الأربعاء، سبتمبر 23، 2009

حبيت اسولف :)

هاذي صورة وحده من اللقيمات الفاشله اللي جربت اسويهم في رمضان
بس ما ضبطت معاي
مو جنها سمجة ؟ :)

==================================
امي وعشان وضعها الحالي تحتاج سيارة اسعاف حق مراجعاتها ومواعيدها بالمستشفى
بقولكم موقفين مع الاسعاف مريت فيهم ضحكوني
عاد مادري بتضحكون او لأ
:)


الموقف الاول :


الاسعاف كانت لاحقتنا

لما وصلنا البيت

شبيت للسياره فلاشر ان هذا بيتنا

وابوي كان واقف برا

انا كملت سيده وطلعت من الفريج لان ماعندي باركينج .. قلت اخذ فره بالقطعه على ماتحرك ويفضي المكان

وخذتنا السوالف انا واختي ومندمجه حدي

رن موبايلي

والا ابوي

" انتو وينكم؟ " " قلت له قريبين ليش في شي؟؟" " لا بس الاسعاف ترا لا حقتكم ليلحين"

اطالع بالمنظره والاا صج سياره ضخمه وراي لوووووووول

نسيت عمري ونزلت

اقول حق السايق " هاو انت ليش لاحقني؟ "

يقول مادري شفتج مشيتي مشيت وراج

لوووووول


الموقف الثاني :


مره من المرات

امي بنييبها من المستشفى

وكان الوقت تقريبا 9 بالليل

واحنا رادين انا واختي بالسياره

الاسعاف تمشي ورانا

مابيني وبين الاسعاف الا سياره وحده

صعدت يمين ( مخرج يم الجسر )

وانا اصعد اطالع الاسعاف بالمنظره والا مستنه مكمله سيده تحت الجسر

انزين انا فوق !

لووول كسرت رقبتي بطالع قلت يمكن المنظره غلطانه

اقول حق اختي

" امبييييييييييييييييه " " امي " !
قالت لي " شفتها بس منصدمه ما تحجيت "
لووووول
احلى شي واحنا نطالع الاسعاف طايره واحنا مو قادرين نوصل لها :P


كان موقف يضحك لان صارت مطارده بعدين


:)
=======================
بقولكم نكته شويه مليقه توها واصلتلي
يقولكم في عيوز
راحت الدكان وقالت " عندك فكس لعوار الريول ؟ "
قال " شنو يا حلوه ؟ "
قالت " اقول عندك ككاو تويكس "
خخخخخخخ
=======================
لا تحذفون بلوقي بطماط اليوم
ماعندي شي اكتبه
بس حبيت اسولف
:)

هناك 38 تعليقًا:

عالية الثرايا يقول...

اول شئ السلام عليج ي الشيخه

شخبارج ؟

الله يخلي لكم الوالده وتكون دايما بصحه وسلامه

اول موقف ضحكني من قلب اونه انت ليش للحين تلحقنا هههههههههههههه


النكته ما عليها كلام طلعت العيوز هب هينه هههههههههه ما صدقت كلمه حلوه

Om MoD يقول...

ما تشوف شر الماما وما عليها إلا العافية ..


بصراحة السوالف تضحك ...


والنكتة عجيبه :)

Om MoD يقول...

امبيه اللقيمات خطيرة ...بصراحة مميزه :)

نمووول يقول...

ليش لقيماتج جذي عوية ؟

وليش كانت الاسعاف لاحقتكم .. انتي غلطانه تركتيلهم يمكن ما فهموا ههههه

الله يحفظ الوالدة لكم

ويحليلها العيوز ههههههه
بوست ظريف
شكراً ..

رورو الشخبوطه يقول...

السلام..

وي بعد عمري سلامتها ماتشوف شر..

ماكو الا تقلصون الاسعاف مع سيارتج مثل الطراد ..

وان شاءالله ماتحتاجها بعد..

والله يشفيها ويخليها لكم يارب..

اما النكته خخخخخخخخخخخخخخخخخخخخخخخخخخخخخخخخخخخخخخخ امبيه العيايز بلوه لي تدلعو خل تعلم ..

مشكوره فيشه..

ترا البوست حلو ماشاءالله ..

يمي كيك تبينه بدال الطماط :)

رورو الشخبوطه يقول...

نسيت اعلق ع القيمات المهم الطعم وشكلها يشوق ومقرمشه..

تسلم ايدج وبالعافيه يارب..

صوت الكويت يقول...

مسكينه اللقيمات
ليش ما قصيتي الحبل السري

جبريت(عنيف سابقاً) يقول...

هههههههههههههههه

مو الاسعافات شوي الله بالخير شكلهم الي لاحقينكم


اما النكته مو تعيدينها لوووول

لا بس حلوه سوالفج يا اخيتي السمكيه العزيزه

قانونى كويتي يقول...

اول شى سلامات حق الوالدة وما تشوف الشر

وان شا ءالله تقوم بالسلامة

وثانى شى القيمات مالتج تشبه البطة وانتى الصاجة

وثالث شى سوالفج وايد حلوة :)

طماشة يقول...

الله يعافي الوالدة من كل شر يارب، مع ان سوالفج مع الاسعاف تضحك بس مادري شلون استصعب فكرة ان كل يوم الاسعاف عند باب بيتكم الله لا يحوجكم له مرة ثانية ويشفي الوالدة. بالنسبة للقيمات انا شفتها كأنه بطة مكسرين رقبتها لول. أما النكتة احسها مليقة :D

طماشة

شاي الضحى يقول...

تصدقين انا لما شفتها علبالي انتي متعمده مسويتها سمجه .. شكلها حلو


وسوالف الاسعاف ابدااااع مت من الضحك خاصة على السالفه الاولى


والله يشافي امج ويخليها لكم ويطول بعمرها


وكل يوم سولفي لنا ههههه مشكوره :)

Enter-Q8 يقول...

اقول خليك على سوالف الاسعاف
وان شاء الله تقوم بالسلامة

GodFather يقول...

hi....hi
fishah
سلامت على الوالدة والله يحفظها
على طاري الاسعاف تذكرت اميل وصلني في احد دول شرق اسيا يشلون المريض بوانيت وانقلب الوانيت ويابو اسعاف حق المريض وراعي الوانيت اخخخخخخ وسلامتك....

اجتماعي يقول...

ألف سلامة على امج ..
وما تشوف شر ..

==

إعتبريني ضحكت على النكتة :d

princess adadi يقول...

لوووووووووووول

اللقيمات مو صج .. بعد هذا تسمين لقيمات ؟؟
اخترعتي شي يديد

لوووول اهم شي يمكن المنظرة غلطانة ههههه
الله يشافي امج يارب :)

مع ان النكتة مليقة بس يلا نطوفها لج هالمرة :P

يعطيج العافية
بوست لطيف وظريف وخفيف > بايقتها من بعض الناس

bhr.qadsaweya يقول...

عيدج مبارك فشة
وتقبل الله طاعتج ان شاء الله

امبيـه الموقف الأول حده يضحك
من صجة ؟!

والموقف الثاني هم يونس

بس الله يعينكم ويشافي الولده

يعطيج العافية

she is me يقول...

تدرين؟
مرات نضحك على النكتة مو من طرافتها
على سخافتها و بياختها ^^

الله يشافي أمج ويعطيها الصحة والعافية

ما عليج ما عليج .. سوالفج تونس

Fishah يقول...

عالية الثرايا

حيالله اهل ابوظبي :)

آمين يا رب .. تسلمين يالغاليه

هههههههههههه فيه كذا موقف بس استحي اقولهم لوول كافي :)

نورتي المكان .. لا تقاطعين :>

Fishah يقول...

Om MoD

الشر ماييج .. تسلمين حبوبه :)

ههههههههههههه النكته على قولتهم ماتضحك بس من سخافتها تضحكين .. نفس نكت المحششين لوول

اللقيمات اول ماشفتها فز قلبي قلت شبيهة نك نيمي لوول

اسعدني مرورج .. حياج الله :))

Fishah يقول...

نمووول

مادري .. انت ماشفت التجارب اللي قبلها هاذي اهون وحده لوول

اي بس بدعه لاحقيني وانا بالفريج احوس خخخخخخخ

شكرا شكرا .. حياك الله :)

Fishah يقول...

رورو الشخبوطه

الشخبوطه

الله يسلمج .. الشر ماييج ان شاءالله

ههههههههه اي والله خوووش حل ما فكرنا فيه :>

ههههههههههه ادري العيوز مليقه :P

اي ميخالف الكيك اهون من طماط :P

اي كان طعمها NotBad :)

يسلموووو خيتووو .. حياج الله :)

Fishah يقول...

صوت الكويت

هههههههههههههههه اتصدق تعليقك موتني من الضحك .. كل ساعه يطري علي :)

يسلموو على المرور .. حياك الله

:)

Fishah يقول...

جبريت

اتــــوب ماعيـــدها .. اشوا اني قايله انها مليقه خخخخخخخخخخخخ


مشكور .. حياك الله

:)

Fishah يقول...

قانوني كويتي

الله يسلمك .. الشر ماييك ان شاءالله

انت نظرتك نفس نظرة ابوي .. اهوا قال عنها بطه بعد .. بس انا فز قلبي قلت لا هاذي سمجه :))

يسلموووو على المرور .. حياك الله

:)

Fishah يقول...

طماشة

الله يعافيك تسلم اخوي

اي والله معاناة استغفرالله :<

اي ابوي بعد قال عنها جذي :<

لووول مليقه حدها ادري .. بس وصلتني مسج وانا اكتب قلت خل احطها خخخخخ

يسلموو على المرور .. حياك الله

:)

Made n Q8 يقول...

loool
النكته سخيفه بس ضحكت عليها خخخ
والقيمات يحليلها جنها بطه رافعه راسها
:)

..pen seldom يقول...

هههههه

ضحكتني صورة القيمات ..

لأنها تشبه اللي - أجرب - أسويهم


:p لوول

أما الموقفين .. هههههه

جد ضحكني .. قال أيش شفتك مشيتي مشيت وراك ..

.. الله يسلم لكم الوالدة من كل شر

يارب ..

أرق التحايا لكِ ..

Fishah يقول...

شاي الضحى

اي انا حبيت شكلها :>

امييييييييين يارب .. الله يسمع منج

مشكوره شوشو .. حياج الله

:)

Fishah يقول...

Enter-Q8

الله يسلمك بو وليد ماتقصر

يسلموو على المرور

حياك الله

:)

Fishah يقول...

GodFather

الله يسلمك الشر :)

ههههههههههههههه ضحكتني السالفه اللهم لاشماته

يسلمووو على المرور .. حياك الله

:)

Fishah يقول...

اجتماعي

الله يسلمك .. الشر ماييك يارب

لووووووووووووووووول ادري انها مليقه والله ادري :P

اسعدني مرورك .. حياك الله اخوي

:)

Fishah يقول...

princess adadi

هههههههههههههه اي هاذي مو لقيمات هاذي سميجات :P

آميـــــــــــين يا رب العالمين :)

لوووووووووول اتوووووب ماراح اعيد نفس موديل هالنكت خلاااااص :<

تشكرات حبوبه على المرور .. حياج الله :)

Fishah يقول...

bhr.qadsaweya

اهليـــــــــن

ايامج سعيده حبيبتي .. منا ومنج ان شاءالله

آميــــــــــــــــــــن

الله يسمع منج :*

الله يعافيج ويخليج .. حياج الله

:)

Fishah يقول...

she is me

اي ادري .. هالحاله تحوشني من نكت المحششين المليقه اقعد اضحك :>

الله يعافيج حبوبه .. تسلمين

مشكوره .. حياااج الله

:)

Fishah يقول...

Made n Q8

صاجه اهيا شكلها اقرب حق البط من السمج :|

حياج الله خيتووو

:)

Fishah يقول...

pen seldom

اي شكلها كيووت :>

انتي ماشفتي باجي الاشكال لووول

الله يسلمج من الشر يالغاليه

حياج الله

:)

Fantaseyah يقول...

هلوووو

يالعياره شكلج متعمدة تسوينها على شكل فشه هاااااا :)

والله ضحكت على سالفة الاسعاف السايق حده اهبل الصراحة ....
قاعدت اتخيل المطاردة وتذكرت المطاردة الي سوينها يوم كنا رايحين معرض الكتاب ومطاردة المؤتمر يوم كانو مسكرين الشوارع لوووول

استانس لما اكتبلج تعليق وانتي يمي ;)

flaanh يقول...

الله يحفظ لكم والدتكم ..وتشفى قريب وعاجل ان شاءالله ..

بس موااافقج طررررررر الصرااحة ..