكم اليوم؟(فضوليه) هههههههههه

هيه كل يوم دوام كل يوم دوام

انتي شكلج مثلي ما تحبين االروتين:)

reemas يقول...

طلعت مو بس انا اقول ان توله عليك العافيه غلط

دايما كنت اقول ان معناها غلط
توله يعني تبعد عنك لما توله عليك
حيل معناها غلط
توارد خواطر جميل

انا بعد يبط جبدي الله اقوله شكرا يقولي الشكر لله
هي جمله صح بس جنه يزفني
مادري ليش احس جذي

تحياتي

Fishah يقول...

jasem

حتى بالعكس مولايقه وموعاجبتني :)

الحل : اذا قلت لها ولهت عليج ترد علي وتقووووووووووول انا بعد ولهت عليج او انا ولهانه اكثر !

لان صج اذا احد سمع اقتراحك وطبقه بيصير فيها طق وتفلع وطوووط وطوووووووط طوووط

:P

شاكره لك مرورك اخوي جاسم .. حياك الله :)

Fishah يقول...

^-^ ابتسم

وعليكم السلام

اهلين حبيبتي :)

اي بالضبط .. هاذا اللي اقصده :>

الحمدالله بخير :*

تسلمين على المرور الحلوو يا حلوه .. حياج الله :)

Fishah يقول...

اقصوصه

اهلا اهلا اهلا في هالطله الحلوه :>


الله يسلمج كان غدانا مجبوس دياي .. خاشتلج الاجابه من سألتي السؤال بس مامداني اشبك :)

اي والله ماحبه .. بسرعه امل .. ابي شي يديد :)

على يوم بسير عليج في ابوظبي :) هههههههه

حياج الله خيتوو :*

Fishah يقول...

reemas

أهليــــــــــــن اخوي :>

اي طلعنا نفس التفكير :)

بالمستوصف بطل لي شايب الباب .. قلت له مشكور وصح قال لي الشكر لله بنزره ههههههههه استحيت :<

يسلموو على المرور .. حياك الله :)

captain khalid يقول...

ههههه الاولى مو واضحة والثانية كانت حلوة.
==============================
تصبري ماعليه هذي الحياة جي ماشية.
===================================
د فوز لاتعليق صراحة .. راي ( برنامج وع.)
+++++++++++++++++++++++++==============
تولهت عليج العافية ..!! لاتعليق