الخميس، يناير 15، 2009

موقف صارلي p:


صارلي موقف يضحك (بس خوفني وقتها) قبل جم اسبوع .. الماما كانت نايمه بالمستشفى فا كنت اسهر عندها ليه وقت متأخر .. ذيج الليله طلعت منها تقريبا منتصف الليل ( يعجبني الوصف ) خخخ .. طلعت 12 وشي .. 1 الا شي .. انا واغراضي وحوستي .. وبرررررررررررررررررد .. المصافط ظلمه وماكو احد .. عيوني اتلاقط .. لمحت خيال يمشي معاي بس بيني وبينه مسافه .. دشداشه ومتلثم .. قلت لاااااااا انا اليوم بنخطف .. (فاولت نفسي) .. المهم .. جابلت سيارتي .. بطلتها بالريموت .. شبت ليتاتها .. وانا مجبله لها من صوب الباب الثاني بروح احط الاغراض .. ياربي اطل من جامة الدبه .. الخيال .. راعي الشماغ .. (المجهول الملثم) قاعد مكاني!!!
قلت شفيني حووله .. ارد اطالع النمره .. اتأكد اكثر .. ياربي سيارتي ..
رحت صوبه .. ماسك السكان .. بهدوء : " لوسمحت هاذي سيارتي .. "
"آسف آسف"
واختفى ..
قفلت على روحي السياره .. وبالوقت اللي انطرها تحتر .. شفت سياره مرت جدامي وقفت .. نفس سيارتي .. نفس اللون .. الموديل .. والا الملثم رفع ايده يسلم علي ويمشي .. صج ان بعض الظن اثم ههههههه :)

حساااااااااااااااااافه ..


هاردلك لمنتخبنا ..
حريتو قلبي .. وين الهجووووم .. وين الموووج الازرق ..
برايي مباراة اليوم بينا وبين السعوديه لو فيها بذل مجهود اكثر شويه جان يمكن النتيجه تكون غير .. حسينا ان منتخبنا يلعب اليوم داخله احساس بالهزيمه من بدايتها .. ماشفنا تركيز .. فرص وايد ضاعت .. صج صج حسااااافه
ماقول الا الله يرحم ايام فريقنا اول ..
و هاردلك لنا ..

الأربعاء، يناير 14، 2009

شنو هذا ؟

مطرب تركي سمعت عنه بس اول مره اشوفه الصراحه توني .. ظاهره غريبه .. تستاهل الواحد (يكع برييييك قوي جدامها) .. الله لا يبلانا .. استغفر الله




اهني اهوا ( Azis ) مع الزوج .. اثنينهم قفل.كوم خخخخخخ