الجمعة، نوفمبر 20، 2009

ليش ؟

ذاك اليوم وانا افرفر بهالقنوات

طحت على لقطتين

مت عليهم من الضحك

قلت لازم تشاركوني حتى لو في ابتسامه


:)


يعني متنكر .. انزين ليش ؟ ليش هالمنظر ؟ :P




واهني مسلسل بالقناة الاولى .. انزين ليـــــــــــــــــــش مسوي في روحه جذي ؟!




=============================

مديري فيه طبع مو حلو
يسوي الشي ويقطه براس احد
سوا فيني موقفين جذي

مره وحده رفض نقلها وقال لها فشه ماتبيج معاها بالقسم !


انزين ليــــــــــش هالحركه البايخه ؟؟
البنت ماعرفها اول مره اشوفها .. وبعدين انا شكو بالقسم؟ وكنت توني يديده عندهم مورئيسة قسم عشان اختار البنات اللي فيه!


وانا اشوف البنت لما طلعت من مكتبه عطتني نظره مليئة بالحقد والكراهيه .. وانا ياغافلين لكم الله اقول حق رفيجتي شفيها تطالعني جذي؟ ههههههههههههههههههه


وقبل يومين صار الموقف الثاني :

وحده تبي تنقل .. وللعلم مالي شغل بالمره في معاملتها واوراقها

بس مادري ليش من تشوفني اتييني

وتتحلطم على راسي وتصارخ .. وسبحان الله من تصارخ تنزل على راسي غيمه من الهدوء


اكلمها بكل هدوء وود :)


قالي مديري اقولها اتييب اوراقها من مكان عملها الاصلي واتيي من باجر عشان تكمل النقل

ماعجبها الكلام لاني بعنيها مره ثانيه وبيتها بعيد وماصارت نقل خذا كل هالوقت .. الخ


لما طلعت ناداني مديري


جان يقول لي : سوي فيها كتاب رفض !


انزين ليــــــــــــــــش !


مو من البدايه المفروض يقولها انها مرفوضه ! ليش وعدها وبعدين يسوي من وراها جذي !


من باجر انا اشوا كنت مستأذنه ما حصلت طشار منها


رفيجتي تقول يت على طول تقول " وينها هاذي" ؟ لووول


حدها نجريه اعوذ بالله :<

مسئولتي حاسه بمعاناتي .. مره قالت لي


انتي على طول بالجنه لا حساب ولاعقاب الله يعينج


:)


=========================


ذيج المره رحت تروفاليو

شريت هاذي .. عجبني شكلها :)






===========================

يايني فضول على اخونا المدون

"طماشه"

وينه؟ @@
=======================


امس انا واختي كنا طالعين

شفت طيارات اتونس

اقولها صوريهم

تقولي استحي هههههههههههههه

صورت لكم بس هاذي





===============================

اختي من النوع اللي ماتمسك ايدها
وطبعا بس تشتري كتب
ارخص مره شرت فيها كتب
كان تقريبا شي وخمسين
لاتشوفوووووووون غرفتها من جبال الكتب :)

وهالشهر لما خصموا وايد منها

وانصدمت

قالت حق الماستر كارد ByeBye


===============================
وبس :>

HaVe a niCe WeekEnD :)

هناك 58 تعليقًا:

Made n Q8 يقول...

لوووووووول الصورتين حدهم فلته الحمدالله والشكر مادري ليش هالتهول
،،
ومديرج يبط الجبد بصراحه سوالف يهال يسوي الشغله ويقطها براس الغير

اجتماعي يقول...

أكثر شي ضحكني ..
إن اختج كسرت بطاقتها

ذكرتيني بواحد كنت معاه بمعرض الكتاب 2008 ..

يوم طلعنا .. إكتشف إنه صرف اكثر من 40 دينار

قالي .. تصدق الثقافة تفلس :d

نقلي هالحكمة لأختج .. تفيدها

========

أحسج بتاخذين تقاعد طبي بسبب مديرج :d
دايما تشتكين منه ..

أهم شي لا يطيح على مدونتج : )

رورو الشخبوطه يقول...

السلام..

-خخ شهالستايلات خوش افكار للعيد :p

-واي مديرج بكبره كريه الله يعينج عليه ..

احنا مسعورتنا جذي ويحبون يفرقون بين الرفيجات ..

-بالعافيه يارب ماشاءالله تشوق بس شنو اهي بالضبط ؟؟ مخمه؟؟

-مي تو استغربت انه لغى مدونته بعد بس استحي اسال عنه :(

- تشوق الوانها ..

- ياحليلها موم شخبارها ؟؟ انا ماحب الماسترد ولا الفيزا احس نهيبه زين سوت بس مو لازم تلغيها ولا عادي ؟؟

ومرسوو..

BookMark يقول...

وي ليش مسوين بعمرهم جذي !!
نشاركج بضحكة مو بس ابتسامة D;
***
مديرج الصراحة :/ لاتعليق!
لج الجنة على قولة مسؤولتج ;)
***
حلوة الطيارة .. واهم شي ان اختج استحت تصور هههه ذكرتني بعمري لما تكون معاي اختي طول الطريج تصور وانا بس فشلتينا!!
***
احسن شي سوته بالماستر كارد


بوست ممتع :) يعطيج العافية

شاي الضحى يقول...

miss uuuuuu

احمد جوهر مبدع ذاك اليوم شفته بالتلفزيون مادري ليش مسوي بنفسه جذي استخف الريال

الله يصبرج على هالمدير

هذا جنها الي تنظف الغبار مو؟

انا ما أأيد الفيزا ولا الماستر ومد ريولك على قد لحافك :)

بس زين سوت كسرتها وانشالله ما ترد لها :)


شكرا :)

Fishah يقول...

Made n Q8

أهليــــــن

مادري عنهم .. يفشلــــــون :<

اي حده :<
اصلا احنا نسميه بيبي عود هههههههههه

يسلموو على المرور حبيبتي .. حياج الله :)

Fishah يقول...

اجتماعي

أهـــــــــــــــلا أهـــــــــــلا

نقلتها حقها .. قالت اي والله صاج هههههههههه :)

أمبيه ودك عاد يطيح عليها؟ @@
عاد ماقدر اجذب .. اشكره حاطه صورته خخخخخخخخخ :P

ماقول الا فال الله ولا فالك :P

يسلمووو على المرور اخوي سعد .. حياك الله :)

Fishah يقول...

رورو الشخبوطه

أهلـــــــــــــــــــــــين :>

لول شكلهم بدعه :)

اي والله .. عاد بيتقاعد .. اذا قال لنا بشتاق لكم بقوله " تشتاق عليك العافيه" ;) هههههههههههههههه (شريره)

لاهاذي مالت الغبار .. نفس ام الريش مالت اول :> تشلعين بس الكرتونه .. متحسفه اشلعها لوول

اي فقدت سوالف طماشه .. كانت بوستاته اتونس :)

اي دقت عليهم لغتها .. بس خصموا منها وايد والله :<
جان تعصب عليهم وتكسرها ههههههههههه

حيـــــــــــــــــاج الله حبيبتي :*

Fishah يقول...

BookMark

أهــــــــــــــــلاأهـــــــــــــلا

بعد عمري ياحلو هالمشاركـــه والله :))

آميـــــــــــــــن يا رب :)

اي تستحي تقول شكلنا غلط واحنا نصور :< بعدين صورناهم جنا قاعدين نبوق بسرعه بسرعه لووول

الله يعافيج حبوبه .. تسلمين على المرور يالغاليه :)

Fishah يقول...

شاي الضحى

أهليــــــــــــــــــــــــــــــن

MiSs u ToOoOOo :***

:)

انا ماقهرتني الا قذلته .. ونظرته :P
لو اهوا زعيم عصابه وبيخرعني بموت عليه من الضحك بدال ما اخترع :P

الله كريم .. أجر أجر ان شاءالله :)

صح مالت الغبار

اي والله شكثر نصحتها .. بس الحين انقرصت وتابت عن الفيزا والماستر .. انا ماشجع عليهم .. الواحد يعرف رصيده شاللي صرف وشاللي بقى :>

حتى ايام البنك كنت استحرم اسوي ماركيتينج حقهم :<

يسلموووو على المرور الحلو يا حلوه .. حياج الله :>

SHAHAD يقول...

لووووول والله عليهم اشكال !
.
.
أما مديرج بصراحه مادري شقول فيه !
يحرررر .. يعني اخذ قراراتك من غير هالحركات البايخه !
.
.
وزين سوت اختج
ما منها فايدة هالبطاقة إلا الخساير ://

حَافِـيَةُ الَقَدمَيّـنْ ولِبَاسِي المَطـرْ يقول...

لوووووووول
على فكره مديرج مريض نفسياً
احس يخاف يقول حق الموظفين انه مايبيهم
فيقطها براس المسيجينه فشه
انا اقول طلبي نقل
احسنلج من مجابل هالشيبه والله تطلعلج قرون ترى
p;

ميمة السبيت يقول...

** اشلون طلعتي هالصور لوووول

- اما سوالف الدوام تشوفين فيها هوايل انا ساعات احس اني قاعده بغابة مو اوادم اللي قاعدة اتعامل معاهم و 60 الف مرة نويت اطلع و اغيره بس اقول ايود مينوني احسن.. صح

مـي يقول...

قوية حركة الماستر كارد
لوووول
زين لو اكسرها ، احرقها ، بس شلون ادبر اموري ، انا بعد جذي ذبحني مصرف الكتب.. بس ماقدر اسوي حركتها!!

نمووول يقول...

ههههههههههه
ثاني صورة عرفتها بس الاولى منو هذا
احمد جووهر @@ ؟

انا ما شفت مديرج بس من كثر ما تكلمتي عنه ودي اطقة ..

بنت أحمد يقول...

توسعين الصدر

اشتهيت أعزمك بيتنا وأسولف معك

الللقطات تفطسسسسسسس ضحك

ماننحرمشي منك

ميرسي أوي <<<<< أهم شي أوي

في أمان الله

يسعدك ربي

GodFather يقول...

hi.....hi
fishah
الصور عجيبة
الاولى:هذا واحد ناسينة ربعة في البر ومبنجرة سيارته اسبوع بعدين تذكروا ربعة طبعا في شهر سبعةايام الحر
الثانية :مادري ليش مسوي بنفسه بس مو جنه قحطة يوم صار شايب
تدرين عاد اعتقد ان اعياله مسوين فيه مقلب وهونايم متدريبين وطايحلة بالموس شوفي ويهه وهو معصب على اعياله....
***********
اما مدريرك البخيل بوخرطوشة الحبر ام عشر دنانير يبليه كفخة على ويهه او تدرين يمكن يوم من الايام راح ييله واحد شراني يعلمه شغلة مدير بايخ
***********
دايما تذكرينا ايام السبعينات فشة الشكل اللي شريته من تروفاليو كان يبعون نفسه اويشبه شويه على طريقة علبه داخلها اكثر من علبه من الحجم الكبير الى اصغر حجم داخل بعض .
*********
زين سوت اختك ياريتنا نفتك من البطاقات والصرف من كثر الاغراض في البيت الخدامه تاخذ وتقط واحنا ماندري....

جبريت يقول...

انا ما عجبني الا مديرج نفس مديري بالظبط

كله موهقني يسوي مادري شنو وانا ابتلش يفصل ناس يقطها براسي اي خلني مدير واتحمل البلاوي معاك مو راضي يقول انت علاقات عامه وواجه للشركه واجهه للشركه مو واجهه للتوهق ولا شرايج؟؟؟

سلة ميوّه يقول...

مساء الجوري والريحان


على طاري الفيزا...
انا متبهدله من هالفيزا

ومايطاوعني قلبي اسوي اللي سوته اختج:)
وبيني وبينج
عندي 2:)
يعني الأولى اللمت مالها وايد قليل
والثانيه وايد عالي...
والمشكله اصرف الأولى كلها!!! والقانيه نصها!!!!
مستوعبه اني اصرفهم غير المعاش؟؟؟؟؟؟؟؟؟؟!!!!!!!!!!!!!!!
يعني بالظبط مادري شسوي بعمري:)

لا وعالكتب...اشتري كتب وصار الحين ماعندي وقت اقراهم
فقمت شسوي!!! اعاقب نفسي ماشتري كتاب الا اذا قريت واحد من المكودين:)


fishaaa


بوستاتج تشرح النفس
وتبرد عالقلب
ربي يسعدج ويبرد عليج


:*حبي

غير معرف يقول...

لووول ضحكوني الصور

وزين تسوي اختج بكرت البنك مامنهم الا الخساير وعوار الراس

اقصوصه يقول...

أممم

هالنوع من الناس

الله يعين اللي حواليهم :)

lOsT يقول...

كل ما اسمع سوالف الدوام .. اشيل فكره اني ابا اشتغل من بالي =/

شي طيب انها تخسر فلوسها على الكتب
لأن الكتاب يتم اما الاشيه الثانيه تتغير مثال ملابس وجواتي .. الخ

تسلمين على التدوينه =)

أحمد الحيدر يقول...

التدوينة كلها جميلة ..

بس موضوع المدير نرفزني ..

مالج إلا المواجهة .. يعني بس تدرين عن شي قولي للطرف الثاني ترى مالي علاقة والموضوع كذا ..

وإذا تخافين على تقريرج أو استقرارج الوظيفي فالرزق على الله :)))

تحياتي ..

سلة ميوّه يقول...

عيدج مبارك وعسى ايامج كلها اعياد وافراح


حبي:*

Faith يقول...

لووول
اشكالهم مو صج

fishah
مو جنه طولتي علينا

عيدج مبارك يا الغاليه
لج وحشه

=]

My Books & Me يقول...

لو سمحتي كتبي آبديييت:@@

..pen seldom يقول...

صباح الخيــر ,,

وعيدك مبارك , وكل عام وأنتِ بخير يارب

..

أشتقت لمدونتك بصراحة

:)


.. لأني أدري إذا دخلت وقرأت اللي كتبتي راح أبتســم من قلب ..

^_^


وهذا اللي صار ..


لا تطولين الغيبات ..

ترى بجد نشتاق لكِ ولتدويناتكِ ..

:)

أرق التحـايا ..

Paris يقول...

الله يعينج عليه الصراحه

و عيدج مبارك

Fishah يقول...

ٍSHAHAD

انا عندي بس مالت النت ومستانسه فيها :P

يسلموو على المرور .. حياج الله

Fishah يقول...

حافية القدمين

مليت وانا انقل
هذا ثالث مكان لي
والثالثه ثابته وانا اختج :)

حياج الله حبوبه

Fishah يقول...

ميمة السبيت

صاجه الواحد يقضب ارضه احسن له

الصور انا موقفه اللقطه بالتلفزيون وصورتهم :)

Fishah يقول...

مي

يبيلج اراده يا بنيه :)

Fishah يقول...

نمووول

اول صوره من مسلسل بدوي .. ماعرف شسمه

الطق والتفلع .. وتفشش التواير بعد

:)

Fishah يقول...

بنت أحمد

خل تطلع امي من المستشفى ان شاءالله .. اسير عليكم :)

اي حلوه أوي .. كثري منها يا بنت احمد :)

يحفظج ربي من كل شر .. حياج الله

Fishah يقول...

GodFather

انا قلت انه يقلد قحطه بس نسيت اسمه
:)

شنسوي تعودنا على الصرف :)

Fishah يقول...

جبريت

اي والله خل يخليك مدير دامه موهقك على طول شكله

الله يعينك اخوي .. حياك الله

Fishah يقول...

سلة ميوه

امممممممممم
انا اقول كنسلي اللي فيها شويه
وقللي من لمت الثانيه :>
وكافي وحده يالله عاد مسكي ايدج وخلج خوش بنيه :)

والله يا سله مرورج اللي يشرح النفس ويونس القلب حبوبه :*

Fishah يقول...

غير معرف

اي اختي ماشاءالله ارادتها قويه

:)

Fishah يقول...

اقصوصه

اي والله صاجه

يسلموو على المرور العطر .. حياج الله

:)

Fishah يقول...

lOsT

لاعاد .. لا تتعقدين من الحين

لاتحاتين مو كل المسئولين مثله وانا اختج :)

الله يسلمج .. حياج الله :)

Fishah يقول...

أحمد الحيدر

اي ادري ينرفز .. هذا وانا ماقلت كل سوالفه .. بس عيبي ماعرف اواجه للاسف

الله كريم ..

مرورك الاجمل ياخوي .. حياك الله

:)

Fishah يقول...

سلة ميوه

ايامج سعيده يالغاليه
تسلمين حبوبتي :**

ابتسم ^_^ يقول...

السلام عليكم..
الصورة الثانية لما شفتها بالتلفزيون قعدت اضحك
ودي اتخيل شكله شلون يغسل شعره بشامبو*_^

يا سلام على مديرك خلاص انا حطيته بالبلاك لست والله يعينك عليه

قولي لاختك لا تتحسف الكتب والثقافة تستاهل صرف فلوس

^_^

dr-maarafi يقول...

مديركم الله يهداه مناشب العالم كله
شكله مو مخلي احد بحاله


و بالنسبة حق اختج و انها تشتري كتب , ترى هذا شي زين و ان شاالله تعمر مكتبتها و نشوفها مؤلفة مبدعة
و تصيرين يارب مثلها :-)

خاتون يقول...

لوووووول أما الصور صج ليش من قلب
مديرج نحيس و ما يحب يتحمل المسؤولية
أما الكتب فخل تشتري أختج و أهو في أحلا من الكتب *_^
نايس بوست ^_^

bent el deera يقول...

يا حلوج فشوش سوالفج توسع الصدر :>

الله يعينج على مديرج ....

وحركه اختج سويتها قبل جم شهر جان ارد واطلع فيزا يديده >> مافي فايده هههه

الله يخليج لاختج ويخليها لج يا رب :>


الحين دوري اروح اخلص شغلي عشان لا تبلش الحنه هههه

Fishah يقول...

Faith

أهليــــــــــن

شسوي بالعيد كنت مريضه والله حدي وامي بالمستشفى ومزاجي كان مو شي :<

ايامج سعيده حبيبتي :**

Fishah يقول...

My Books

ان شاءالله :P

Fishah يقول...

pen seldom

وانتي بخير وصحه وسلامه حبيبتي :*

ان شاءالله دوووووووووم هالابتسامه :)

يسلمووو على المرور الحلوو .. حياج الله :)

Fishah يقول...

Paris

ايامج سعيده حبيبتي .. مشكوره :)

Fishah يقول...

ّ^_^ ابتسم

أهليــــن

ههههههههههه مادري .. حلاته يحط بلسم بعد :P

الله كريم .. شكلنا اصلا على سيئاته بنتحسف عليه .. الل يستر علينا من اللي عقبه :<

حياج الله خيتوو :*

Fishah يقول...

dr-maarafi

أهليـــــــــــــــن :)

اي والله صدقت .. ويعلق على كل شي .. مايخلي شي ..

ان شاءالله اصير مثل اختي .. عاد كله ابوق منها كتب واقرا .. اقولها انا بقرا عنج الكتب العربي وانتي الانجلش ههههههههههه

يسلمووو على المرور والطله الحلوه .. حياك الله :)

Fishah يقول...

خاتون

أهليــــــــــــــــــــــن :)

ههههههههههه اي بالضبط .. هذا طبعه ولله

ياحلوها اختي .. اذا مالقت الكتاب اهني .. طلبته من امازون ماشاءالله عليها :)

انتي النايس والله .. حياج الله :)

Fishah يقول...

بنت الديرة


أهليـــــــــــــــــــن .. الحمدالله على السلامه حبيبتي :**

هههههههههههه عيل الله يعينج على المصاريف .. تعودتي عليها خلاص :)

بعد عمري تسلمين :*

اي اي لايسوون لج سوالف .. احنا توا كتبوا تعميم لاتييبون لاب توباتكم :<

الله كريم :<

ReLaaaX يقول...

فعلاً الله يعينج .. بس كل دوام فيه الزين والشين


واوخيتج زين تسوي والله اريح لها


اما الصورتين التحف فحدث ولا حرج .. باختصار ارقوزات ويبون يضحكون الناس :)

جبريت يقول...

انتي تسألين عن طماشه وطماشه سكر مدونته انتي انزين وينج مختفيه؟؟؟

Fishah يقول...

ReLaaaX

أهليـــــــــــــــــــن

الله كريم .. والحين دوامي مانعين اللاب توبات :(

اي احسها الحين مرتاحه عقب ما لغتها :)

اي حدهم بدعه .. ويقولون ليش مستوى المسلسلات هابط .. من هالسوالف !

اسعدني مرورج يالغاليه :)

Fishah يقول...

جبريت

أهــــــــــــلا أهــــــــــــــلا

والله ياخوي لاهيه مع امي .. تعبانه شوي بالمستشفى .. وبعدين كنت متعوده اشبك من الدوام .. والحين منعوا اللاب توبات للاسف :<

مشكور على السؤال يالغالي :)