الخميس، يونيو 18، 2009



هاذي ( سموكة ) العضو اليديد في مكتبنا :)
*************************************************

اليوم صار جدامي موقف يضحك

كان عندنا مقابلات توظيف

فا كذا بنيه قاعدين بالقنفات اللي جدامي

وشاءت الصدف ان 2 منهم بنص السالفه قطيت اذوني عليهم لول


الاولي : انا اعرفج .. امبله جني اعرفج .. مو انتي بالمعهد الفلاني؟

الثانيه : اي ..

الاولي : اييه انا اقول اني اعرفج .. ماعرفتيني؟

الثانيه : لا

الاولي : امبله اكيد تعرفيني .. بس يمكن لاني توني متنقبه من جذي ماعرفتيني .. ( ورتها ويهها ) .. وماكنت احط مكياج ..

الثانيه : اي اي امبله جني اعرفج .. مو انتي كنتي تلبسين عبايه كذا وكذا

الاولي : ايييييييييه

الثانيه : مو كنتي بالماده الفلانيه ..

الاولى : اييييييه اييييه انا

الثانيه : لا ماذكرج ..


انا بمخي : !!!!!%!!!؟؟؟!$!!#!!!!


لووووووووووووووووووووووووووووووووووووووووووووووووول

طبعا صج صج ضحكت .. والبنات اللي معاي صج متنا من الضحك

(لاتعلييييييييق)


************************************************


هبينا ناكل يوز اخر الدوام
لان يقولون انه يقوي الذاكرة
واحنا حاليا بدون مبالغة
حايشتنا حاله من الزهايمر المبكر
مالقينا كساره
فا اشكالنا كانت بدعه واحنا ندور شي نكسر فيه
اخر ما وصلنا اليه
وحده تفلعهم بالخرامه خخخخخ
وانا اكسرهم في برج بيزا المائل ( تذكار من وحدة ) .. يؤدي الغرض لووول
****************************************
امس سوينا اضراب مؤقت اول ما قالوا عن الانفلونزا اللي حاشت
مكدونالدز
اتوقع هاذي الاشاعه طلعها واحد مل واهوا ينطر دوره
فا حب يخلي المطعم فاضي p:
****************************************
(سؤال يطرح نفسه)
بما ان تجارة الرقيق حرام
وضع مكاتب الخدم الحين
واسعارهم والجشع اللي حايشهم ومعاملتهم
واشكال الخدم قاعدين بالممرات يطالعون اللي رايح واللي ياي يبون بس احد يختارهم
شنو موقعها من الاعراب؟ :(
الصراحه .. يكسرون خاطري
********************************************
HaVe A NiCe WeeK EnD :)

هناك 24 تعليقًا:

Mr_CHoCoLaTe يقول...

ههههههههههههههههههههههه احس المنقبه قالت لو ساكته احسن لي هي هي

هههههههه اشتروا يوز مقشر ليش هالعباله

اوافقج الراي صج صج يخرعون على قعدتهم

يو تو باي

{~المباركية~} يقول...

لووول بعد كل هالكلام قالت لها ماعرفج شهالعبط

شحلات اليوز هل يومين شزينه جنه عسل

من بد كل هالمطاعم صار ماكدونالدز اهوه فيه انفلونزا

Manal يقول...

يا سلام على السمك صج منظر السمك بالماء يريح النظر والبال
:)

بالنسبة للمنقبة فاتمنى من رب العالمين يساعدها
ضحكتني على هالردة الفعل
:)
بس شكلها حيل على نياتها

المهم ان عدت المقابلات على خير واخترتوا الي فيهم البركة ويستوفون الشروط واكفاء
:)

اما الجوز فديروا بالكم لان السبب الرئيسي للسمنة
بس مفيد
لما تاكلين الجبن تاكلين معاه الجوز

اما بروحة فيساعد على المحافظة على البشرة


بالنسبة لموضوع الخدم
فهذي مشكلة في مجتمعنا الطبقي
والي يحب الفشخرة على قولة عمتي الله يحفظها
صح
هذي بالضبط ظاهرة استعباد البشر
الظاهرة الي حد منها الدين الحنيف
والي وقف حيالها نبي الله يوسف عليه السلام

ما ادري متى راح نتعود نعيش من غير اذلال الناس واستغلال ضعفهم وحالهم

بالنسبة لي
15 سنة
رافعة شعار لا للخدم ولله الحمد


دمتي بالف خير
واتمنا لك ولكل من معك في العمل بهالجو عطلة نهاية اسبوع حافلة بالسعادة والخير ان شاء الله
:)

الجـــوري..كـــلام الصمــــت يقول...

ههههههههههههههههههههههه اما المنقبه صارت بطلة الموضووع :P

لو بالعتهاا واييد ارحم لوووول

على طااري الجووز مت مت وانا اكله خاصه برابعه ثانوي :|

احطه بعسل واكله على ابو انه يزيد الذكاء ويقووي الذاكره اللي يقول الحين طلعت بروفيسووره :_(

حبيبتي سمكه احم :p
have anice weekend ;)

DoDoq8 يقول...

loool

3ade salfa elbnat wayed mraw 3lay chthy

bs salfa mac tra esha3a elyom belgreda mnzleen e3lan

U 2 have a happy week end

ReLaaaX يقول...

looooooooooool

قريت عليهم البوست صراحه انتيكا


كل هذا ومااعرفتها

looooooooooooool

آنا حاطة نصايح حق الذاكره

كنت بكتب عن اليوز بس لأن تجربتي باءت بالفشل ماحطيتها ;p

Fishah يقول...

Mr_CHoCoLaTe
============
ههههههههههههه اي والله

اليوز المقشر قالولي انه اقل فايده .. عاد مادري صج او لا :)

اي مساكين .. يكسرون الخاطر .. كله عيونهم مبققه :(

Fishah يقول...

{~المباركية~}
============
ايييييييييييه امبيه .. استغفرالله انا مت عليهم من الضحك هههههههه

اي حلوو بس لو نلقى كسارة اسهل خخخخخ
p:

Fishah يقول...

Manal
=====
اي بنييب حوض .. بس نطري علينا شوي هههههه

بالمقابلات تمر علينا سوالف وناس .. تخلي علامة الاستفهام والتعجب شابه فوق راسج :))) الله كرييييييييييييم :>

اتصدقين .. سمعت انه يفضل مع الجبن .. بس نسيت ليش :<
بس شي حلو اذا زين للبشرة .. محتاجين حق هالسوالف

بالنسبه للخدم .. احنا محتاجينهم .. وجودهم ضروري في كل بيت .. بس ناقص شويه تغيير في التعامل ..
والله لايغير عليج .. ويخليلج عمتج ويحفظها يااارب :))

Fishah يقول...

الجوري .. كلام الصمت
==================
اييييييييييييييي لوووول
انا اول شي ماستوعبت .. قلت لااا امبيه من صجها !! ههههههههههه

اممممم مع العسل؟ يبيلنا نجربه .. بشوف طعمه شلون يصير :>
على طاري الذكاء .. مره يعني انا ورفيجتي قبل الفاينل .. نبي نصير اذكيا بسرعه .. بنفس اليوم رحنا شرينا فطاير زعتر .. حيل ناكل هالزعتر .. يعني مصدقين ههههههههه

اسعدني مرورج حبوبه :)

Fishah يقول...

DoDoq8
======
لوول اي .. اصلا لو بسولف .. جان ترست بلوقي سوالفهم :>

اي قريت الجريده شفت التنويه مالهم :>

ثانكس :>

Fishah يقول...

ReLaaaX
=======
عاد انا ذاكرتي هالايام .. الله بالخير صايره .. هالشي بشهادة الجميع
والله انا شاكه في رووحي فيني زهايمر مبكر .. :<

امبله امبله كتبي تجربتج ههههههههههه حاشني فضووووووول :))

الجـــوري..كـــلام الصمــــت يقول...

هههههههههههههههه سمكه :p

زعتر مره وحده لووووووووول

زيتونات وجبنات :p

يبا احنا ماينفع معاناا لو شنو ناكل!!

الله يعين :ّ

GodFather يقول...

HI.....HI
Fishah
موضوع فعلا يبيله موقف مع انه موضوع بناتي .....
بس لااحد يزعل من طريقه ردي هذا رايي الحقيقة بداية الاولى والثانية بالكلام هو مجرد فتح موضوع لفتح باب الحديث على ما اعتقد موشين اذا كانت الجلسة في فترة انتظار مملة مثل المقابلات يعني تحديد مصير يعني كل واحد او وحدة مو متوقعة شنو بيصير ما بعد المقابلة اعتقد اهي حالة نفسية تدل على توترهم وخصوصا برد الاخيرة ماعرفتج يعني الاخت المخ مو معاها بس تتكلم وبس ..
واحنا بالديرة ما نتحمل احد الكل صامت وعقدة الظن والشك من الطرف المتحدث والاغلب يخاف يتكلم مع اي جالس في فترة انتظار سواء من الشباب او من الشابات حتى احنا في قاعة الانتظار للرجال الاغلب صامت وهي الصفة او السمى الغالبه علينا هل اهو الخوف من ان يكون الجالس انسان عدواني او ما يتوافق مع الفكر ترى زين من المتحدثتين كسرو حاجز الصمت الممل
ارجو المعذرة على الاطالة.....
**************
على طاري الجوز ترى الجوزة شكلها نفس تقسيمية المخ اذا طلعوتها كاملة وهذه الملاحظات على بعض الموادالغذائية اذا ركزنا عليها..
الجوز مفيد للذكاء ويفتح المخ ويؤكل اغلب الاحيان مع الجبن لان الجبن اكله بكثرة يسبب النسيان وليس الغباء لتصحيح المعلومة....
**************
الانفلونزا على المطعم اشاعة كبيرة انتي مو شايفية الطابور في العشاء وخصوصا في عطلة نهاية الاسبوع ومكسر المطاعم وماعنده توصيل طلبات
يعني ماشاء الله ماشي شغله وانظف المطاعم......
**************
الله يخرب بيت المكاتب الخدم لانهم مايخافون الله ياخذون فلوس من الخدامة في ديرتها وياخذون من الكفيل يعني مثل المنشارة طالعه واكلة ونازلة واكلة والمتورط الكفيل خصوصا بعد النطرة وتوصل الخدمة وتكون من النوع مالها خلق الشغل وتتطيح بجبد الكفيل
...
....
************
واخر وليس اخيرا او اخيرا وليس اخر صلحولي...
شحلات السموكة الزرقاء صج البحر والسمك يريح القلب واذا واحد زعلان ومتضايق يروح البحر اويحط سموكة ويجابلها وينسى الهم والنكد.....
***************
نهايه اسبوع سعيدة للجميع*********

رورو الشخبوطه يقول...

السلام..

توني افطن اني مارديت الظاهر يبيلي يوز خخ..

يسلم قلبه السموكه لونه حلوه ماشاءالله شسميتوها :) احب اسمي حتى الاوادم اغير اساميهم..

ع طاري الخدم مو بس المكاتب هبينا نطلب عن طريق خدامتنا السفارة تاخذ فلوس بس مو كثر المكاتب طبعا و لا رفيج اخوي عنده مكتب خدم يقول لماي برذر احنا نتفق معاه ع انهم ينحاشون او يردون المكتب عساس يربحون اكثر :(

يبيله ربوت :)

وسالفة ماك يمكن مطلعها واحد منقهر منه ماشاءالله التوب ون بالمطاعم الفاست فود..

اي تذكرت البنيه اكيد طلع ع ويها خطوط ماركو والدمعه الكبيره امبيه خخ لو انا منها اهف البنت باكبر ماعندي خخ واشوه اني مو مكانج جان ضحكت ضحك امبيه شيسكتني اتوقع المتنقبه تطلع حرتها فيني ..

جنه عقب ع كل البوست مو!!

نسيت ..

المهم مرسو خيتو ..

ناطرين بوستج اليدد وترا حطيت لكم باجي قصة حب احمد و شادن وعصام..

Fishah يقول...

الجوري..كلام الصمت
================

هههههههههههههههه عاد انا ماحب شي اسمه زيتووووناته خخخخخ

اي والله صاجه .. المخ اذا قفل .. مايفيد معاه شي p:

Fishah يقول...

GodFather
==========
انا عن نفسي .. بالمقابلات والاشياء المصيرية اللي جذي .. افضل اني اكون ساكته وماحاجي احد .. اي انا معاك انها مسكينه تبي تكسر حاجز الصمت وتبعد عنها هالخوف عشان تنسا .. بس عاد موووووووو عبط p:
بالنسبه لكم انتو الشباب .. وايد صفات واطباع احسدكم عليها .. وياليت احنا البنات ناخذ من هالاطباع :)

اي اليوم كلينا يوز بعد .. بس بدون جبن :>

انا ماراح اقاطع المطاعم .. صج ان اكل البيت احلى .. بس هم بنطلب لول
الله الحافظ :)

اي ياحلو السمج .. مره حطيت فايتر مع سمج صغار .. مساكين نتفتهم وحده وحده .. صار بالحوض قناه ديسكفري لوول
كل يوم القى سمجه طافحه :<

Fishah يقول...

رورو الشخبوطه
=============
اي والله يبيلج يوووووز عشان اتيوزيييين :>

سمجتي اسمها " سموكه" .. امس ماداومت .. فاصارلها من الويك اند ماكلت شي .. لوول بلشنا تحسر فيها الظاهر

اتصدقين توني ادري عن سالفه الطلب دايركت من السفاره !
وبعدين سالفه ان المكتب يقولهم انحاشوا .. صح انا سامعه انهم هابين في هالشي .. حسبي الله عليهم .. وجم بنيه معاي بالدوام خدمهم انحاشوا .. وصارت مطارده بالشارع ولووويه .. جنه السالفه يبيلها بوست لووول

واااي هالمنقبه والعبط اللي حاشها بددددعه .. حاشتني حاله اللي ودي ارز ويهي بالسالفه .. " الحين مو توج قلتي كل مواصفاتها مابقا الا لون دلاغها .. الحين ماتذكرينها" ؟؟!! ( بس عصبت ترا .. ماحب العبط ) :<

حياتي والله .. يا حلو تعقيبج يسلمووو :)

اييييييييييييه هالشادن اللي بطت جبدي ؟ اللي ماتدري تبي زوجها والا الثاني ؟؟ بس عشان سافر وخلاها ؟
( اي تذكرتها .. هم عصبت ترا )
امبيه شفيني جبريت لووول

رورو الشخبوطه يقول...

اي والله يبيلي اي شي يرد لي تركيزي صايره وايد اسرح لو اقول لامي تقولي تحبين الظاهر امي رومانصيه خخ..

عاشت الاسامي من اولها مسويه لها رجيم :)

لا مو دايركت من السفاره الطلب كان بواسطة خدامتنا الخدامه اليديه اخت رفيجتها طرشت لنا اورقها بالايميل وابوي وريل اختي كملوا الاجراءات..

اي يبيله اكشن :)

اي استغفرالله شهالعبوه اي اي عقب ماذكرتج اتوقع المتنقبه خارتها بالمقابله عقب ماتفشلت برا خخ لا امبيه خخ مو قادره امسك نفسي ..

ريلاكس ع الاقل مافلست من شي لو احنا جان الله يبلانا جان احذفج من الطياره ..

اهو ماسافر اهو بس الصبح كان ينشغل شوي عساس يعدل وضع شركته لانه اذا خسروا الصفقه بتاثر ع ارباحهم بشكل كبير..

وبالليل يعوضها ..

وبس :)

طموحة مملوحة يقول...

لووووووووووول على الحوار الي صار مرة سويتها بوحدة لوووول


اي سالفة ماكدونالدز اشاعة عسى ماصار شي حطوا على هالمطعم لووول

The.One يقول...

أمبيـه loooooool
صج هبله هالبنيه
على كل هالوصف اغير شي مااذكرج !


والله ضحكتـني

Fishah يقول...

رورو الشخبوطه
=============
:)

Fishah يقول...

طموحة مملوحة
===========
هههههههههههه لازم اعرف سالفة هالوحده :>

اي صاجه .. بس هم ترا وجباتهم اختربت مو نفس اول :<

Fishah يقول...

The.One
=======
اي لووووول
لو كنتي معانا جان فصلتي والله :)