الثلاثاء، أبريل 07، 2009

اقتراح p:



امس من ضيقة الخلق ياتني افكار ابداعيه p:
كل شي طرا علي ,, اخر افكاري ،، ليش ما يسوون عندنا حديقه كبيره نفس الهايدبارك ،، يزرعون فيها كل انواع الشجر ( صج انه بيجولح شويه بس ميخالف ) ،، وثيل ،، وبحيره صناعيه .. وكراسي .. وممشى .. وبط بس شويه ذرب .. ووز .. وسناااجب ( كنت احب اوكلهم بسكوت خخخ ) يعني باختصار هايدبارك مستنسخه هني بمعاييرنا .. ويخلونها في بر مشرف عشان ماتكون بعيده ( انانيه ) .. الواحد محتاج جذي اماكن تفتح النفس وكلها خضار وورد :(

هناك 8 تعليقات:

MoOd يقول...

عيل انا كانت فكرتى تصير الكويت كلها مظلله بمثل مظلات المركز العلمى

واللى يبى الشمس يروح حديقتك بالهايد مشرف واحلى بعد نسميها

منقف جاردنز

:)

Fishah يقول...

ههههههههه صح هم خوش فكره
انا قلتلج يعجبني تفكيرج ;)

Momentum يقول...

لاهين بالبوق هذول ولا يقدرون يسون اشياء وايد

مالت عليهم

Fishah يقول...

حسافه والله مادري متى بنستانس باللي عندنا .. ماعلينا قاااصر كل شي نقدر نسويه
بس ويييييييييييين اللي قلبه حااار على الديره
بس شاطرين بشعارات ( أقسم ) خخخخخخ

{~المباركية~} يقول...

اقتراحج مو مقبول
تدرين ليش .؟
اذا صار يوم اليمعه الاجانب وين راح يبسطون اكيد بالهايد بارك الي بمشرف
و اكيد بيقطون فحم ووصخهم بالارض
خلاااص فكرتج مرفوضه ;p

تعاالي لحد يسمع
الصراحه بيني وبينج خووش فكرة قميله اوي

Fishah يقول...

{~المباركية~}
هههههههههههههههههه
ادري انها قميله :)
انتو بس خلوني ابدع بالافكار وتشوفون :>

GodFather يقول...

HI
الاقتراح ممتاز نتمنى يسونه علشان ملينه من الحكرة بين الجدران المسلحة ويقدرون يزرعون اشجار
كون كابرس ويخلونها ترتفع الى اقصى ارتفاع تصير مصدات عن الغبار مع شوية ثيل مثل ماقلتي ويكثرون من الورد خصوصا الورد الاحمر علشان استعين فيه حق اغتيالتي وهم ريحة حلوة بعد ما يسقونه ماء علشان لايزعلون الحبيبه يستعملونه ايام الفلنتاين دي المهم نفتك من الغمته في البيوت والمجمعات وناخذ لاب توباتنا ونطلع نطقطق فيها بس شنسوي احلام......!
عيالنا كبروا ماشفناهم غير في البيت يحنون على الوجبات السريعة الى صاروا دببه من قلت الحركة بعد احنا كبرنا ودنا نشم هواء نقي بس لو مثل ماقلتي حديقة كبيرة جان الواحد يريح من بعد الدوام خصوصا اذا حاشنا يوم مليق.............!!!

Fishah يقول...

GodFather
=========

اي والله صاج .. بسنا حكره .. ونفس الروتين كل يوم .. وملينا من المجمعات والزحمه واللويه
وعلى طاري الوجبات السريعه .. بعد شويه بطلب لي وجبه لووول
شسوي من ضيقة الخلق :(