الأربعاء، أغسطس 05، 2009

تناتـــــــيف

في وقت نلاحظ فيه التكنولوجيا وصلت الى درجات ابعد من الخيال

ووقت ننادي اهني بابسط شي وهو تطبيق الحكومه الالكترونيه

وتسهيل امورنا بجميع المجالات بمجرد جم زر

انصدم فيه من خلال روحتي مع رفيجتي حق مبنى وزارة التربية

لتكملة جم ورقه ناقصه من ملفها

للاسف ندور فااااااكس ما نلقى ! صاير عمله ناااادره

وين التطور في غياب ابسط انواع الاجهزة

متى بنعيش عصر السرعه !

وطبعا افترينا ( احنا اللي ندور وين لان اغلبهم يقولون ماندري وين مع العلم ان نفس الادارة)

ولما نلقى يكون رد البنت :

- فاكسنا يديد البلاك مو مركب قوليلهم يدزون مره ثانيه ( طبعا ما ضبطت معانا )

- مادري الفاكس يشتغل او لا ( وتطالعه بنظره جنه كائن غريب )

- مادري انا يديده مادري مادري وتسوي عفسه بالاوراق اللي جدامها ( انتي اليديده الفاكس اللي يمج شكو بالموضوع)

- الفاكس من اليوم Sleep مادري شفيه ! ( قعديه من النوم لوول )

ااااااااااااخر شي لقينا فاكس .. بس احنا اللي عابلنا فيه وافتكينا :)

بس كانت رووووحه ان شاءالله ما تتكرر خخخخخ .. سوري يا رفيجتي اذا بتروحين ماراح استأذن واروح معاج سامحيني :>


======================================


مع تغيير رقم الطواريء 777 حق 112

سؤال يطرح نفسه

ليش ما خلوه 211 على وزن 911 عشان ما ننسى؟

وليش من البدايه ما خلوه 911 عشان يصير رقم معروف متدارج ومتداول بين الناس برا

قولوا لي مو خوش اقتراح؟ :)


===================================


امس وانا بالسياره ( كالعاده ) دااااايسه

( ياربي اعشق السرعه )

تووووووني اكتشف ان الكاميرا لها ويهين؟ لووول

والله لما خففت وطفتها طالعتها بالمنظره والا اشوف ويهها الثاني !

من متى؟ امبيه انا جني مو عايشه بالدنيا شفيني ما الاحظ هالاشياء واواكب التطورات بالديره؟ :P


طرالي عقبها كلمة ودي اقولها حق اللي اخترعوا هالكاميرات بصوره عامه واللي حطوا الكاميرات بصوووره خاصة

" تبــــــــــــــــــــــــا لــــــــــــــــــــــكم " !


==================================


واخيرا نصيحه " غذائية " مني لكم

لا تجربون وجبه ماك اليديده ( جروميه )

الله يزيد النعمه .. ماراح اعلق عليها

بس ترا مأسااااااة وغلطة عمر اللي يطلبها :<


====================================


وتقبلوا مني فائق التحية والاحترام ;)

هناك 80 تعليقًا:

غير معرف يقول...

انا معاج يافشه على سالفة الوزاره وعسا مايحدني الزمن واروحلها والناس تتمنن علي هناك
2-ماادري ليش يغيرونه من الاساس خلاص يالله مخي قدر يستوعب هالرقم الحين لازم اكوكه على الرقم اليديد لوووووول

3-اي والله من يوم ماحطو الكاميره ام ويهين وانا كله جاكتني جن محد يدوووووس بالسياره بالكويت كلها غيري

4-اي جربتها اهم شي الجرجيره الذايبه بالوجبه يعني حركاااااااات ياماكدونالدز


ام عنكوش

Fantaseyah يقول...

كان يوم اسود لما رحتوالوزارة الدايخة
مادري عيل الكتب الي توصل بالبريد كل يوم طالبين حبر حق فاكساتهم وين يودونه؟؟

انا مو عاجبني الرقم لازم يلقون حل ..

انا ضاق خلقي لما حطوها بطن وظهر قبل كنت ابتسم لما تصورني ؟؟ الحين شلون راح ابتسم لها واهي وراي؟؟؟؟


الله يزيد النعمة كلش ماعجبتني ..

لا تتاخرين مره ثانية نبي بوستات حلوة نفسج :*

عثماني يقول...

هذي الكويت صل على النبي

:)

رورو الشخبوطه يقول...

هلا فشويه..

اشتقنا لسوالفج..

امبيه مو بس سالفة ماكو تكنولوجيا الفة تفلسف زايد ..

احنا بادارتنا فاكس كل يوم ينحذف بمكان عشتو البنت ماتبيه مع انه اول يسالونها الفاكس يشتغل تقول لا واهو يشتغل اهي الله يهداها كل تتفلسف ويطلع غلط خو انتي ماتدومين شله التفلسف خخ..

وي جني سويت بوست 2 :)

اي تو فيس الكاميرا على الموضه ودير بالج من السرعه ..

صج منزلين وجبه يدده وماقلولي اف مو هذا العشم يمكمك ..

ومرسي ..

اجتماعي يقول...

تبا للي يدش يقرا كلامج وما يضحك :)

شاي الضحى يقول...

انتي من صجج صار عندنا شي عادي ماكو فاكس ماكو تليفون لازم نتعود على جذي مادري ليش مبنى شكبره عالفاضي بس شاطرين يحطون لنا اخر التطورات في كاميرات الشوارع عشان يصيدون الناس الحين ام ويهين وباجر او اربع تدرين بعد حكومتنه فقيره يخالفون الناس عشان تصير عندهم ميزانية ويشترون "فــــــاكــــس"

الفلوس اللي قطيتوهم على الكامرات قطوهم على تصليح الشوارع وايد احس كافي الناس اغلبها عندهم ديون وقروض بعد تزيدونهم بالمخالفات

مشكوره فشه خليتيني اطلع الحره اللي بقلبي هههههههههه :))))

Manal يقول...

مساء الخيرات
الله يساعدكم
صج الحالة كسيفة كل هالتطور
وكل هالطلبة الي يدزونهم يدرسون في الخارج
والبعثات الي لها شروط تعجيزية
وووووو
بيييييه عندي وايد اشياء اقولة
كل هذا وما في فاكس

وما يعرفون يشغلون الفاكس

والله حاله صعبة

الناس صارت تتعامل مع الايميل
والبي دي اف
وغيره
واحنا الفاكس سعفس يومنا علشان معاملة

ترا عندنا وعندج خير
وانا مارة بالهالسوالف وايد

اما مكدونالدز
فلا يحوشك
ولا وجبة وحياتج الا الفش فيليه ومن الدول الاوروبية بعد مو من الدول العربية
:)

GodFather يقول...

HI....HI
FISHAH
تصديقين فيشة من حوالي 10 سنوات قلت خل اطور ادارتنا التعيسة اللي خبرك بس اصولها يخلص الدوام وارجع بيتنا من بعدها المهم رحت شارع بن خلدون ولاحظي ان من عشر سنوات يعني التطور الفاكس بالكمبيوتر من زمان وشريت برنامج فاكس حق الكمبيوترات المكاتب اللي فيها فاكسات ومنها مكتبي وقلت بلا قراطيس افتح فايل بالوورد والسلام خصوصا يوم تشطروا على دوام موظفينا بالمباني الخارجية واحنا عندنا اكثر من فرع بالديرة وانطر احد يستخدمة كل يوم مخلي جهازي شغال احد يدز تقول اختراع ذرة الى ان غيروا الاجهزه وراح البرنامج ولااستخدم من احد الا مني ادز حق نفسي .....
************على طاري رقم 112 توني ياي من برة وشفت الاعلان المعلق بخط السريع صج ديرة مراهقيين الكل يبي يغير الرقم يعني شفيه الرقم777 واحنا نعلق على الشباب اللي يغيرون الرقم كل مرة
واقول من وين متعلمين سالفة تغير الرقم.....
************
خخخخخخخخخخخخ يقولون راح يحطون كاميرة 3 دايمنشن الثلاثية الابعاد وحتى يصورون الممشى واي اواحد يسبق الثاني في الممشى تخيلي قاعد امشي وسبقت الشخص جدامي تولع فلاش ورقم التي شيرت من ظهري من القوله ....
**************
تبون نصيحتي لاتاكلون من الوجبات السريعة وخصوصا في المجمعات الكبيرة ترى مايبدلون الدهن وشوفوا جم وجبة يسون بالدهن مع الشبس اعتقد ينطرون الي ان يتبخر ويحطون دهن يديد...

bhr.qadsaweya يقول...

فشه يعطييييييييييج العافيه

بس نو كومنت

يعطيج العافيه

star يقول...

مساء الخير

fishah

وتقبلوا فائق التحية والاحترام .. اشكره موظفه حكومية متعوده تسوي كتب رسمية .. اعترفي .. اصلا هالجملة مالت ادارتنا اهي واختها وتقبلوا اطيب التمنيات،،، لازم 3 فواصل عقبها

الي بعدو


ترا جورميه لذيذه بس لا يحطون لج فيها طماط و حطي زيادة جبن و يسون لج وحده فرش قولي لهم: اي ول ويت ميك نيو ون هوت اند فرش :))
وتطلع لذييييييذه اسأل مجرب ;P

عنيف يقول...

اولا الكامره تصور من ورا الحين مو من جدام

ثانيا هذا حال جميع الوزارت يعني فاكس محد يعرف له غريبه

ثالثا الوجبه مادري عنها انا من كل مطعم وجبه محدده اخاف اغامر

ورابعا رقم 112 حطوه لانه رقم عالمي بكل التلفونات واي تلفون لو تشيلين السيم كارد الي فيه يدق على هارقم تطور يحليلنا

Fishah يقول...

أم عنكوش

الصراحه كان الوضع والمكان حدددددده مأسااااة :(

لووووووول ذاكرتج تعبانه مثلي :)

ياربي مااالووومج .. السرعه اتينن تعطيج شعور حلو :P

اي والله جرجيره حدها ذااايبه ومنسدحه برا الساندويتش وكلها دهن استغفرالله:(

دوري لنا وجبه ثانيه :P

ميمة السبيت يقول...

** الوزارات و ما ادراك ما بلاوي الوزارات و شمودييييج معاها قعدي بالدوام جابلي مدونتج وايد احسن و بس سرعه يا فشفوووش والله موزييين عليج ترى اغلب الحوادث سببها السرعه ديري بالج يابنيه ..

ويييه نسييت اسلم

صباح الورد و النويير و هابي ويييك اند

Fishah يقول...

Fantaseyah

اي والله
ايييييي والله !
كان يووووووم اسود منقط برماااادي بعد :(

اي انا مو عاجبني بعد .. خنوقع على عريضه خخخخخخخ نسيت اسمها .. نطالب بتغيير الرقم :P

لووووووول خلي خدامتج تقعد ورا وتكسر رقبتها تبتسم :))

اي والله توووبه اطلبها كلش ملش ماااحبيتها :(

ان شاءالله من عيوني :)

Fishah يقول...

عثماني

الشكوى لله :(

الوضع مو عااااجبني ودي اتحلطم اكثر بس ليش اقهر روووحي :)

خل اكمل الاغنيه هههههههههههه

:)

حافظك الرحمن :>

Fishah يقول...

رورو الشخبوطه

اي انا قاااطعه شويه :(
بعد عمري والله ولهت عليكم :*

اي سوي سوي اخذي راااحتج انا احب القرقه هاااو نسيتي؟ :))
هاذي ام التفلسف ماحبيتها .. انا اقول خلي الفاكس عندج خل ادزلج صباح الخير فيه كل يوم هههههههه .. ياكره اللي ما يداومون واذا داموا حاسوا لهم بجم ورقه واشتطوا فيها بالممر يعني ترا انا خابه روحي واشتغل شوفي هالورقتين لووووول

مكمك اشوا انهم ما قالولج عنها .. الله يحبج هههههههههههه

Fishah يقول...

اجتماعي

يا عسى دووووم هالضحكه يااارب :)

ونسني هالتعليق .. الحمدالله سوالفي مو دمها ثقيل هههههههههه

:)

يسلمووو

Fishah يقول...

شاي الضحى

صااااااااجه والله بكل كلمه قلتيها .. سوالف تبط الجبد .. بس الواحد يتحلطم على شنو والا شنو :(

بعد عمري والله قلبج مترووووسه ههههههههه

:*

Fishah يقول...

Manal

اي والله صاااجه

استغفرالله ذابحهم هالتخلف .. ناس يتطورون واحنا كل مالنا ونرد 10 سنين وراا

{~المباركية~} يقول...

لي هالدرجه الفاكس اختراع يديد و معقد ؟

امس بنت عمتي قاعد تسألني تقولي جم رقم بدالة المطاعم وكل واحد قاعد يتشيطر على الثاني من ضمنهم خلينه واحد رزين يعطينا الرقم جان يقول رقمهم 112 ولاتدق ويطلع لها العمليات كاااك حده كاااك واحنا يالله من مال الله

عاد عسى قلتي تشيييز حق الكاميره حق تطلعين بالصوره حلوه ;p

انا جربتها اول مره عجبتني مره ثانيه ماعجبتني حسيتها بايخه وماتهجي

ينطيج الف عافيه

Fishah يقول...

GodFather

لول انت حايشتك الحاله اللي انا الحين حايشتني .. قاعده اقولهم بشتري فاكس حق داري .. وادري اذا شريت بس بدز حق رووحي ههههههههههه

ههههههههههه مساكين لان توهقوا يبون حيز حق ارقام يديده

لووووول على سالفة الممشى :)

شنسوي الوجبات ياربي ساعات الواحد يضطر ( بيني وبينك دايما مضطرين ) خخخخ

Fishah يقول...

bhr.qadsaweya

الله يعافيج .. كافي هالطله الحلوه :)

Fishah يقول...

Star

صااااادووووووووووووووه لوووووول
اي والله مقروووده بهالقطاع الحكوومي الله كريييييم :>

اختها ما مرت علي .. دايما اكتب الاولى مع ال ,,, على قولتج :)

:)

انا طلبتها واهيا بعيده كل البعد عن معنى الفريش :(
استغفرالله لا تذكريني

عطينا اقتراحات اخرى :>

Fishah يقول...

عنيف

مادري المهم تبا لهم وتبا لكاميراتهم :<

عيل انا احب اجرب كل شي يديد :)

والرقم ماااااااااالي شغل فيهم .. انا ابي 211 .. مو احلى؟ هههههههه

Fishah يقول...

ميمة السبيت

شدراااااااااااااني ياوخيتي .. رزيت الويه معاها عبالي ماراح نطول :<
المهم انه تووووووووووووووبه

ان شاااااء الله احاااول اخفف :<
اي ادري موزين .. بس وناسه :))
انزين انزين اتووووووب :<

صباح التوت والفراوله :)
يو تووووو حبيبتي :*

Fishah يقول...

{~المباركية~}

اي والله باطين جبدي شلووون ما يعرفوووون له .. مو شي صعب !!


مادري ماحبيتها من اول مره هالوجبه ولا راح تصير في مره ثانيه باذن الله :)

الله يعافيك اخوي :)

نمووول يقول...

من صجج تبين يطبقون الحكومة الالكترونية بعدين مايقدرون يشغلون الواسطات عدل وفي ناس تشتغل من تحت الطاولة شلون تبينها تشتغل من تحت الكمبيوتر

انا اقول كبداية المفروض يطورون من نفسيات الي يشتغلون بالوزارات خاصة الي يتعاملون مع المراجعين بعدين يصير خير على عصر السرعة

من صجج توج تدرين ان الاشارة لها ويهين عيل شكلج مخلصة فلم الكاميرا هههههه شخباري وين في كاميرات بفلم الحين
ماعليه تكبرين وتنسين


بخصوص الرقم 112 فهذا رقم الطوارئ الدولي حتى لما تكونين باي دولة ومن غير لا تحطين خط بالجهاز ولاقدر الله صار لج حادث تدقين ويردون عليج بس توهم يستوعبون بالكويت هالشي المفروض من اول يوحدونه مع الرقم العالمي مو يضيعون الناس الحين تعال خل الناس تتذكر انهم غيروا الرقم
الله كريم

بوس جميل ولطيف وخفيف
تسلم دياتك

بنت أحمد يقول...

آه من وزارات التربية

ماعندها من التطور شي

الله يرحمنا بس

كويس قلتي لنا عن وجبة ماك عشان مااغامر واجربها

ميرسي على سوالف الحلوة وتناتيفك

تحياتي لك

^_^

أحمد الحيدر يقول...

الله يهداكم الحين الناس ايميل وانتو تدورون فاكس ;p

جد زين لقيتو .. لأن موظفين الوزارات عامة صايرين نحاسة :)


أما الرقمى 112 فهو رقم الطواريء الدولي .. يعني بأب دولة بالعالم حتى لو عندهم رقم ثاني للطوارئ بس تدقين 112 يردون عليج ..

حتى التلفون لما ينقطع الخط وانتي بأي دولة بس تدقين 112 يردون عليج الطوارئ ..

فمن جذي أؤيد الخطوة :)

تحياتي ..

The.One يقول...

بعـد,, ربادة الحكومـة وما أدراك ما ربادتهـا

بالمناسبـه ثيم البلوق يشوق !
شكـرا عالنصيحـه
وتناتيف حلوه :)

آلاء الظفيري يقول...

فيشـة ..

أستمتعت جداً وأنا أتابع عفوية متصفحكـٍ ..

دامت روحكـِ العذبة

kazmawy يقول...

هلا بفيشة وغلا
وجبة مكدونالدز مااعرفها يمكن شريتها من شهر اذا هى والا لا مااذكر:)
وسالفة الرقم 112 لانه موحد مع دول الخليج اعتقد
باى ديرة تتصلين 112 هو رقم الطوار~
واما السرعة الله يفكنا من شرها يا وخيتى ديرى بالج على روحج وفكرى بالى وراج ينطرونج الله يحفظنا واياج :)

fatto يقول...

ياحلو سوالفج .. استانس عليها :)

حدج موعايشه بالديره .. من زمااان حاطينهم الكامره بو ويهين لوول .. عسى ماصورتج بس ؟
اشلج بالسرعه بس .. ديربالج على روحج .


وماكدونالدز انا اطلب شيين بس .. هابي ميل جيس بيرقر ويلا ماك رويال .. ماحب اجرب شي يديد اشوه :)

Fishah يقول...

نمووول

احنا لو بس نفتك من هالواسطات جان اوضاعنا تصير اوكي :<

لووووول شخباري ام فلم صارت أثريه الحين :>
اي انا حااااسه اني مسويه مجلد صور بالمرور لووول الله يستر

امبيه الحمدالله والشكر توني ادري انه عالمي .. مو قلت لكم اني مو عايشه في هالدنيا :P

شاكره لك مرووورك .. الله يسلمك :)

Fishah يقول...

بنت أحمد

وزارة التربيه اتوقع اللي طالع منها موووولووود واللي فيها مفقووود

تسلمين مروورج الاحلى حبيبتي :)

Fishah يقول...

أحمد الحيدر

شدراااني قووولهم .. ما يعرفون هالتطورات بالاضافه الى ان النحاسه على قولتك عامله عمايل فيهم :)

ششششششششششش لا تقول حق احد .. توني ادري انه دولي ششششششش شششششششششش
بس خاموووووش لا تقول حق احد :))

حياك الله :)

Fishah يقول...

The.One

شكرا شكرا كلج ذوووق :>

انتي الاحلى يسلمووو :)

Fishah يقول...

آلاء الظفيري

تسلميـــن حبوبــه
حياج الله في مدونتي .. نورتي :)

Fishah يقول...

kazmawy

يمكن ذايقها بالغلط نفس حالتي :<

انزيييييييييييين انزين احاااول ادير بالي شكرا على النصيحه
ذكرتني بمقولة "ارجع لنا سالم" لووول "شكو" خخخخخخخ

حياك الله :)

Fishah يقول...

fatto

بعد عمري حلت دنياج :)

والله شكلهم صوروني لما ملوا مني لووول

انا كنت خوش بنيه ما اطلب شي ماعرفه بس مادري شفيني اختربت :P

حياج الله :)

aL-NooR . يقول...

انا مو حارني الا الكاميرا.. احسها نحيسة ... و على الوجبة ما جربتها بس جينا قالوا حلوة .. خلاص ..بلاك لست



D:
************

Fishah يقول...

aL-NooR

نحيسه شويه عليها :<
مره احسها خلت اللي جدامي وصورتني لوول

اييييي بلاك ليست .. كافي فيها جرجير :<
استغفرالله

اسعدني مرورج يا حلوه :)

Angel Orchid يقول...

ياا حلووو بلوقج بيوم دوام غثييييث صج تونسين
:*

ميمة السبيت يقول...

** يا أهل الله ياللي هنا ، وين ينيتنا ولهنا عليها ..

Fishah يقول...

ِAngel Orchid

حياتي والله .. تسلمين :)

امبيه صج ترا استحيت هههههههههههه

:>

مشكوره :***

Fishah يقول...

ميمة السبيت

اهلييييين حبي :)

واااااي فديتهم والله اللي يسألون عني :***
انا بعد ولهت عليهم هااااااااااااااالكثر :>

كاني بس كان عندي شغل ايففف اييييف :<

كبرياء وردة يقول...

اوووووووف لا تذكريني

اللعام نطرت شهر كامل عشان اترجم شهاداتي حق الجامعه

الله يصلح حالهم بس

اي كاميراتكم ياما جكتنا ومن يومها حرمت ادوس بالكويت :p

وشكرا على النصيحه ;)

reemas يقول...

ذكرتيني بمره رحت ادفع فاتورة الكهربا قالولي ما عندنا ورق عشان نطبع لك الكشف
روح دور بالمكاتب شوف منو عنده ورق يعطيك و يب وياك الورق
و بعدين علي طاري وزاره التربية
مادري ليش احد اني داش بيت كله حريم و لازم اصرخ درب درب قبل لا ادش اي مكتب عشان كل وحده تغطي ويهه
مره وحده قالتلي انطر شوي بره على ما رفيجتها تلبس نقابها
مادري وين قاعدين ... بصالة بيتهم ؟
تحياتي

Fishah يقول...

كبرياء وردة

فعلا الله يصلح حالهم ويعدل امورهم ياااارب دعوه من القلب :>

لوووووول طلعتي نفسي .. حبيــــتج :P

اسعدني مرورج .. حياج الله :)

Fishah يقول...

reemas

هههههههههههههههههههه امبيه انت صكيت على موقفي .. شلون وصلنا حق هالمستوى؟ يطرشون المراجع يدور اوراق؟ صج الحاجه لنا بس مو ليييييه هالدرجه!!!!
بطوا جبدي ( عصبت ) :<

اي انا ملاحظتهم لان كله ياكلون لوول ماشاءالله عليهم :)

اسعدني مرورك الاول .. حياك الله :)

شاي الضحى يقول...

فشه مبروووووووووووووووووووووووووووووك على النيولوك حده التصميم عجيييب

عليج بالعافيه :)))))))

Fishah يقول...

شوشووووو

الله يبارك فييييييييييييييج ويعافيج :))

اي حلووووو صح ؟ حطيت اليديد الحين شرايج :>

حَافِـيَةُ الَقَدمَيّـنْ ولِبَاسِي المَطـرْ يقول...

لووووووووووول
الله يكون بالعون
عندهم كمبيوترات ولابتوبات ترس الوزاره
وفاكس ما عندهم
يبا هذي الكويت صل على النبي p;
...
بعدين لا تدوسين السرعه قاتله مو زين

شاي الضحى يقول...

اي الحييين احلا هذا اشرح من القبلي

اصلا انا احتريت منج وقلت حق زعفرانه تسويلي تصميم

يالله دشي شوفي بلوقي بالنيو لوك هههههههه :)))))

جنون الكويت يقول...

مشكله لما كل الناس تطور والدوله بعدها ماتطورت........
تبا لهم هههههههه من ساهموا بتاخر تطور ديرتنا الحبيبه

زعفرانه يقول...

الوزارات سوالفهم ماتخلص..

من شهرين انا و رفيجتي بغينا نخلص جم ورقة من وزارة الصحة .. سألنا واحد من الموظفين قالنا في هالدور يمين.. رحنا يمين قالو روحوا فوق .. رحنا فوق و ساعة على ما وصلنا المكان الي نبيه قالولنا مو عندنا روحوا تحت يسار .. رحنا تحت يسار قالنا واحد من العمالة الهندية لا مو هني روحو يمين!!! .. سألناه متأكد ؟؟ قال لا تعالوا هني (يسار) !!! ..

والله انقلب راسنا.. و اخر شي بالمكتب الي نبيه السكرتيييره ( ام اظافر تركيب فسفورية و هدوم مصرصرة )قابلتنا بنفس مو طبيعية و ازرعتنا سنه على ماخلصنا شغلنا ..

واااااااي الله لا يحوجنا للوزارات ( عيل شلون بتخلصين شغلج؟ :P )


يعطيج العافية فيشووو.. سوري قرقت عليج..

صوت الكويت يقول...

أه
غيروا رقم الطوارئ متى
ورقم 777 من حقه وليش غيروه
وين مسلم البراك عنهم
ما يستاهل 777

Enter-Q8 يقول...

ترى انا ماكنت ادري عنه الا بالصدفه بدق على فيفا و الا الخط يلقط بسرعه مافي انتظار استغربت و الا الاخ يقول عمليات...
انا اللحين مصدوم اني ما انلطعت يصدمني الاخ و يقول عمليات
انا اقول يمكن واحد بيشتري رقم
77777777
فعلشان جذي غيرو الرقم
مو تتهورين و تتصلين

Barrak يقول...

التكنولوجيا الحديثه تحتاج ارضيه اداريه صح مو ناس من الصبح همهم البطاط والفلافل والدقوس

قلب طفله يقول...

صباح الورد

1- وزارة التربية ضييم خليها على الله

2- رقم الطوارئ توني اعرفه منج مع اني كل مره اشوفه بالخط السريع يقولون تغير بس تغير لجم ما انتبهت لووول

3-الكاميرا انصدمت لما قريت انها صارت تو فيس حدي مينونة سرعه و توووووووووووني ادري بالله ويني فيه الدنيا اطورت يا قدعان

4- ماكدونالدز الله يزيد النعمه كله كله ما احبه اللهم ماك فلوري و
صن دي بس .

الرقم اليديد و الكاميرا دبل فيس عرفتهم من تناتيفج المباركه :P

..pen seldom يقول...

سعيدة لتواجدي هنـا ..

:)

في الحقيقة نفس المشكلة التي عانيتي منها حين ذهابك مع صديقتك ..

تواجهنا أيضاً ..

مع أختلاف البلاد .. والمكان ..

إلا أنَ ردة فعل الموظفين نفسها ..!!

؛)

ياسبحان الله ..

....

وأيضاً ..

أسلوبك جميل جداً في وصف المواقف ..

:)

لي عودة إن شاءالله ..

kazmawy يقول...

قوة فيشة يلا وين بوستاتج صارلج اكثر من اسبوع ترى نصكج مخالفة المدونات
لووووووووووووووووول::)

Fishah يقول...

حافية القدمين

اي والله .. اصلا كافي المبنى يسد النفس استغفرالله :<

ان شاءالله اتــــــــــوب :>

حياج الله خيتوو :*

Fishah يقول...

شوشو

يه يه يه افااا عليج .. عطيني بس 10 دقايق واطل عليكم واشوووف تصميم زعفرانتنا :)

Fishah يقول...

جنون الكويت

اي والله تبا لهم ههههههههههههههههه

:)

Fishah يقول...

زعفرانه

وييييه حبيبتي يا حلووو قرقتج :***

واااي وزارة الصحه متاهات ممراتها .. انا اشك ان حتى اللي يشتغلون ما يدلون غير مكاتبهم صدقيني :P

يقولون تعرفين تسوين تصاميم يه يه يه كشخه بنيتنا :>

Fishah يقول...

صوت الكويت

ههههههههههههههههههه اي حسافه عليه
مسلم خله لاهي في مواضيع اهم :P

اسعدني مرورك الاول .. ان شاء الله ما يكون الاخير

:)

Fishah يقول...

Enter-Q8

اي الظاهر احد حاط عينه عليه من زمان
هههههههههههههههههههه لاتحاتي ماراح اتهور :P

حياك الله :)

Fishah يقول...

Barrak

اي والله صاج
بس الواحد شيقول؟ الشكوى لله :<

اسعدني مرورك .. حياك الله

:)

Fishah يقول...

قلب طفله

اللوحه اللي بالخط السريع .. امر على 2 .. اول وحده اثبت السطر الاول والثانيه اكمل منها الجمله لووووول
ترا احس ان مالهم معنى ! :<

فلوري ماقمت احبه .. اكره قفشتهم خخخخخ

زين اشوا تناتيفي استفدتي منهم :>

اسعدني مرورج الاول يالغاليه :)

Fishah يقول...

pen seldom

الظاهرالموظفين يبيلهم دورة في تحسين النفسيه وكيفية التعامل مع الاخرين لووول

مرورج الاجمل عزيزتي .. بانتظار عودتج ان شاءالله

:)

Fishah يقول...

kazmawy

اهنن اهنن :)

والله ياخوي ماعندي شي اكتب عنه او اتحلطم عليه :(

وي يا حسرتنا لا يكون هالمخالفه غاليه؟ ترا صرفت كل فلوسي هالشهر لووول

:)

Sweet Revenge يقول...

حكومة الكترونية مو قالوا راح يلغونها
الله كريم
"اي والله شنو يمنع تستخدم 911 .

معاج قلبا وقالبا "تـــبا لكم "
بس لاتسرعين مو زين ,ديري بالج .

الفاست فودد كله من زمان مطلقته ورديته بيت اهله بعد ;)

Fishah يقول...

Sweet Revenge

مادري عنهم .. انا قلت انه خوش اقتراح :)

فديتهم والله اللي معاي قلبا وقالبا :>

ان شاءالله حبوبه احاااااول ;)

طلقتيه؟؟ هههههههههههه انتي ماتغشمرين .. انا ماااقدر لازم اسمم نفسي في هالوجبات :)

حياج الله :)

قانونى كويتي يقول...

صباح الخير

كلامج بمحله صج وايد مرينا بنفس الحالات اللى قلتى عنها

وبذكر قصة بعد اذنج هم صارت معاى بالنسبة للفاكس بس انا بغيت فاكس دولى مو محلى وما تتصورين اشكثر لفيت ويالله حصلت فاكس دولي صج مشكلة من ضمن المشاكل اللى نعانى منها

وشكرا على المواضيع القيمة

ميمة السبيت يقول...

** فشووووشه الحلوه كل عام وانتي بألف خير يا رب و مبارك عليكم الشهر و ينعاد عليكم بالصحه والعافية .. تعالي لقيتوا خدامه ؟؟

she is me يقول...

وزارة التربية مأساة
موظفاتهم كل خارج منطقة التغطية

على طاري الفاكس
تنبط جبدي لمن أحد يقول فاكس
يا ناااس في شي اسمه ايميل

والكاميرا .. ترا أنا ما أدري توني دريت منج ^^
ورقم الطوارئ صج غيروه؟!!!
أنا الي صج مو بالدنيا

Fishah يقول...

قانوني كويتي

صبـــاح النـــور والســرور

حاسه في شعورك لما لفيت هاللفه العظيمه .. احنا مابقى قسم ما دشيناه :<

ههههههههه تقصد التحلطم القيم :)

يسلمووو على المرور .. حياك الله

:)

Fishah يقول...

ميمة السبيت

اهليـــــــــــن حبي شلووووونج

وانتي بخير .. علينا وعليج .. اجمعين ان شاء الله الله يسلمج :)

لااااااااااااااااااا تذكريني فيها .. اللي طالبتها ليلحين ما يت .. دقيت عليهم قال لي انه الفحص الطبي ومادري شنو .. ونطري علي يومين .. عاد قلت بجيك عليه السبت .. لاعت جبدي فوق الشهر وانا ناطرتها :(

اهي اهي :<

Fishah يقول...

she is me

اي بدعه حدهم

ايميل؟ هههههههههههههههه ضحكتيني .. اصلا المكاتب اللي دشيناها حتى كمبيوتر ماعندهم :P

اتمنى يحوشهم هالتطور بعد 10 سنين :>

بعد عمري انتي مثلي .. حبيتج :) .. مادري شاللي يصير بالديره كله قاعده بقوقعه في بيتنا :)

اسعدني مروووووورج .. حياج الله :)