الاثنين، ديسمبر 28، 2009

تاجــــي :)



اسمك واسم مدونتك؟
فشــــه
fishah-q8.blogspot.com

احب الالوان؟ الايام؟ الارقام؟
احب اللون الابيض والرمادي
احب يوم الخميس ومثل رورو احب اي يوم عطله :)
احب رقم 5

برجك وتاريخ ميلادك؟
برج الثـــــور (موتضحكون) :P
شهر ابريل وبس :P

ماهم مميزاتك؟ واهم عيوبك؟ وماهى الصفه التى تتمنى ان تتوفر فيك؟
مميزاتي: عفوية
عيوبي: مووديه .. بسرعه اتنرفز ويبين علي
الصفه اللي اتمناها: اني اكون متسامحه اكثر

مكانك المفضل؟
اي مكان فيه طبيعه وهدوء
+
غرفتي

هوايتك المفضله؟
حاليــــــــا
القراءة توني هابه فيها :)


ما المقوله اللى تؤمن بها؟
ما طار طير وارتفع إلا كما طار وقع
P:

اجمل هديه قدمت لك من مين؟
امي الحمدالله طلعت من العنايه المركزة
وهاذي هديه من رب العالمين :)

اسعد يوم فى حياتك؟ واتعس يوم فى حياتك؟
الصراحه
ماذكر متي صج استانست من قلب :(
اتعس يوم : احتفظ فيه لنفسي

موقف طريف لا ينسى من ذاكرتك؟
اهوا الموقف اللي صج ما انساه
مره بالجامعه تزحلقت بالدري وطاحوا كتبي
جان واحد قعد يلملم الكتب ويقول لي اسم الله عليج
بس مارفعت راسي عشان موكل ماشوف ويهه اذكر طيحتي
لول
معاك ثلاث وردات لمين تهديهم ؟
1- لعائلتي
2- حقي :)
3- للغاليين قراء مدونتي :)

معاك ثلاث رصاصات على من تطلقهم؟
لكل عقليه متخلفة ردتنا الى الخلف
وماحفظت واهملت عجلة التطور والتنمية بالديره


رايك فى الحب؟ ولمن تقول اجمل كلمه حب؟

بكل بساطه احساس حلو والاحلى انه الواحد يعيشه حتى لو مره في حياته
حتى في مقطع في اغنيه استانس عليها
لما تقول "LOVE 2 LIVE"
:)
اممممم
اقولكم بعدين لما اعيش هالحب :)


هل من السهل ان تمثل الحب لشخص يحبك لعدم جرح مشاعره؟
لا صعبه
ومو حلوه بالنسبه لي وللشخص اللي خايفه على مشاعره
اهم شي مبدأ الصراحه بكل شي :)


المراه فى نظر الرجل ।........ أكمل ؟
قلب حنون

الرجل فى نظر المراه.........أكمل؟
السند والطمأنينة


ماهو اسعد خبر سمعته هذا العام؟ وماهو اتعس خبر؟
اسعد خبر : اختي الحمدالله توظفت بعد طول انتظار :)
اتعس خبر : امممم اهوا في اشياء تعيسه بس ماقدر اصنفها واختار واحد منها توب ون :<

لمن تهدى التاج؟
اهديه لاخواني : اجتماعي - نمووول - ريماس

ولخواتــي : MyBooksandMe - Fantaseyah - سلـــــة ميـــــــوه
:)

واشكـــــر رورو + bhr.qadsaweya
اللي اهدونــــــــي التـــــاج وتوجوني ملكــــــــــة :**

الخميس، ديسمبر 24، 2009

طبق اليوم :)

بقولكم عن وصفه من كتاب (افكاري في اطباقي)
سهله بس شويه دسمه
مرتين سويتها عشا .. طبعا بس انا واختي نحبها .. بيتنا ما يحبون هالسوالف :<


المقادير :
- كوب بصل
-كوب فلفل اخضر بارد
-مشروم
-ذرة
-مكعب ماجي خضار
-بهارات - فلفل اسود شويه- ثوم (كيفكم انا ماحطيت) :>
(هالمقادير تسوونها حميسه) :)



مقادير الصلصة : (بالخلاط) :
- 1 كريمه
-1 قيمر
-3 ملاعق جبن كرافت
-نص كوب جبن موزاريلا
- ملعقة - ملعقتين كتشاب
-ملعقه اوريغانو

* تحطون شويه بأرضية البايركس صلصة :>

* تفرشون طبقة وحده من عجينة السمبوسه بالارضيه

* وبعدين تحطون الحميسه


*وبعدين تغطونها بطبقة من العجينة
( اهوا بالكتاب مذكور نسوي العجينه رولات بس انا مالي خلق على طول فرشت الطبقه لول )



*تصبون الصلصه وترشون جبن موزاريلا واوريغانو على السطح




*وبعدين بالفرن تقريبا نص ساعه .. ومن فوق شويه بس تتحمر نتفه :)

(ترا انا فاشله بالشرح) :>


وبالعافيه :)


=================
جايونه هذا بعد اهداء لج من سنتر بوينت :)
لقيت فيل على مبخر الشمعه بس استحيت اصوره كان يمي وايد ناس لول :>




الجمعة، ديسمبر 18، 2009

تناتيف 3

هلووو شلونكم
:)

نعود اليكم من جديد عقب غيبه شبه طويله

بسبب امي كانت تعبانه شويه بالمستشفى وانشغلت معاها


بسولف لكم عن روايه اخيرا خلصتها
رواية ( الاحتراق البطيء) بس النسخه العربيه

في بداية جم صفحة كانت تتكلم على لسان العم الغني .. واللي تبتدي الاحداث بعد وفاته

حيث انه اورث (كيت) حفيدة اخوه اغلب ثروته

لانه يحس انها تشبهه من بد خواتها (عندها اختين اصغر منها)
من ناحية نظرتها التجاريه .. تحب الشغل وعندها تجاره وشركه خاصه
مختصه بصنع الشموع وكريمات الجسم
ومعاناة كيت بسبب هالورث من كذا محاولة اغتيال


اممممممم
برايي الشخصي
روايه عاديه .. وماتشوق وايد .. ولا استفدت منها شي
:<

==============================

قبل العيد رحت مع اختي حق ديسكفري

وتغدينا في chocolate & macaroon
طلبنا سلطة الجرجير



وحقي عصير ليمون بالنعناع .. واختي عصير ليمون .. وبيج ماوث
عباره عن فرايز ونقانق ومايونيز وكتشاب لذيذ بس دسم


وميني جيز بورجرز .. مجكنمين :>


وبالاخير خذينا كولكشن من الماكارون .. عجبني اللي على دايجستيف :)


============================


رحت كليرز جان اشوف شغلتين ذكروني في اختنا وزميلتنا : جاي الضحى

:)









============================

مر علي كتاب

اعتقد اسمه

(موسوعة التمور)

لفت نظري انه فيه نوع من التمر اسمه بلوق
هههههههههه





============================

بقولكم سر بس لا تقولون حق احد
:)
بطبيعة الحال لازم نسمي ناس قريبين منا باسامي (نيك نيمز) محد يعرفها الا مجموعه صغيره
وهالمره بقولكم شنو نسمي مسئولنا بالدوام
نسميه ( كوب )
:)
مادري شلون طلعت التسميه .. بس تعودنا عليها
عاد ابوي لما درا بهالنيك نيم .. واشكثر غثيت بيتنا بسوالفي عنه .. دزلي مسج وانا بالدوام
كاتب فيه :
يا شين كوب بين الاكواب معيوب..ماينشرى بالسوق والكل مله
ماينعرف ان كان عدل او مقلوب..يخفف دمه واهو على القلب عله
ماندري رايح او اهو جاي دبدوب..من البلاوي اللي بكرشه تتله

:)

الجمعة، نوفمبر 20، 2009

ليش ؟

ذاك اليوم وانا افرفر بهالقنوات

طحت على لقطتين

مت عليهم من الضحك

قلت لازم تشاركوني حتى لو في ابتسامه


:)


يعني متنكر .. انزين ليش ؟ ليش هالمنظر ؟ :P




واهني مسلسل بالقناة الاولى .. انزين ليـــــــــــــــــــش مسوي في روحه جذي ؟!




=============================

مديري فيه طبع مو حلو
يسوي الشي ويقطه براس احد
سوا فيني موقفين جذي

مره وحده رفض نقلها وقال لها فشه ماتبيج معاها بالقسم !


انزين ليــــــــــش هالحركه البايخه ؟؟
البنت ماعرفها اول مره اشوفها .. وبعدين انا شكو بالقسم؟ وكنت توني يديده عندهم مورئيسة قسم عشان اختار البنات اللي فيه!


وانا اشوف البنت لما طلعت من مكتبه عطتني نظره مليئة بالحقد والكراهيه .. وانا ياغافلين لكم الله اقول حق رفيجتي شفيها تطالعني جذي؟ ههههههههههههههههههه


وقبل يومين صار الموقف الثاني :

وحده تبي تنقل .. وللعلم مالي شغل بالمره في معاملتها واوراقها

بس مادري ليش من تشوفني اتييني

وتتحلطم على راسي وتصارخ .. وسبحان الله من تصارخ تنزل على راسي غيمه من الهدوء


اكلمها بكل هدوء وود :)


قالي مديري اقولها اتييب اوراقها من مكان عملها الاصلي واتيي من باجر عشان تكمل النقل

ماعجبها الكلام لاني بعنيها مره ثانيه وبيتها بعيد وماصارت نقل خذا كل هالوقت .. الخ


لما طلعت ناداني مديري


جان يقول لي : سوي فيها كتاب رفض !


انزين ليــــــــــــــــش !


مو من البدايه المفروض يقولها انها مرفوضه ! ليش وعدها وبعدين يسوي من وراها جذي !


من باجر انا اشوا كنت مستأذنه ما حصلت طشار منها


رفيجتي تقول يت على طول تقول " وينها هاذي" ؟ لووول


حدها نجريه اعوذ بالله :<

مسئولتي حاسه بمعاناتي .. مره قالت لي


انتي على طول بالجنه لا حساب ولاعقاب الله يعينج


:)


=========================


ذيج المره رحت تروفاليو

شريت هاذي .. عجبني شكلها :)






===========================

يايني فضول على اخونا المدون

"طماشه"

وينه؟ @@
=======================


امس انا واختي كنا طالعين

شفت طيارات اتونس

اقولها صوريهم

تقولي استحي هههههههههههههه

صورت لكم بس هاذي





===============================

اختي من النوع اللي ماتمسك ايدها
وطبعا بس تشتري كتب
ارخص مره شرت فيها كتب
كان تقريبا شي وخمسين
لاتشوفوووووووون غرفتها من جبال الكتب :)

وهالشهر لما خصموا وايد منها

وانصدمت

قالت حق الماستر كارد ByeBye


===============================
وبس :>

HaVe a niCe WeekEnD :)

الأحد، نوفمبر 08، 2009

مالـــــي خلق



امس انا واختي كنا طالعين
وكنا رادين من طريج البحر
وصادف شبوا جراقيات وااااااااااااااايد
يحلوهم :)
ماشاءالله كانت اشكال وايد غريبه
مثل بوكيهات ورد ودوائروجذي
وللاسف ما لقطت الا هاللقطتين
لان اول شي تنحت ههههههههههههه
وثاني شي اختي ماوقفت عشان اتطمش :)
انزين اللي شافهم يقول .. شنو كانت المناسبه @@
==========================

اليوم انا غايبه عن الدوام
الصراحه مالي خلق
استغفرالله شطووووولها السنه .. شنو كل يوم نداوم؟ :P
خذيت طبيه
شنو زحمه المستوصف
قعدت يمي وحده .. من قعدت بس تكحكح وعطست مرتين (حقدت عليها من بد الاماكن قعدت يمي) :<
على يوم صج بخنزر منهم

بس على هالنطره وقومتي ومشواري .. لو مداومه احسن :P
==================

توا شفت اعادة حق برنامج د.فوز
وحده داقه تشكيلها الحال من زوجها انه وايد يشبك بالنت ويجابل هالمواقع
واهيا متضايقه من هالشي وشوي وتطلب الطلاق منه
ردت عليها الدكتوره "لو كل وحده بتطلق من زوجها عشان جذي جان مابقى احد متزوج وبعدين صبري وادعي انه الله يهد حيله" !
سؤال يطرح نفسه : شنو الله يهد حيله؟ يعني تدعي على زوجها بالمرض؟ هل هذا حل؟ او دعوه؟ الناس تدعي انه الله يهديهم .. يركدهم .. الخ
وهم قالت حق وحده "صبري على زوجج .. بعد هاذي سخيلتج وهاذي حليبتها" لووووووووووووول
لاتعليق الصراحه
:)
====================
اذا قلت حق وحده ولهت عليج
ترد علي "توله عليج العافيه"
استغرب من هالكلمه
احس انها غلط
شلون توله علي العافيه؟ يعني ان العافيه بعيده عني ليه درجة الوله
او اني تعبانه من زمان والعافيه ولهانه علي :<
صح غلط؟
@@
=======================
اخليكم الحين
ينادوني على الغدا
:)

الخميس، أكتوبر 29، 2009

منوعات ويك انديه (3)

قبل جم يوم يبت حق الدوام هالكيكه
تذكرونها؟
:)
ادري حدها غبار .. بس حلوه .. كانت حبي من كنت ياهل
حتى البنات ذبحوني بكلمة "شخباااااااااااااااااااااااااااااااااري فشه .. من وين يايبتها" :P



================================
طبعا بدون لا اسأل " من هازا يا هازا"
تعرفونه :)
بس كان خاطري اقول صيغة السؤال :P


=================================
مره من المرات لاحظت سياره مجكنمة متروسه عمال
السايق معلق بالمنظرة "نجمة شوارفسكي" (احس طيح حظ النجمة) :P
ياللي تدورون هالنجمة .. بس خلاص لاتدورونها :P
==============================
يايتني حاله هالايام
وانا بالسياره
اضغط على ضروسي حيل
وما الاحظ هالشي
الا لما اوصل حق الوجهه اللي ابيها
استوعب عقبها .. واحس اني فكي يعورني :(
شالحل ؟ ؟
==========================
يوم السبت حطوا فلم غيشا
تذكرت رورو
اتصدقون اني حبيت الروايه اكثر
فيها تفاصيل واحداث وحتى شخصيات اكثر
بالفلم وايد مغيرين اشياء
مادري ليش يغيرون .. احس يخربون القصه ويبيخونها :(
==========================
آخر بدليه من بدلياتي
كتبت كتاب رسمي ودزيته حق المراقب
دق علي وسألني
فشه شنو يعني ( الفون الفا ) ؟
لوووووول
قلت امبيه كنت اقصد ( اربعون الفا )
حسيت نفسي ياهل :P
===========================
بناءا على طلب اخوي GodFather
رسمت لكم مديري .. مو تضحكون
:)






===============================
اتمنــى لكــــــــــــــــــــــــــــــــــم ويــك انـــــــــــــد سعيــــــــــــــــــد
:)

الثلاثاء، أكتوبر 27، 2009

معاناتي

صباح الخير بس شويه متأخره
نظرا لغيابي اللي شويه طال عذروني
بسبب اني كنت في دوره تدريبيه .. عقبها كان جهازي مخنزر :P
بسولف لكم عن سالفه تقرقع في قلبي
( قلبي متروسه )
امس وكعادة كل صباح اروح الدوام متأخره
واحاتي الحق على البصمه او لأ
وعلى طاري البصمه
هالايام الجهاز مايقبل بصمتي مادري ليش
الظاهر راحت الخطوط من كثر ما احرقه في الفحمة لما احط بخور لووول
رفيجتي تقول فينا جفاف مانشرب ماي من جذي راحت الخطوط
اتهقون صج @@
ادخل مكتبي
اتفاجأ اني بروحي
زميلاتي من سوء حظي وحده غايبه والثانيه مستأذنه
بسولف لكم عن طبيعة مسئولي
اهوا من النوع اللي ماتدرون شنو يقصد بالضبط
شخصيته لها عدة جوانب
شفنا الجانب اللي يعاملنا بكل رسميه وعلاقة تكاد تكون اقرب الى الابوية
وللاسف هناك جانب آخر.. جانب جدا جدا بايخ
ولاني بروحي
للاسف شفت الجانب اللي جدا جدا بايخ
يؤسفني حال اللي يتصرفون هالتصرفات
مادري هل المنصب او العمر اللي يبيح لهم هالتجاوزات
ناداني المكتب
عطاني شغل
وسأل عن احوالي
جااااااااااااااااااااااااااااااااان
يقط علي كلمه جنه ماااايدري لووول
قمت ابووولع بريجي
وانا قاعده اقول بقلبي يا ربي هذا شنو ارد عليه!
نزره ونزرت عليه من قبل
وحقران وحقرته
غياب وغبت لول
حتى البنات مساكين اذا كنت بروحي
ودخل مكتبي .. معودتهم ادق عليهم بس رنه على طول اييوني
اقولهم اي انتوا محارمي ههههههههه
سكت جني ما سمعت
قلت له خلاص عيل بو فلان اول ما اخلص هالكتب ادزهم مع المراسل
وطلعت
وعلى فكره
مو بس انا اللي حايشها هالطشار
من جذي انا شويه متطمنه
:P
عموما
حبيت افضفض لكم
واللي مصبرني بيطلع تقاعد احتمال قريبا
ما اقول
الا
" ان الله مع الصابرين "
:)

السبت، أكتوبر 03، 2009

اعترافات غيشا + أسئلة نمووول



اخيرا خلصت من رواية اعترافات غيشا

تحكي عن حياة بطلة الرواية ( سايوري )

فترة طفولتها مع اسرتها المكونه من والدها صياد السمك ووالدتها اللي كانت مريضة

واختها الكبيره

بعدها تغيرت حياتها لما باعهم ابوها

وافترقت عن اختها

وبعدين صراعها مع غيشا متسلطه في البيت الجديد اللي عايشه فيه

وشلون اثبتت وجودها وصارت غيشا مشهوره

وعلاقاتها مع الرجال اللي صادفتهم في مراحل حياتها المختلفة


عموما بصورة عامه

روايه تستاهل الواحد يقراها ولو انها طويله وفيها تفاصيل زياده شوي

مثل طريقة وصفها الكيمون ( اللبس الياباني ) والوانه وتطريزه .. الخ

مع اني استغرب قوة ذاكرتها .. لانها تسرد لنا احداث صارت لها من 50 سنه تقريبا

( انا الاسبوع اللي طاف ماذكر شنو سويت لوول )

وفي حوارات اهيا تقولها .. احسها سخيفه .. او بالاصح يعني مو وقته .. عبيطه :)

يعني مثلا في موقف انها قاعده مع رجل وحالته النفسيه حدها موشي

ويشكيلها الحال

واهيا ردة فعلها .. ولاشي .. بس تسأله " اصب لك ساكي" !



عجبتني طريقة تشبيهها حق الاشياء مثل : " تتباهى بثوبها الداكن كالقمر في ليلة ضبابية" و " كان ينظر الي كما ينظر الموسيقي الى آلته قبل ان يبدأ العزف .. بود وحنان "

:)


في الربع الاخير من الرواية .. حقدت عليها .. ليييييش سوت جذي هال... وال... ههههههههه

وبالاخير ماتوقعت النهاية بتكون جذي


اول روايه طويله اقراها .. والصراحه استمتعت في قراءتها :)


================================


بالنسبه حق اسئلة اخوي نمووول :


اسم مدونتك ( المعنى وسبب اختياره ؟ )

معناه السمجه

يمكن لاني احب البحر وايد .. واحب السمج

طرا علي جذي .. حبيته لانه اسم خفيف
و ( ظريف ) :)

الجنس ؟

Female


لماذا تدون ؟

ادون عشان تشاركوني سوالفي

لاحساسي بانها مساحه اشارككم فيها بجزء صغير من حياتي


لمن تدون ؟

لكم انتم .. عالمي الآخر

عائلتي الثانيه :) ----> ( مسبحي ) هههههههه عدل نمووول ؟ ;>


عن ماذا تدون ؟

مو عن شي محدد

ادون عن كل شي يخطر في بالي

افكاري .. فضفضتي .. تحلطمي


قدوتك في الحياة ؟
الى الآن ما احس ان عندي
شخص ممكن اني اقتدي فيه


هدفك في الحياة ؟
- اترقى في وظيفتي
- اعيش حاله من الطمأنينة
- يكون عندي اسرة
- يذكرني الناس بالخير


اوصف نفسك بسطرين ؟
باختصار احس اني حبوبه .. طيبه .. قلبي ابيض
ماحب ازعل احد او اضايقه
اجتماعيه الى حد ما
انطوائية .. خجوله ( ويهي بسرعه يصير احمر ) :P
امممممم انتوا شنو ممكن تزيدون على صفاتي؟ @@


اكثر صفه تنطبق عليك ؟

مزاجيــــه


كاتبك او آديبك المفضل ؟
على حسب الكتاب او الرواية بغض النظر عن الكاتب
بس لما ابطل الجريدة افضل اني اقرا حق
الاستاذ/ فؤاد الهاشم


شاعرك المفضل ؟
خالد الفيصل


اين ترى نفسك بعد ١٠ سنوات ؟

اتمنى ان شاءالله اني اكون في منصب حلو في دوامي

ومن الناحيه الشخصيه

اني اكون في بيتي وبين عيالي ال6 :P


كلمة لقراء مدونتك ؟

شكرا لانكم معاي .. شكرا لتواجدكم .. لردودكم وتواصلكم

وسامحوني اذا في اشياء ما عجبتكم في مدونتي المتواضعه

:)

الأحد، سبتمبر 27، 2009

تناتيــف(2)

بمناسبة بدء الدوامات وقعدة الصبح اللي اهيا شر لا بد منه
ليما الله يكتب علينا التقاعد ( بعد قرن من الآن ) :P
مو المفروض يسوون لنا مهرجان العودة الى الدوامات
اسوة بمهرجان اخوانا الطلبه واخواتنا الطالبات
( مهرجان العوده الى المدارس )
ويعرضون فيه ماجلة المكتب بسعر رمزي :P
=============================
وانا بطريج الدوام
شفت سيارة من الحجم الكبير العائلي
بس لفت نظري
ان صاحبة السيارة معلقة ( عقال ) بالمنظره جدامها
وهاذي ثاني وحده اشوفها مسوية جذي
تساؤلي يقووووول : هالحركه لها معنى ؟
او ان ربما يكون زوجها ناسيه من امس ؟
=============================
الى متى ( الايجو )
يا اصحاب خدمة الايجو
ينجلني ويفصل من الصبح ليما هالوقت ما يشبك
واضطر اني اشبك كالعاده من وايرلس بيتنا
انتوا عيل ليش ذابحه عمري عليكم وادفع كل شهر؟
مع العلم ترا انا خوش عميله لاتخسروني
ترا متهدده اهدكم ديروا بالكم :P
============================
مادري ليش من اقرا احد ياييب طاري السينما
تطري علي سينما السالميه .. تذكرونها ؟
اتهقون ليش هدموها . وليلحين ما بنوا مكانها شي؟
عندي كانت احلى من اني ادش مجمع وامشي في الزحمه وحالتي حاله بس عشان السينما
كانت مبنى بروحها شحليلها مالها شغل في احد :P
=========================
قناة الوطن هابه تحط مباريات ابيضxاسود
ليش ؟ يذكرونا بماضي وامجاد لاعبينا مقارنة في مستواهم هالوقت ؟
=========================
وختاما
اقولكم
ناموا مبجر .. باجر وراكم دوام
:(

الأربعاء، سبتمبر 23، 2009

حبيت اسولف :)

هاذي صورة وحده من اللقيمات الفاشله اللي جربت اسويهم في رمضان
بس ما ضبطت معاي
مو جنها سمجة ؟ :)

==================================
امي وعشان وضعها الحالي تحتاج سيارة اسعاف حق مراجعاتها ومواعيدها بالمستشفى
بقولكم موقفين مع الاسعاف مريت فيهم ضحكوني
عاد مادري بتضحكون او لأ
:)


الموقف الاول :


الاسعاف كانت لاحقتنا

لما وصلنا البيت

شبيت للسياره فلاشر ان هذا بيتنا

وابوي كان واقف برا

انا كملت سيده وطلعت من الفريج لان ماعندي باركينج .. قلت اخذ فره بالقطعه على ماتحرك ويفضي المكان

وخذتنا السوالف انا واختي ومندمجه حدي

رن موبايلي

والا ابوي

" انتو وينكم؟ " " قلت له قريبين ليش في شي؟؟" " لا بس الاسعاف ترا لا حقتكم ليلحين"

اطالع بالمنظره والاا صج سياره ضخمه وراي لوووووووول

نسيت عمري ونزلت

اقول حق السايق " هاو انت ليش لاحقني؟ "

يقول مادري شفتج مشيتي مشيت وراج

لوووووول


الموقف الثاني :


مره من المرات

امي بنييبها من المستشفى

وكان الوقت تقريبا 9 بالليل

واحنا رادين انا واختي بالسياره

الاسعاف تمشي ورانا

مابيني وبين الاسعاف الا سياره وحده

صعدت يمين ( مخرج يم الجسر )

وانا اصعد اطالع الاسعاف بالمنظره والا مستنه مكمله سيده تحت الجسر

انزين انا فوق !

لووول كسرت رقبتي بطالع قلت يمكن المنظره غلطانه

اقول حق اختي

" امبييييييييييييييييه " " امي " !
قالت لي " شفتها بس منصدمه ما تحجيت "
لووووول
احلى شي واحنا نطالع الاسعاف طايره واحنا مو قادرين نوصل لها :P


كان موقف يضحك لان صارت مطارده بعدين


:)
=======================
بقولكم نكته شويه مليقه توها واصلتلي
يقولكم في عيوز
راحت الدكان وقالت " عندك فكس لعوار الريول ؟ "
قال " شنو يا حلوه ؟ "
قالت " اقول عندك ككاو تويكس "
خخخخخخخ
=======================
لا تحذفون بلوقي بطماط اليوم
ماعندي شي اكتبه
بس حبيت اسولف
:)

السبت، سبتمبر 19، 2009

عيـــــدكم مبــــــارك



" تقبــل الله طاعتكــــــــم "
" وعســاكــــــم مـن عواده "
:)

الأربعاء، سبتمبر 02، 2009

حلو الطبقات الثلاث :)

توني سويت هالحلو .. وايــــــــــــــــــــــــــــــــــــد لذيــــــــــــــــــــذ وسهــــــل
شفته في ايميل قبل جم اسبوع .. طلع صج يمي يمي :>


المقاديـــــــــــر :
- بسكوت دايجستيف الصغير
- حليب صغير ( بس حق تغميس البسكوت )
- 1 ظرف دريم ويب
-10 جبن كيري
-3 ملاعق طعام سكر ناعم
-2 قيمر كبير \ 1 صغير حق التوفي
- 6 ككاو مارس

الطريقـــــــــــــة :

1) نغمس البسكوت في الحليب شويه .. ونكسره في الصحون الصغيره مثل الصوره .





2) نصب عليه شوية توفي ( انا ماعندي جاهز .. سويت التوفي استكانة ونص سكر + 1قيمر الصغير)





3) بالخلاط : 1 دريم ويب + 10 جبن كيري + السكر البودر + 1 قيمر .. وبعدين نخليه الطبقه الثانيه فوق البسكوت والتوفي .
4) الطبقة الأخيرة : نذوب 6 ككاو مارس + 1 قيمر بحمام مائي .







5) اخر شي نزينه بككاو فليك مبشور او يوز او اي شي تحبونه وبعدين بالثلاجه :)

وبالعافيه
:)

السبت، أغسطس 29، 2009

ما هازا يا هازا ؟ :P



اليوم وانا طالعه شفت هالشكل الجميل :P
سؤال اليوم
وين هالدائره الحلوه يا شطار يا حلوين؟
:)
الجائزة : صحن لقيمات وجيس قرقيعان
:)
==========================
تحديــــــــــث
الحـــل : هالدائرة الله يسلمكم
يم مركز دسمان لابحاث وعلاج امراض السكر
مقابل سوق شرق
واللي يشوفها رجاءا يقولي
ليش حاطينها لوووول
ومشكورين وايد على المشاركه
:))

الأربعاء، أغسطس 26، 2009

عشرة اشياء ..


بالاشارة الى سؤال الاخ العزيز نمووول ( اسلوب وحده تكتب كتب رسميه )

" اكتب عشرة اشياء تعرفها عن نفسك "


نفيدكم .. ( ههههههه بس عاد )

باختصار هذا اللي طرا على بالي


:)


1- احب الهدوء والانطوائية
2- خدومة وماحب ارد احد
3- ملتزمه ، نظاميه
4- عصبيه بدرجه جبريت اذا وصلت حدي (مو لاايق علي ترا)
5- متردده وايد ( مو بسرعه اتخذ قراراتي )
6- قلبي ابيض بسرعه انسى
7- وتناقضا للصفه اللي قبلها .. بسرعه اكره اذا خذيت موقف من احد
8- حساسه وايد وايد
9- نسااااااااااااايه بصوره مو طبيعيه
10- حنااانه نوعا ما ( على المزاج )

اشكرك اخوي نمووول على تمرير السؤال
وبدوري امرر السؤال حق :

رورو الشخبوطة
ميمة السبيت
Fantaseyah
Angel Orchid
Being one*

:)
====================================


اخيرا دشيت المطبخ :P



=========================================
يبط جبدي مسج
"احمال الكهرباء مرتفعه في منطقتكم ساهم في خفض
الاستهلاك "
احسه واحد نايم في دوامه وتوا قعد من النوم
وتذكر يدز هالمسج قام ورعص دقمه
ودزه حق كل الكويت :P

الخميس، أغسطس 20، 2009

مبــارك عليكــم الشهــر :)


كــــــل عــــــــام وانتـوا بخيـــــــــر

ومبـــارك عليكــــم الشهـــــر

عســى الله يعوده عليكــــم بالصحــه والسلامـــه



:)

الاثنين، أغسطس 17، 2009

راح فيها المريض

راح فيها المريض



الصراحه كسر خاطري :P



الله لا يبلانا









الأربعاء، أغسطس 05، 2009

تناتـــــــيف

في وقت نلاحظ فيه التكنولوجيا وصلت الى درجات ابعد من الخيال

ووقت ننادي اهني بابسط شي وهو تطبيق الحكومه الالكترونيه

وتسهيل امورنا بجميع المجالات بمجرد جم زر

انصدم فيه من خلال روحتي مع رفيجتي حق مبنى وزارة التربية

لتكملة جم ورقه ناقصه من ملفها

للاسف ندور فااااااكس ما نلقى ! صاير عمله ناااادره

وين التطور في غياب ابسط انواع الاجهزة

متى بنعيش عصر السرعه !

وطبعا افترينا ( احنا اللي ندور وين لان اغلبهم يقولون ماندري وين مع العلم ان نفس الادارة)

ولما نلقى يكون رد البنت :

- فاكسنا يديد البلاك مو مركب قوليلهم يدزون مره ثانيه ( طبعا ما ضبطت معانا )

- مادري الفاكس يشتغل او لا ( وتطالعه بنظره جنه كائن غريب )

- مادري انا يديده مادري مادري وتسوي عفسه بالاوراق اللي جدامها ( انتي اليديده الفاكس اللي يمج شكو بالموضوع)

- الفاكس من اليوم Sleep مادري شفيه ! ( قعديه من النوم لوول )

ااااااااااااخر شي لقينا فاكس .. بس احنا اللي عابلنا فيه وافتكينا :)

بس كانت رووووحه ان شاءالله ما تتكرر خخخخخ .. سوري يا رفيجتي اذا بتروحين ماراح استأذن واروح معاج سامحيني :>


======================================


مع تغيير رقم الطواريء 777 حق 112

سؤال يطرح نفسه

ليش ما خلوه 211 على وزن 911 عشان ما ننسى؟

وليش من البدايه ما خلوه 911 عشان يصير رقم معروف متدارج ومتداول بين الناس برا

قولوا لي مو خوش اقتراح؟ :)


===================================


امس وانا بالسياره ( كالعاده ) دااااايسه

( ياربي اعشق السرعه )

تووووووني اكتشف ان الكاميرا لها ويهين؟ لووول

والله لما خففت وطفتها طالعتها بالمنظره والا اشوف ويهها الثاني !

من متى؟ امبيه انا جني مو عايشه بالدنيا شفيني ما الاحظ هالاشياء واواكب التطورات بالديره؟ :P


طرالي عقبها كلمة ودي اقولها حق اللي اخترعوا هالكاميرات بصوره عامه واللي حطوا الكاميرات بصوووره خاصة

" تبــــــــــــــــــــــــا لــــــــــــــــــــــكم " !


==================================


واخيرا نصيحه " غذائية " مني لكم

لا تجربون وجبه ماك اليديده ( جروميه )

الله يزيد النعمه .. ماراح اعلق عليها

بس ترا مأسااااااة وغلطة عمر اللي يطلبها :<


====================================


وتقبلوا مني فائق التحية والاحترام ;)