الثلاثاء، يونيو 23، 2009

تفلسف زايد


في فئه من الناس لازم يتفلسفون على اي شي

لازم يعني يوحون لك انهم الفاهمين اللي يعرفون كل شي

بس اهم اللي يعرفون السنع والترتيب

بس اهم المرجع اللي لازم الواحد يسألهم اذا توهق بشي معين وعندهم الحل


مروا علي 2 الحين .. فيهم هالطبع


اول وحده .. من تدش المكتب ..

لازم .. " حطوا لكم طاوله اهني "

"ييبوا مفارش"

"غيروا مكان هالمكتب"

"سمجتج ييبيلها حوض اكبر" ... الخ

هاذي بالذات ما اتقبل منها شي .. وااايد تتفلسف وان اهيا اللي تعرف الترتيب واحنا بدونها الصراحه حدنا مانعرف شي ومبهدلين p:

ماعلينا .. طبعا هاذي .. طااااف p:


الثانيه .. داقه على رفيجتي وزميلتي اللي معاي بالمكتب

رفيجتي من عرض السوالف تقولها انها بتراجع الدكتوره الفلانيه حق ولدها النونو اسم الله عليه

وان مادحينلها هالدكتوره وجذي

هذيج على طوووووووووووووووول ردت عليها "لااا لااالا لاتروحين لها هاذي"

"ليش شفيها؟ "

"هاذي انا رايحتلها وماعجبتني .. عطتني دوا حقي مو ذاك الزود"

طبعا رفيجتي علامة استفهام (؟) لونها وردي فوشي فوق راسها هههههههههههه

" بس هاذي دكتورة اطفال حديثي الولادة!"


شفتوا التفلسف يا ناس :)

هناك 23 تعليقًا:

نمووول يقول...

هذول حاميات الديار ههههههه

المشكلة انهم زايدين كل يوم طالع واحد ولا وحدة يتفلسفون ويسوون نفسهم الفاهمين والناس كلها ما تفهم شي

اللهم لا شماتة والله يعينج عليهم

GodFather يقول...

HI...HI
FISHAH
والله حبيت ارد اول قبل نمووول بس يالله تمون لان فيني حرة على النوع عندي شكثرهم ماينعدون من كثرهم ابي اتقاعد وافتك من ويهم وابي اروح اشتري طراد واقعد فى البحر بروحي وارجع في الليل والناس خامدين على شان مابي اشوف النوعية المتفلسفين بس تدرين FISHAH روحي سمعي كلامها واشتري حوض كبير بحجمها وحطي السموكة الفايتر واخذيها وحذفيها في الحوض مع الفايتر علشان يتكرر مشهد الدسكفري االلي تكلمتي عنه وتنتفها وتفتكين من فلسفتها وتشوفينها ثاني يوم الصبح طافحة مبققه عيونها وصايرة هيكل عظمي هههههههههههههههههه.....
*************
اما الثانية عندي لها شي قوي واعديها عند طبيب اسنان وخدريها واذا ماعندك مخدر ترى حاضر العصابة تحت امرك وسويها مثل ريه وسكينة وحطي المخدر على خشمها وشلعي ظرووسها خليها ماتفج حلجها بشي لمن تي عندك تكون ساكتة واذا افتحت حلجها حطي يوزة مو مقشرة في حلجها علشان تسكت الي الابد موخوش فكرةخخخخخخخخخخخخخ
عطني رد اذا مااعجتتك الافكار اشوف لك فكرة ثانية وبالخدمة*******

رورو الشخبوطه يقول...

السلام..

اول مره ارد باختصار خخ..

ماحب اللي تسوي نفسها ام العريف..

مبتلشه بوحده جذي تصلح لج حجيج وانتي تتحجين عن شغله اهي ماتعرفه والعن انه ماتسولفين معاها نعم شتبين !!

ومرسو :)

Manal يقول...

الله يساعدكم

الدوامات فيها سوالف ما تخلص

وبصراحة
بالكويت وبريطانيا

ترا ما كو فرق

اكتشفت مؤخرا من احد الصديقات في ريطانيا

سوالف نكد

الافضل ان الواحد يسمع من الاذن ويطلعة من خلال الاذن الثانية

بدون اي مشاكل

فالحقران
......

:)

واذا ما لقى الانسان ردة فعل من الي جدامة
يضطر
يقلل

:)

الناس مصالح الحقيقة لم تكن يوما مهمة يقول...

الناس مصالح ...

يغفرون للمجرم أخطاؤه بحق الآخرين فقط لأنه اجتماعي وصديقهم .. بينما البريء يضطهد و يكيلون له التهم المختلفة لأنه بحاله أو لأنه غير مرح وليس ذو نفوذ ..

يعني لا يقدر أن يحمي نفسه..

تبا لقسوة الزمن .. حيث ينجح الأشرار دائما ... لماذا يا الله ..؟

DoDoq8 يقول...

ودي اعرف بس وين تشتغلين

كلشي عندكم

Fishah يقول...

نمووول
=====
ههههههههههه اي

الله يعين من قلب .. الصراحة يرفعون ضغطي وانا مو ناقصه :<

فرحني مرورك :)

Fishah يقول...

GodFather
=========

اي اي اي يقهرووووون الواحد ... هههههههههههه اي بحطها بجدر مو حوض لول


امبله خوووش افكار والله .. بس الثانيه انا ادري فيها ماااتصك حلجها لو شنو :)

يسلموو على هالافكار :)

Fishah يقول...

رورو الشخبوطه
=============

ماحب هالنموونه .. مااابلعهم :<

واي عاد اللي تصلح حق الواحد الحجوه مالته حدها ملييييييقه :< بطت جبدي .. اييييف

الله يعينج ويعيناااا حبي :)

Fishah يقول...

Manal
=====

اهنن اهنن :)

واي عاد احس عندكم في بريطانيا اكثر .. تصدقين .. توني الاحظ وبقوه في برامج الريالتي شووز انهم واااايد واااايد يحشون في بعض لول صكوا علينا

طبعا هذا الاسلوب المتبع الحين .. الحقرااان ولاغير الحقران :)
والله يكون بعونا :)

Fishah يقول...

DoDoq8
======

هههههههههههههههه
اصلا هالسوالف في كل الدوامات .. بس الحمدالله مع هذا احس دوامي هالسوالف فيه خفيفه :)

Q8 TeaCHeR يقول...

الله ياكثرهوووووم عندناااااااااااا الله الله الله ؟؟؟ والله العظيم بتلوع جبدج ويا إنج تجعمينهم او تجاملينهم :P

عادي والله عندنا منهم وايد ،، مشكله لما يسوون روحهم فاهمين اب كل شيييييييييييييييي وااااااااي لاااااااااااء مررررض مرررض اللهم ياكافي

Sn3a يقول...

استغفرالله
الواحد مرات يتحسف لي خذا راي احد

هذي تقدم رايها اجباري
وفوق هذا تتفلسف بشي ماتعرفه

هالنوع من الناس يبون يكونون محور الاهتمام علطول
ويمثلون انهم يعرفون اشيا وااايد
وبالصج اهم زعلانين على نفسهم لانهم يدرون انهم مايعرفون شي وان الناس تبتعد عنهم
بس يكابرون!

Makintosh يقول...

والله تبين الصج هذيل الي مروا عليج ولا شي عن الي مروا علي

اعرف وحده تعرف كل الكويت .. كل ماتكلمنا عن احد قالت ايي اعرفهم
كل ما احد طبخ طبخه قالت اي عندي الوصفه
كل ماتكلموا عن دكتور تقول رايحتله وتقول قصه حياته !!


وغير غير غير غير

جنون الكويت يقول...

^_^ صج قصة وي هههههه
تستاهل خليها تتفشل عشان ماترز ويها بكل سالفه وتتفلسف

bent el deera يقول...

يا كره التفلسف احسن شي هالناس اما انج تعطينهم طاف او تجعمينهم

مس يو يا حلوه :>

The.One يقول...

صكــت على أخوانــا المصريين



خوووش بلوق ..


غريبــة أول مرة أشوف أحد مثل نكي "اسم الي ينادوني فيه " ^.^

Fishah يقول...

Q8 TeaCHeR
==========
اييييييييييه بالضبط مرضضضضضضضضض .. الله لا يبلانا فيهم .. قثه استغفرالله
ملينا واحنا نجامل ايففف :<

Fishah يقول...

Sn3a
====
عاد هاذي اول وحده استغفرالله قمت حتى ما اشتهي حتى ارد السلام عليها .. امبيه موطبيعيه .. كللللللللل شي لازم تبدي رايها فيه !
وفوق هذا مره سوت روحها د.فوز .. جان اكرههاا :<

Fishah يقول...

Makintosh
=========
واي ماحب جذي والله .. ماحبيتها اللي عندج .. صكت على اللي عندي لوووول
ايه ماتعرفين الشغله قولي ماعرف
ماتعرفين هالعايله قوووولي ماعرفهم :<
ليييييييييييييييييش صايرتلي ام العريييييييييف

عصبت ترا :<

Fishah يقول...

جنون الكويت
===========
والله ياحبيبتي جانزين تتفشل وتستحي على ويهها وتغير اسلوبها ..طبع فيهم استغفرالله :(
نفس جنسيه عندنا منهم بكثره .. لما تسالينهم شغله لازم يفتون لول مايقولون معرفش يافندم P:

Fishah يقول...

bent el deera
=============
اهلا اهلا :)
انا اللي مطبقته اسلوب طااااااف .. اصلا حتى ما اطالعها اسوي روحي لاهيه لول
ماعرف اجعم اتصدقين :(

مس يووووو اكثر :))

Fishah يقول...

The.One
=======
اي والله صاجه :)

يسلموووو كلج ذووق :> استحييييي
ههههههه