السبت، مارس 14، 2009

افلام الرعب



مادري شنو السر انكم تحبون افلام الرعب
مع ان الاحداث حدها سخيفه .. لازم ظلمه .. مطر .. ناس كانو مجموعه ودايما احد يفترق عنهم عشان المجرم او الوحش او اليني لول يتوحد فيه .. انزين ليييييييييييييييش .. اييه قعدوا مع بعض !!
اختي من فئة اللي غرامهم يتابعون هالافلام .. وعندها مجموعه لا يستهان فيها من افلام .. انا عن نفسي ماحبهم اكرهههههم .. استعسر تحوشني حاله من القااااامت وضيقة الخلق اذا شفت جذي .. واذا رحت مع رفيجتي السينما حق هالنوعيه .. يحوشها نصيب من الدعاوي وانا قاعده يمها هههههههه
شفيها افلام اليهال شحلاتها .. كلها تفاؤل ووناسه ;)
مساكين حتى هالدياي يطالعون افلام رعب :))

هناك 4 تعليقات:

Momentum يقول...

انا شخصيا اذا ابي اطالعها عشان الضحك فقط...

والدياي مو صج لووول

Fishah يقول...

Momentum
اي الدياي حدهم عجيبين :>

GodFather يقول...

hi
ماعلجيج منهم الدياي صدقيني تراهم ناطرين تستوي اخيتهم علشان يضربون بالخمس ويشمرون عن ايدهم لان عندي دليل نسيبي عندة جاخور وكل ماخلصنا غداء اوعشاء اذا كانت عزيمة اشوفة يلقط باقي العيش والدياي اقوله شتبي فيه يقول حق الدياي فى الجاخور يعني الاخوات فى الصورة يبون ياكلون طازج مو مثل نسيبي يوكل الدياي الفضلة....
صحتين ....

GodFather يقول...

hi
وانا اتصفح التعليقات ياFishah بعد الدوام ويوم حافل من الافلام مع هذا الدوام والحركةمن مكان الى مكان لاني ما اعرف اقعد فى مكان لمدة 10 دقايق رجعت البيت ......جني مصخته الطوالة الكلام.....! الزبدة
طبعا مثل ماقلت قمت اتصفح التعليقات بعد اذنك طبعا....!متى ابدااء باالكلام طيب راح اتكلم
جان اتذكر فلم رعب شفته منها كرهت الافلام الرعب مع اني كنت من محبين وعاشقين افلام الرعب بس هذا الفلم كرهني موت بالافلام الرعب لدرجة من اشوف فلم رعب احول القناه بس صبرو علي شوي علشان اتعدل واقص لكم قصته بداء الفلم " كنت في احد سفرات العمل وكنت في دورة تدريبه خارج البلاد بعد ان خلصت من العشا وفي ديرة اول مرة اروح لها وكنت اخاف أطلع بالليل ترى انا موخواف بس الحرص زين وانا godfather لازام مااخاف .... اكيد بتقولون اي حجي موخواف ...المهم تعيشت العشاء الدسم دسم اقولكم دسم من مطعم الفندق الفخم اقولكم فخم (اقص لكم سالفة العشاء الدسم والفندق الفخم في وقت اخر الحين مووقته)صعدت الغرفةوفتحت التلفزيون واقلب الريموت يمن شمال ادور عن افلامي المحبوبة وهي افلام الرعب وحظي قوي توا بادي الفلم مع الكتابه والكادر الله الفلم بداء بداية الفلم كراجات سيارات وسيار ة طايرة حد الدواسة وصفط واحد منحاش وفتح الكراج دخل يبي ينخش وواحد لاحقة من سكة الى سكة وشنو هذا قاعد يلحقه مايبنون الصورة وارتاح الرجل الخائف وقعد يم تلفزيون شيايب التلفزيون فى هذا الكراجات ماأدري وجان الحبيب الرجل الخايف فتح التلفزيون اشحقة فاتحة هم ماادري المهم فتح التلفزيو ن وجان الشى اللى لاحقة امسكة ودخله فى التلفزيون بعد جم طراق وترفس و اختفى والدم واجزاء من المصارين برة التلفزيون شنو هذا الشىء ماا ادري بتقولون كله ماتدري عيل احنا بندري عيل ... المهم اكملكم الفلم وطلع الصبح ترى بالفلم موعندي .... حضرو الشرطة والFBI وعاينوا الجريمة وطلع البطل تقولون زين مابقى يطلع البطل الشرطي واخذا الاجراءت وبدا البحث عن القاتل المجهول واكتشف ان القاتل مو شئ طبيعى شئ خارج الطبيعة اكيد انبطت جبدكم قول لنا شنو هذا الشئ والله مادري المهم اكتشف البطل بالصدفة ان هذا الشئ يطلع من الشرارة الكهربائية بعد ماتعطلت سيارته وسوالها شحن بطاريةوتم يلاحق الرعب ابي اغير كلمة الشئ والرعب بداء بالقتل وينخش فى اماكن الكهرباء وحاول البطل يقضي على هذا المجرم السفاح وراح يعمل تكتيكات وانا انطر شلون يصيدة واندمجت حبيتين بالفلم وعيني تعبت من المطاردة لكن المفاجاة المحطمة للاامال ان كل مايسوى طريقة يفجر يعمل فخ ويكسر هذا الشئ مايموت الى متى مليت وقلبي يدق بقوة من الرعب اللي قاعد اشوفه المهم البطل اكتشف طريقة وااااااايد قوية علشان يقتل هذا الشئ اتفق مع المساعد ربط المساعد فى برج الكهرباء الضغط العالي علشان يجذب هذا الشئ وطلع الرعب من مكانه رايح على البرج قلنا راح فيها وراح يخلص الفلم بسلام وجان يمسك المساعد ويحذفه من فوق ومسكت الكهرباء هذا الشئ وجان يطفي البطل الكهربا علشان يختفي الرعب واستانس البطل لاكن مرت طائرة هليكوبتر وتعلق الرعب فيها وبدات مرة اخرة الاحداث ومن القهر طفيت التلفزيون وحطيت راسي و نمت ولا ابي اعرف شصار بالفلم ومن يومها كرهت الافلام المرعبة الى يومنا هذا .... ادري لا تعلقتم ولا تبون
تعرفون سصار بالفلم مثلي........وبس